Kuiatxo eta patata pasteltxoak labean

92%

Zenbatentzat

konpainia onean ...

Denbora

45 min

Gustuko duzu?

Atsegiteak 11

Desatsegiteak 1

Kuiatxo eta patata pasteltxoak labean –

Oso gomendagarria da errezeta osasuntsu hau, erraza delako eta edozein momentutarako egokia, eta umeen gustokoa gainera. Kuiatxo edo kalabazinarekin errezetak egiten darraigu azkenaldian, ekarriko ditugu gehiago. Amerikako tater tots txikietan oinarria hartuta, Kuiatxo eta patata pasteltxoak labean RZ hemen gaurkoan dakarkizuguna. Haurrentzat bikaina dela ere esan dugu, kroketa edo pasteltxo moduan forma oso erakargarria baitute. Denak txundituta uzteko primerakoa, ama eta izebari gustatuko zaie bisitan datozenean, ligatzeko ere bai agian… Segi gozo, segi fin eta on egin! 🙂

…

Osagaiak

30 unitate egiteko

neurri ertaineko 3 patata
neurri ertaineko 2 kalabazin edo kuiatxo
gatza 5 ml
piper beltza
parmesano gazta
baratxuria (granulatua)
oliba
olioa

…

Errezeta

Berotu labea 200 ºC-tan eta prestatu erretilua koipeztatutako paperarekin.
Garbitu eta lehortu ondo patatak eta kalabazinak.
Jarri patatak urez estalitako eltze batean, eta irakiten jarri. Egosi 20-25 minutu inguru. Hoztu ur hotzarekin.
Patatak egosten diren bitartean kuiatxoak edo kalabazinak zatitu, lehortu eta bota gatz pixka bat.
Patatak zuritu eta birrindu lodiera berean ontzi batean.
Xukatu ondo kalabazinak eta gehitu patatara. Gehitu gazta eta baratxuria gustura. Nahastu dena oso ondo. (Belar fresko batzuk edo espezieak ere gehi diezaizkiogu oreari).
Koilaratxoarekin zatiak hartu eta kroketa txikiak osatu, forma nahieran badakizu.
Banatu labeko erretiluan, olio pixka batekin igurtzi eta sartu labean, gorritu arte, 30 minutu inguru.

Kuiatxo eta patata pasteltxoak labean …

Kasu!

Kuiatxo eta patata proportzioa zure gustura.

Orea oso bustita badago, hozkailuan zapi garbi baten gainean xukatzen utz dezakegu ordu erdi batez edo. Hotza maneiagarriagoa izango da. Belar fresko batzuk edo espezieak ere gehi diezaizkiogu oreari.

Are hobeak izan daitezen, unitate bakoitza, denbora erdian gutxi gora behera, biratu egin dezakegu, sukaldeko pintza batzuk arretaz erabiliz.

…

Akaso!