Amonaren txahalkia bere zukuan

Amonaren txahalkia bere zukuan – 

Gure eskuetara iritsi diren orri zahar koipetsu batzuetatik Amonaren errezetak berreskuratu ditugu eta hemen dakarzkizugu, edonorena izan litekeen amonaren jakintza, eskua, maitasun eta goxotasunaz…

Gaurkoan txahalkia bere zukuan amonaren erara RZ dakarkizugu, haragia eta oroitzapen goxo asko, prestatzeko erraza, aproposa ama eta izeba bisitan datozenerako, ligatzen laguntzeko, parranda osterako ere bai… Izan gozo, gozatu eta on egin! 🙂

…

Osagaiak

• Hegal haragia (biribilkia edo besokia)
• tipula
• 3 baratxuri
• olioa
• perrexila
• pattarra edo ardo txuria

…

Errezeta

1. Hegal haragia, biribilkia edo besokia izan daitekeena, lotu zerorrek, edo eskatu harakinari prestatua emateko.
2. Jarri lapiko batean olioa, tipula dezente, hiru baratxuri ale eta perrexil adartxo bat.
3. Jarri haragia bertan, su bizitan doratu dadin (erre gabe).
4. Saltsa lehortzen denean, bota pattarra edo ardo txuria.
5. Tenedore batekin haragia samurra dagoela nabaritzen duzunean, pasa saltsa gainetik, eta beharrezkoa bada salda apur bat edo ura.
6. Zerbitzatzeko xerrak egin (hotz dagoela hobe) eta zerbitzatu saltsa gainetik jarrita.

…

Kasu!

Patata purearekin lagun daiteke.

Haragia, eskatu harakinari prestatua emateko hobe, prozesua erraztuko dizu.

AMAMAREN ETXEKO NEURRIAK

• Kafe koilarakada bat 5 gr.
• Postre koilarakada bat 10 gr.
• Zopa-ontzi koilarakada 15 gr.
• Kafe kikara bat 100 gr.
• Katilukada bat, 250 gr.
• 20 gr gurin, pospolo kaxa baten baliokidea da.
• 100 gr gazta, tabako kaxatxo baten baliokidea da.
• Tomate estandar batek 100 gr. inguru pisatzen ditu.
• Tamaina estandarreko 4 patatak 500 gr. inguru pisatzen dute.
• Laranja estandar batek 200 gr pisatzen ditu.
• Behatz loditik hatz erakusleraino iristen den azenario batek 50 gr. inguru dauzka.
• Lekale eskukada batean 20-30 gr bitarte daude.
• 100 gr irin 5 koilarakada dira.
• kg 1 ogi 3 ogi handi dira.

…

Akaso!

Amonaren txahalkia bere zukuan