Legatz kokotxak pil-pil erara
Legatz kokotxak pil-pil erara –
Gaurkoan arrainak RZ sailtxoa jarraituz Legatz kokotxak pil-pil erara RZ top horietakoa dakarkizugu. Iker Markinezen «Euskal sukaldaritza praktikoa» bere liburuko beste RZ goxo eta erraz bat. RZrarik bada, RZ hau da denak txundituta uzteko primerako top horietakoa, lagunekin gozatzeko, ama eta izeba bisitan datozenerako, ligatzeko…
Segi gozo, segi fin eta on egin! 🙂
…
LEGATZ KOKOTXAK PIL-PIL ERARA
…
Osagaiak 4 pertsonentzako:
- Legatz kokotxa freskoak, 1 kg
- Baratxuria, 3 ale
- Oliba olioa
- Gatza
…
Errezeta
- Lapiko zabal batean oliba olio txorrotada bat bota, lapikoaren azalera osoa ondo estaliz. Baratxuri aleak txiki-txiki xehetu eta lapikora bota. Lapikoa su motelean jarri, eta baratxuria bota. Kokotxa guztiak gatzatu, eta baratxuria dantzan hasten denean kokotxak banan bana lapikoan jarri kontu pixka batekin, baina betiere azala gora begira dutela. Sua ahalik eta motelena jarri, eta lau bat minutuz kokotxak erregosi eta ondoren, lapikoa sutik kendu.
- Pil-pila prestatzeko, pazientzia da osagai nagusia. Izan ere, lapikoa mugitzen hasi aurretik hamabost bat minutuz utzi behar dugu. Tarte hori beharrezkoa da olioa tenperaturarik egokienera irits dadin. Tenperatura horrek lagundu egiten du kokotxek barruan duten gelatina askatzen, eta gelatina horrek erraztuko digu pil-pil on bat egiten.
- Beraz, denbora hori pasatu ostean, lapikoaren bi kirtenak heldu, eta poliki-poliki lapikoa mugimendu borobilak eginez mugituko dugu. Segituan ohartuko gara, pil-pil saltsa loditzen ari dela. Pil-pila lortzean eta zerbitzatu aurretik, berriro su motelean berotu lapikoa. Kontuan hartu plater horrek ez duela perrexilik behar.
…
Kasu!
Lapikoa mugitzen hasi aurretik hamabost bat minutuz utzi behar dugu. Tarte hori beharrezkoa da olioa tenperaturarik egokienera irits dadin.
Iker Markinez ormaiztegin KUKO Jatetxeko sukaldaria…
…
Akaso!
Legatz kokotxak pil-pil erara
Berdela labean piperradarekin
BERDELA LABEAN PIPERRADAREKIN –
Gaurkoan arrainak RZ sailtxoa jarraituz berdela labean piperradarekin RZ dakarkizugu. Iker Markinezen «Euskal sukaldaritza praktikoa» bere liburuko beste RZ goxo eta erraz bat. Denak txundituta uzteko primerakoa, ama eta izeba bisitan datozenerako, ligatzeko…
Segi gozo, segi fin eta on egin! 🙂
…
BERDELA LABEAN PIPERRADAREKIN
…
Osagaiak 4 pertsonentzako:
- Lau berdel
- Piper gorri morroia
- Piper berdea
- Tipula gorri bat
- Lau baratxuri ale
- Arrain salda
- Gatza
- Oliba olioa
- Ozpina
…
Errezeta
- Lehenik, piperrada prestatzen hasiko gara. Horretarako, piper gorri eta berdeak eta tipula juliana moduan moztu, eta 30 minutuz lapiko batean erregosi, olio zurrutada eta gatz pittin batekin, su motelean. Ez estali lapikoa taparekin; horrela lurrina kanporatu egingo da, eta horrek barazkiei zapore eta kolore biziagoak mantentzen lagunduko die.
- Bitartean, berdela xerratan prestatu. Ahal bada behintzat, arrainaren erdiko hezur txiki gehienak pazientzia pixka batekin kendu. Jateko garaian eskertuko dugu hori.
- Labeko erretilu batean pare bat koilarakada arrain salda ipini, eta saldaren gainean, azala goraka dutela, berdel xerra guztiak, bata bestearen segidan. Gatz pittin bat bota. 200 ºC-tan berotutako labean sartu, eta lau minutuz eduki. Berehala egiten da. Lau minutu pasatu, eta segituan labetik atera. Ozpin zurrutada txiki bat bota arrain xerren gainetik.
- Zartagin txiki batean, baratxuri xerratuak frijitu oliotan, eta dena berdelak ditugun erretilura bota.
- Mahaira zerbitzatzeko, plater bakoitzean, piperrada koilarakada jarri erdian, gainean berdel xerra pare bat, eta azkenik erretiluan dugun saltsaz platerekoa busti.
…
Kasu!
Iker Markinez ormaiztegin KUKO Jatetxeko sukaldaria…
…
Akaso!
Xuban Intxaustik gidatzen zuen ETBko “Txoriene” saioan Ikerrek ALMEJAK TXAKOLI ERARA RZ egin zuenekoa…
BERDELA LABEAN PIPERRADAREKIN
Begihandiak tintan (Txibiak tintan)
Begihandiak tintan (Txibiak tintan) –
Gaurkoan arrainak RZ sailtxoa hasiko dugu eta begihandiak tintan RZ dakarkizugu hasteko. Iker Markinezen «Euskal sukaldaritza praktikoa» bere liburuko beste RZ goxo eta erraz bat. Denak txundituta uzteko primerakoa, ama eta izeba bisitan datozenerako, ligatzeko…
Segi gozo, segi fin eta on egin! 🙂
…
BEGIHANDIAK TINTAN (txibiak tintan)
…
Osagaiak 6 pertsonentzako:
- 2 kilo begihandi
- Begihandien tinta
- Etxeko tomate saltsa kazokada bat
- 3 baratxuri ale
- 3 tipula eder
- 2 piper berde
- Ardo zuria, basokada bat
- Gatza
- Oliba olio birjina
- Ura
Errezeta
- Errezetarekin hasteko, tipulak eta piper berdeak moztu, eta lapiko handi bat sutan berotzen jarriko dugu.
- Jarraian, olio zorrotada bat bota lapikora, eta moztutako tipula eta piperrak gehitu, baita baratxuri aleak ere, oraingo honetan osorik. Hogei bat minutuz su ertainean erregosi, eta, ondoren, ardo zuria gehitu eta minutu pare batez gehiago sutan eduki. Ondoren, etxeko tomate saltsa bota, pare bat ur litro, begihandien tinta eta gatz pitin bat ere bai. Beste ordu laurden batez irakin. Segidan, saltsa pasatu egingo dugu, txano eta turmisa erabiliz.
- Beste lapiko handi batera olio zorrotada bat bota, eta, ondo beroa dagoenean, begihandiak laukitxotan moztuta bota. Gatz pitin batez hornitu eta bost bat minutuz frijitu.
- Ondoren, saltsa beltza gehitu, ur pixka batekin batera, eta ordu betez eduki su motelean irakiten, begihandia bigundu eta saltsa loditu dadin.
- Ondoren, prest daukagu jaki gozagarri hori dastatzeko.
…
Kasu!
Kontutan hartu saltsa zein tankera hartzen ari den. Hau da, saltsa lodi xamarra sumatzen badugu, ur pixka bat gehiago gehitu. Aldiz, saltsa mehea badago, su bizian denbora luzexeagoz eduki saltsa loditu dadin.
…
Akaso!
Txibi erraldoia Zelanda Berrian? Fake ala egia…
sashimi RZ egiteko mozketa bideoa…
Begihandia garbitzeko lehiaketa ETBn duela urte batzuk…
Squid: The Deep Sea Devils | Deep Sea Killers National Geographic
Begihandiak tintan (Txibiak tintan)
Onddoak papillote erara
Onddoak papillote erara –
Bagatoz bueltan Txalupan arrantzan opor egun eder batzuk pasa ostean, eta egia esateko gosez errekamaran genuen kapritxozko plater goxo bat buruan, onddoak papillote erara RZ. Argi dezagun uda ez dela onddo garaia, baina gu bezala apeta baduzu, aurkituko duzu kanpoko onddorik gure denda eta feritan. Iker Markinezek «Euskal sukaldaritza praktikoa» bere liburuko beste RZ goxo eta erraz bat. Denak txundituta uzteko primerakoa, ama eta izeba bisitan datozenerako, ligatzeko ere bai… Segi gozo, fin eta on egin! 🙂
…
ONDDOAK PAPILLOTE ERARA
…
Osagaiak
- 800 g onddo
- 2 baratxuri ale
- Oliba olio birjina
- Gatza
- Perrexila
…
Errezeta
- Onddoak era ezberdin askotara presta daitezke. Errezeta hau berezi bezain erraza da. Onddoak garbitu, eta xafla finetan moztu. Baratxuri aleak ere zuritu, eta horiek ahalik eta pusketarik txikienetan moztu. Perrexila xehatu eta gorde.
- Labea berotzen jarri 200 ºC-tan. Berotzen den bitartean, papillotea egiten hasiko gara. Horretarako, labeko erretiluan zilarrezko papera jarri –edo, ahal izanez gero, laberako paper sulfurizatua, egokiagoa baita–. Paperaren gainean onddoak zabaldu, eta bertara gatza gehitu, baita perrexila eta baratxuriak ere. Oliba olio zorrotada bat bota, eta papera poltsatxo baten itxura emanez ongi itxi. Oso garrantzitsua da paperaren tolestura hori ongi egitea, onddoek botatzen duten lurrin guztia poltsaren barruan gelditzeko eta zapore guztia mantentzeko.
- Papillotea labean sartu eta bertan mantendu 10 bat minutuz. Ondoren atera, eta, irakin ondoren, jateko prest dago jadanik.
…
Kasu!
Plater nagusi gisa, edo baita beste jaki baten laguntzaile moduan ere aurkeztu daiteke.
Iker Markinez ormaiztegin KUKO Jatetxeko sukaldaria…
…
Akaso!
- Onddo tarta
- Perretxikoei buruz hitz egiteko tartea ireki zuten ‘Zuek hor eta gu hemen’ saioan Iro Landaluzerekin. Onddoak eta perretxikoak, hobeto ezagutzen dituen pertsonarekin antza… Arretaz ibili onddoak jan aurretik! atala honakoa:
- Xuban Intxaustik gidatzen zuen ETBko “Txoriene” saioan Ikerrek ziza nahaskia RZ egin zueneko bideoa.
ONDDOAK PAPILLOTE ERA RA onddoak papillote erara RZ .
Intxaur saltsa
Intxaur saltsa –
Postre eta gozoki eta gozoaren tartea gustoko duzula eta, saltsa gozo baten RZ eta teknika dakarkizugu gaur. Erraza, parranda osterako, ama eta izeba datozenerako, ligatzeko ere bai… Gozatu eta on egin! 🙂
…
Osagaiak
- 250 g intxaur, zurituak
- Litro erdia esne
- Litro erdia esnegain urtu
- 250 g azukre
- Kanela, adaxka bat
Intxaur saltsa
Errezeta
- Zurezko mailu batez zanpatuko ditugu intxaurrak, edo motrailuan, nahi bezala. Ore fin bat lortu behar dugu. Lehen, bi zatar finez zanpatzen eta xehatzen zituzten intxaurrak.
- Kanelarekin batera egosiko ditugu esnea eta esnegaina; adaxka atera eta intxaur-orea eta azukrea erantsiko ditugu ondoren. Su eztian edukiko dugu guztia egosten, 25 bat minutuan, krema arin bat itxuratu arte. Urtsuegi dagoela sumatzen badugu, luzaroago eduki dezagun egosten; oso lodi badago, esne isuriaz arinduko dugu, sutatik atera aurretik.
- Atera eta ontzitan bantuko dugu ondoren.
…
Kasu!
Epel eta hotz har daiteke intxaur-saltsa.
Emaitza bertsua ez bada ere, irabiagailu ontzidun batean xeha ditzakegu intxaurrak, fin xehatu arte. Segida emaiozue orduan errezetari.
…
Akaso!
Labayru Herri Ondarea youtubeko kanaletik hartua… Intxaur saltsea RZ.
Intxaur-saltsea preparetako, intxaurrak ondo txikitu behar izaten ziran. Esnea kaneleagaz ipinten eben eta galleta batzuk bere botaten ebezan esnea loditzeko. Luzaroan eukiten eben egosten. Intxaurrak txikertzeko, jo egiten ebezan, baina ondo apartau behar izaten ziran maminak. Intxaur-saltsea gozoa izaten da, baina behar handia emoten dau: lehenengo, intxaurrak apartetan, eta, gero, saltsea egiten; izan bere, ondo egiten ez bada, ez dago gozo. Intxaur-saltsea preparetako, intxaurrak ondo txikitu behar izaten ziran. Esnea kaneleagaz ipinten eben eta galleta batzuk bere botaten ebezan esnea loditzeko. Luzaroan eukiten eben egosten. Intxaurrak txikertzeko, jo egiten ebezan, baina ondo apartau behar izaten ziran maminak. Intxaur-saltsea gozoa izaten da, baina behar handia emoten dau: lehenengo, intxaurrak apartetan, eta, gero, saltsea egiten; izan bere, ondo egiten ez bada, ez dago gozo.
…
Intxaur saltsa
Barazki burruntzia
Barazki burruntzia –
Barazkiekin jarraituz garaiko barazki burruntzia RZ dakarkizugu oraingoan. «Euskal sukaldaritza praktikoa» bada RZ praktikoagorik zail da aurkitzen, erraz-erraz egitekoa, prestaketan lagundu eta burruntziekin jolasteko aukera ere txikienek, edo denak txundituta uzteko, ama eta izeba bisitan datozenerako, ligatzeko ere bai… Segi gozo, fin eta on egin! 🙂
…
GARAIKO BARAZKI BURRUNTZIA
…
4 pertsonarentzako osagaiak:
ANDONI CANELLADA / ArgazkiPress
- Kuia xafla 1
- Kuia txiki 1
- Azenario 1
- 2 porru
- Alberjinia 1
- 2 dozena Ibarrako piper
- Gatza
- Oliba olio birjina
- Burruntziak egiteko 8 makila
…
Errezeta
- Porruak garbitu, eta pare bat zentimetroko xaflatan moztu. Gauza bera egin azenario eta kuia txikiarekin ere.
- Lapiko bat urez bete, eta sutan ipini. Irakiten hastean, gatz pitin bat bota, eta porruak gehitu. 5 minutu irakiten eduki ondoren, atera eta ur hotzetan sartu, hozteko. Beste hainbeste egin azenario eta kuia txikiarekin ere.
- Barazki horiek egosten diren bitartean, kuia xaflari azala kendu eta bi zentimetroko laukitan moztu. Alberjinia (nahi dutenek azala kendu gabe) ere laukitan moztu, eta 5 minutuz irakiten eduki, egosi arte.
- Barazki guztiak ur hotzetik atera, eta erretilu batean multzotan banatu.
- Burruntzi makila bat hartu, eta lehenik Ibarrako piper bat sartu. Ondoren, barazki egosiak txandaka sartu makilan, eta, bukatzeko, beste Ibarrako piper bat jarri makilaren bukaeran.
- Horrela jarraitu makila guztiak bete arte.
- Plantxa bat berotzen jarri, eta ongi beroa dagoenean, oliba olio tanta bat bota. Burruntziak jarri gainean, gatz pitin bat bota, eta pare bat minutu eduki ondoren, buelta eman beste aldetik ere gorritu daitezen. Ondoren, atera, eta azken ukiturako, oliba olio gordin zorrotada bat bota; jateko prest izango dira orduan.
..
Kasu!
Barazkiak neurri berean moztu ditugunez, burruntziek itxura politagoa edukiko dute.
…
Akaso!
Xuban Intxaustik gidatzen zuen ETBko “Txoriene” saioan Ikerrek Barazki panatxea entsaladan, urdaiazpiko frijitu eta Idiazabal gaztarekin RZ egin zuenekoa…
Barazki panatxea entsaladan, urdaiazpiko frijitu eta Idiazabal gaztarekin
Barazki burruntzia Barazki burruntzia Barazki burruntzia Barazki burruntzia Barazki burruntzia Barazki burruntzia
Sagar tarta
Sagar tarta
Errezeta hau 8 lagunentzako modukoa da
Osagaiak:
- 2 Arrautza
- 100 gr Azukre beltz
- 8gr legami hauts
- 180 gr irin
- 4 Sagar, ahal dela chanteclair motakoak
- 175 gr Esne +
- Gurina eta irina molderako
- Gatz apur bat
- Abrikota edo albarikoke marmelada
SAGAR TARTA Sara Jane
…
Errezeta:
- 2 Sagar zuritu, laukitan zatitu eta gopor edo bol batean ipini; esnea, azukrea, legamia, arrautzak eta irinarekin batera. Turmixaren laguntzaz dena irabiatu ore fina lortu arte.
- Tarta egingo den moldea gurinez igurtzi, irinez jantzi eta aurreko nahasketa barrura igaro.
- Beste 2 sagarrak zuritu eta lamina finetan moztu. Hauekin, moldeko masa estali.
- Tarta labean sartu aurretik 180º tan dagoela egiaztatu eta han sartu 40 minutu.
- Tarta labetik atera eta tenperatura apur bat jetsi zaionean, marmelada kapa fin batez busti.
…
Kasu!
Sagar mota ezberdin askok balio du tarta egiteko. Bakoitzak, hori bai, emaitza ezberdina emango du. Kasu honetan, interesgarria da aukeratutako sagarrak labea ondo igarotzea desegin gabe (reineta, chanteclair…).
Tarta oinarri beretik abiatuta, fruta desberdindunak egin daitezke: udarea, anana, platanoa edo mazedoniarena, esaterako.
…
Akaso!
Aldapeko sagarraren adarraren puntan…
SAGARRA JO !!!
Sagar tarta
Tipula eta hirugihar tarta
Tipula eta hirugihar tarta –
Hotzak konbatitzeko zopa edo salda bero bat bezalakorik ez dagoela esan genuen aurreko baten, baina pizzak etab. bero eta eginberri daudenean… gozatua ere itzela izan ohi da, ezta? Denbora eta pazientzia pixka bat eskatzen du gaurko Tipula eta hirugihar tarta RZk. Baina erraza, parranda osterako aproposa, ama eta izeba datozenerako edo ligatzen laguntzeko modukoa. Gozatu eta on egin! 🙂
Tipula eta hirugihar tarta
Osagaiak
Tipula eta hirugihar tarta
Errezeta
- Kazola batean olioa jarri eta sutan jarri. Bertan frijituko ditugu, su ez oso bizian, baratxuria, tipula eta hirugiharra. Gatz pixar bat eman. Egin dadila pixkana-pixkana barazkia ongi egosia egon arte, eta franko murriztu arte, ahal dela, kolore iluna hartu arte. Kolore iluna azkeneko momentuan sua bizituz lortuko dugu. Horrela karamelu itxura hartuko du. Guztira 2 ordu edo behar dira. Gero epeldu dadila pixka bat.
- Aurretik labean berotutako moldean sartuko dugu hirugiharra duen tipula orea. Zoko guztiak ongi bete, esnegaina zurrusta finean botaz gainetik. Gazta arraspatuz estali gero. Dagoela labean 200 graduan, 10 bat minutuz gutxi gorabehera, gainaldea pixka bat txigortzen den arte, tipula, esnegainarekin nahasita, goxo-goxo gelditzen den arte.
…
Kasu!
Entsaladarekin batera zerbitzatu.
…
Akaso!
Pierre Castagne Chef-aren tipula tarta RZ, ez galdetu nor den… 🙂
Tipula eta hirugihar tarta
Luisa gazta tarta
Luisa gazta tarta –
Postre eta gozoki eta gozoaren tartea gustoko duzula eta, Luisa gazta tarta RZ dakarkizugu gaurkoan. Erraza, parranda osterako edo ama eta izeba datozenerako, ligatzeko ere bai, edo momentu intimo horiek sortzeko aitzakia… txokolate beroaz lagunduta agian…
Gozatu eta on egin! 🙂
…
Osagaiak
- 100 g gurin guri, pomadan
- 450 g azukre-hauts
- 100 g pastel-irin ahul
- Ximiko bat legamia-hauts
- Kg bat gazta zuri, joa eta giroko tenperaturan (fromage blanc battu)
- 3 koilarakada bete irin
- 7 arrautza eta 2 gorringo
- 6 koilarakada bete krema lodi (esnegain bikoitza)
- Ximiko bat bainila-hauts
- 2 limoi azal birrindu
- Aran lehorrak, Malagako mahaspasak, eta abar
- 20 zm-ko diametroa duen molde altu bat
Luisa gazta tarta
Errezeta
Hondoa egiteko:
- Bi arrautza, gurina, 100g azukre, pastel irina eta legamia batu eta nahasiko ditugu gopor batean.
- Moldearen hondoan eta paretetan egokitu ahal izango den orea lortuko dugu.
- Labean sartuko du ondoren oreaz hornituriko moldea, 200º-ko tenperaturan, eta 15 bat minutuan edukiko dugu, ongi gorritu arte.
Betegarria maneatzeko:
- Kontu handiz nahasiko ditugu gelditzen zaizkigun osagaiak krema lodia, gai lurrintsuak eta mahaspasak eta aranak (zati txikitan moztuak) azkenerako utzirik.
- Moldearen hondoaren gainean isuriko dugu betegarria (labean errea eta hotz egongo da ordurako moldea), eta 15 bat minutuan edukiko dugu ondoren labean, 230º-ko tenperaturan, eta beste ordu bete, 100º-ko tenperaturan.
- Hozten utziko dugu pastela, moldetik atera aurretik.
…
Kasu!
Goxo-goxoa egongo da biharamunean ere.
…
Akaso!
Japoniar gazta tarta RZ nola egin…
Oreo gazta tarta RZ nola egin…
Luisa gazta tarta
Erroskilak
Erroskilak –
Zopa eta salda asteburu hauek alde batera utzita, azukre gogoa sartu zaigu eta beste bizipoz bat gaurkoan, erroskila RZ zaharra. Erromatar inperioaren denboratik datorren RZ dirudienez, baina ziur lehenago ere izango zena antzekorik egin zuenik… Erraza, parranda osterako aprosagorik gutxi, ama eta izeba datozenerako, ligatzen laguntzeko modukoa, noiznahi jateko modukoa… Gozatu eta on egin! 🙂
…
Osagaiak
…
Errezeta
- Gopor edo ontzi borobil batean arrautza jo eta gehitu berari 4 olio goilarakadak, anisa eta esnea.
- Dena berdindu arte irabiatu behar da. Orduan azukrea eta legamia gehitu eta segi irabiatzen azken hauek guztiarekin bat egin artean. Apurka gehitu eta nahastu irina ore erabilgarri bat lortu arte.
- Ondoren zentimetro erdiko zilindroak egin eta 10 zentimetroko luzeran moztu.
- Ore tutu hauekin, erroskilak osatu borobilean, muturrak elkarri itsatsi.
- Su ertainetan olio ugari berotu zartagin handi batean eta erroskila denak frijitu, puztutzen direla ikusteraino. Igo sua nahi beste gorritu direla erabaki arte.
- Erroskila guztiak sukalde paperaren gainean jarri eta glass-azukrearekin egin euri zuri bat gainetik.
Erroskilak
Kasu!
4 lagunentzat…
…
Beganoentzat ere bai…
…
Akaso!
Itxaropena ikastolako haurrak HH5_erroskilak egiten 2015eko garai hauetan…
Erroskilak pastel forman akaso…
Akaso TOBLERONEtzar bat nola egin…
Giant KINDER !!!!!! Burua joan zaigu bai, hainbeste azukre izango da…
Azukre gehiegi bai…
Erroskilak
Baratxuri zopa bakailaoarekin (zurrukutuna)
Baratxuri zopa bakailaoarekin (zurrukutuna) –
Hotzak konbatitzeko zopa edo salda bero bat bezalakorik ez dagoela esan genuen lehengoan, bizipoz eta pizgarri, gaurkoan ere bai, saldaren bueltan gabiltzanez aspaldion, beste salda-zopa bertsio goxo bat dakarkizugu, izen ezin ederragoarekin gainera, ia ia izen politena duen RZ izan litekeena, zurrukutuna! Zeure zurrut kuttuna beste bat dela badakigu, baina hara hor grazia eta hemen zuretzat zurrukutunaren RZ. Baratxuri zopa bakailaoarekin bestela esanda, ez diguzu esango zurrukutuna hitz ederra ez denik, eta sonoridadeaz gainera bere izaera primario goxoa primeran adierazten ez duenik, ederra…
Erraza, parranda osterako, ama eta izeba datozenerako, ligatzen laguntzeko modukoa irudimen pixkatekin, ezta? Noiznahi jateko modukoa… Gozatu eta on egin! 🙂
Baratxuri zopa bakailaoarekin (zurrukutuna)
Osagaiak
Baratxuri zopa bakailaoarekin (zurrukutuna)
Errezeta
- Bakailao papurtua ur hotzean pasatuko dugu, iragazki batean, gezatzeko. Eskuetan xehatuko dugu bakailaoa, gatza errazago joan dakion.
- Su eztian frijituko ditugu baratxuriak kazola batean, zuritu gabe, eta kolorea hartu aurretik erretiratuko ditugu.
- Pipermina eta bakailaoa erantsiko dizkiegu; kazolari eraginez lodituko dugu saltsa. Piper txorizeroen mamia, tomate saltsa eta ogia, xerra fin mehetan zatitua, erantsiko ditugu ondoren. Su eztian edukiko dugu guztia.
- Ur beroa isuriko dugu gero, ez ordea arrain-salda pastilla on bat erantsi baino lehen. Arrain-salda badugu, hainbat hobe.
- Su eztian egosiko dugu guztia ordu betean eta, tarteka-marteka, zurezko zali batez zapalduko ditugu gaiak, zopa lodi-lodi gera dadin.
- Zerbitzatu aurretik, arrautza bana erantsi ahal izango dugu pertsona bakoitzeko zurrukutunean, potxatu edo irakinaldi bat eman ondoren, kazola sutatik erretiratu baino minutu batzuk lehenago. Jo ondoan ere erantsi ahal izango ditugu arrautzak. Ongi nahasiko ditugu orduan zurezko zaliarekin.
…
Kasu!
Uraren ordez arrain-salda badugu zoragarria…
…
Akaso!
- Karlos Arguiñanoren zurrukutuna RZ
- Joxe Mari Karrera Txorienen zurrukutunaren RZ prestatzen…
Zurrukutuna (baratxuri zopa bakailaoarekin)
Katu zopa
Katu zopa –
Epeltzen edo eguraldia aldatzen hasi den arren, zopa aldartean gabiltza oraindik, hotzak barruraino sartu zaizkigula eta, hotzok konbatitzeko zopa edo salda bero bat bezalakorik ez dago. Bizipoz eta pizgarri, sano-sanoa ere bai, gaurkoan katu zopa RZ dakarkizugu. Erraza, parranda osterako ezinhobea, ama eta izeba datozenerako, noiznahi jateko modukoa… Zaindu, gozatu eta on egin! 🙂
…
Osagaiak
- Litro bat ur
- Gatza, pixar bat
- Baratxuri ale bat, pikatua
- 5 koilarakada oliba olio birjina
- Ximiko bat piperbeltz, ehoa
- 4 eskukada bete ogi zuri (ogi biribil zaharra, xerra mehetan moztua)
- 2 arrautza
- 2 koilarakada gazta birrindu
…
Errezeta
- Errezeta hau egiteko ura egosten jarri eta harekin batera erantsiko ditugu baratxuri alea, olioa eta piperbeltz ehoa. Irakiten hasi orduko gaineratuko dugu ogi zuria, pixkana-pixkana, zopan ongi batu dadin, egoki lodi dadin. Horrela jokatzen badugu berehala lortuko dugu nahi dugun lodiera arin hori. Argi geldituko dira zopak, eta gutxienez ordu erdia beharko dute sutan horretarako.
- Beste ontzi edo gopor batean joko ditugu arrautzak, eta gaztarekin nahasi ondoren.
- Zopak egosten behar duten ordu erdi horren ostean erantsiko dizkiegu arrautzak eta gazta. Nahasi, gatz-puntua zuzendu eta sutatik aterako ditugu zopak.
- 10 bat minutuan edukiko ditugu pausatzen, ongi estalita. Lodi eta krematsu, erakargarri azalduko zaizkigu zopa hauek.
…
Kasu!
Uraren ordez salda bideratzen badugu, zoragarria…
…
Akaso!
SOS uneetarako Argiñano eta Berasategiren eskutik: Katu jana RZ
Katuari goilaraz zopa emateko RZ dela uste izan du baten batek…
Katu zopa
Oilasko zopa
Oilasko zopa –
Gaurko elur eta egun hauetako hotz eta euri amaigabeak konbatitzen jarraitzeko oilasko salda bero pizigarri RZ goxo eta sano askoa dakarkizugu. Erraza, parranda osterako ezinhobea, ama eta izeba datozenerako, noiznahi jateko modukoa… 4 lagunentzako kopuruak zeuretzat bakarrik erabil ditzakezunak, ohartu orduko amaitu delako… Gozatu eta on egin! 🙂
…
Osagaiak
Oilasko zopa
Errezeta
- Oliba olioa eltze handi batean isuri eta sutan ipiniko dugu.
- Oilasko puskak barruki eta guzti erantsiko ditugu ondoren, eta buelta batzuk emango dizkiegu berotan. Gatz pixka bat eman eta erantsiko ditugu barazkiak osorik, ardoa, tomate saltsa eta baratxuri aleak.
- Horren ostean, ur ugariz estali, berriro ere gatz pixka bat eman eta su eztian irakiten utziko dugu guztia, 50 bat minutu, haragia hezurretatik bereizten dela ikusi arte.
- Eskukada fideoa erantsiko dugu eltzea sutatik atera baino 10 minutu lehenago, eta bero-bero zerbitzatuko dugu zopa.
…
Kasu!
Iragazi eta salda hutsean irakin ditzakegu halaber fideoak, eta haragi puskak eta barazkiak bereiz atera. Nork bere gustuaren arabera betiere.
…
Akaso!
Chicken Noodle Soup RZ…
Oilasko zopa
Vichyssoise, porru eta patata zopa
Vichyssoise, porru eta patata zopa –
Egun hauetarako porrusalda bero bat nahiago badugu ere, Vichyssoise-aren RZ dakarkizugu gaurkoan. Vichyssoise porru, tipula, patata eta esnegainez sukaldatutako plater bat da. Frantziako gastronomian ohiko platera, Vichyssoiseren jatorria zalantzazkoa da eta badaude frantsesa eta estatubatuarra dela esaten dutenak. Edonola ere, Louis Diatek, Lehen Mundu Gerra garaian New Yorkeko Ritz-Carltonean chef zena, ospetsu bilakatu zuen mundu osoan errezeta honekin.
…
Osagaiak
- Patata zurituak eta xerra mehetan zatituak, kilo erdia
- 2 porruren alde zuria, garbituta eta patatak bezalatsu zatituta
- Gurin koilarakada eder bat
- Gatz zimiko bat
- Ura, litro 1/2 bat
- Esnegain likidoa, litro erdi bat
Vichyssoise, porru eta patata zopa
VICHYSSOISE Emi Yanez
Errezeta
- Eltze handi batean gurina eta porruak jarri eta hurbildu su eztira. Gatz pixka bat eman eta ezari-ezarian egiten utzi, porrua samurtu eta egin arte, baina gorritu gabe.
- Ura eta patatak bota gainera eta eduki egosten, patata egin arte, 20 minutuz edo. Sartu dena irabiagailu baten ontzian edo irabiagailuaren besoa sartu eltzean, bakoitzak nahi duen eran, eta indar handienean abiarazi, krema fin-fin bat lortu arte.
- Hoztu. Erabat hoztu denean, esnegain likidoa gehitu ”oso hotza hori ere”, eta nahasi ongi. Gatz puntua zuzendu, beste gatz pixka bat gehituz edo are piperbeltz eho berria, eta prest dago.
…
Kasu!
Hotza hartzen da!
…
Akaso!
Vichyssoise klasikoa RZ nola egin…
Alfred-ek Bruce Wayne-i Batman Returns filman vichyssoise egin zionekoa…
Vichyssoise, porru eta patata zopa
Porrusalda
Porrusalda –
Egun hauetako hotzak konbatitzen jarraitzeko salda bero RZ goxo eta bizigarria dakarkizugu. Erraza, parranda osterako edo ama eta izeba datozenerako, baina noiznahi jateko modukoa duzu RZ sano, erraz eta goxoagorik nekez aurkituko duzun plater hau. Eta izen politagorik? Porrusalda… Zaindu, gozatu eta on egin! 🙂
…
Osagaiak
Porru salda
Errezeta
- Porruak eta azenarioak zuritu eta zati meheak egin. Patatak zuritu eta zatitu, puska txikitan kaskatuz.
- Su ez oso bizira hurbildu kazola bat, jarri olioa eta barazki guztiak, gatz pixka batekin, eta eragin etengabe. Hogeiren bat minutuz eduki holaxe, gorritzen utzi gabe.
- Ura bota gainera eta beste 20 minutuz eduki egosten, gatz puntua zuzendu, eta behar izanez gero, zaporea areagotzeko, haragi-salda kontzentratuaren pastilla bat gehitu edo, uretan egosi ordez, egosi haragi edo barazki saldatan.
- Bero-bero mahairatu.
…
Kasu!
Porru barietate ezberdinak daude, laborantza edo kultibo-aro ezberdinegatik luzera, diametro, konsistentzia eta zapore ezberdinez. Udazken eta neguko porruak lodiagoak eta zapore gehiago edo zapore gogorxeagoak dira, udakoak berriz txikiagoak eta xamurragoak, zapore xuabeagoaz.
…
Akaso!
Errazagoa beti etxeko potoko barazkien menestra RZ…
Tapia eta Leturia loiolako porrusalda
Korrontzi dantzan proiektuaren diskotik…
Jota Porrusalda
Porrusalda
Txokolate beroa
Txokolate beroa –
Egun hauetako hotzak konbatitzeko postre eta gozoki eta gozoaren tartea berriz irekiz Txokolate.beroa bizipoz RZ dakarkizugu. Erraz-erraza, parranda osterako edo ama eta izeba datozenerako, baina agian batez ere ligatzeko edo momentu intimo horietarako ezin egokiagoa, ezta? Gozatu eta on egin! 🙂
…
Osagaiak
- Litro erdia esne
- Gurina, zati eder bat
- 100 g txokolate beltza, kalitate onekoa eta zatitua
- 2 koilarakada azukre beltz
Txokolate bero
Errezeta
- Kazola batean, su ezti-eztian edukiko ditugu esnea eta azukrea minutu batean.
- Kazola sutatik atera eta, txokolatea erantsi ondoren, irabiagailuaren besoaz joko dugu guztia, indar betean.
- Berotasuna galdu orduko gaineratuko diogu gurina oreari.
- Katilu berotan zerbitzatu dugu txokolatea, madalena edo opiltxoekin batean.
…
Kasu!
Madalena edo opiltxoekin batean zerbitzatzearena derrigorrezkoa da, edo txurroak direla edo…
…
Akaso!
Dorleta Kortazar kaixomaitia.eus blogean txokolate beroaren ipuina:
Hot Chocolate – You sexy thing – 1975
. . .
Txokolatea etxean nola egin 4 osagaiekin, ume eta gaztetxoagoekin aritu eta sukaldean jolasteko baliagarri, udaleku batzuetan egin genuen gu geuk…
Txokolate beroa
Hegaluzea plantxan baratxuri eta olioarekin
Hegaluzea plantxan baratxuri eta olioarekin –
Osagaiak
- 4 hegaluze solomo, hezur eta azalik gabe, 220 g bakoitzak
- 6 koilarakada oliba olio
- 4 baratxuri xister, zerrendatan moztuak
- 3 koilarakada sagardo-ozpin
- Perrexil txikitua
- Gatza
Hegaluzea plantxan baratxuri ta olioarekin
Errezeta
- Gatza bi aldeetatik eman eta padera batean jarriko ditugu hegaluze solomoak su bizian, oliba olio pixar batekin. 4 bat minutuan edukiko ditugu su bizi horretan. Erretiratu egingo ditugu, lehor ez daitezen.
- Padera garbitu, olioa isuri eta hartan gorrituko ditugu baratxuri xerrak.
- Sagardo-ozpina isuriko dugu ondoren, erne zipriztinekin!, eta segundo batzuetan irakitan eduki ondoren gaineratuko dugu perrexil xehatua.
- Baratxuri-olioa gainean garaztatu eta mahairako prest edukiko ditugu hegaluze solomoak.
…
Akaso!
Hegaluze edo atun osoa nola ebaki 90 segundutan…
Hegaluzea plantxan baratxuri eta olioarekin
Oilaskoa saltsan patatekin
Oilaskoa saltsan patatekin –
Osagaiak
- 1 kg oilasko behintzat, erdi tamainako pusketan zatitua
- 2 piper txorizero (aurrez ur epeletan beratuak, ordu pare batean?)
- 3 baratxuri ale, pikatuak
- 2 tipulin handi, pikatuak
- 10 koilarakada tomate saltsa
- 5 patata eder, pobreen moduan puskatuak
- Oliba olio pixar bat
- Gatza
Oilaskoa saltsan patatekin
Errezeta
- Oliba olio pixar bat kazola zabal batean isuri, eta gorritzen ipiniko ditugu oilasko puskak, gatza eman ondoan. Utzi egingo diegu alde guztietatik gorri daitezen arte. Horren ostean, gorde egingo ditugu plater batean.
- Kazola berean, koipe gehiegi bildu bada pixar bat kendu ondoren, erantsiko ditugu tipulina eta baratxuriak. Gatz pittin bat eman eta buelta batzuk emango dizkiogu, 15 bat minutuan, su eztian.
- Orduan erantsiko dugu oilaskoa, aurrez gorritua, atera duen zukuarekin. Berriro ere buelta batzuk eman eta erantsi egingo ditugu tomate saltsa, piper txorizeroen mamia eta piperrak beratzen edukitako salda.
- Horren ostean, kazola estali eta egiten utziko dugu guztia oso su eztian, 45 minutuan gutxienez. Lehortzen ari dela ikusten badugu, erantsiko dugu piper txorizeroak beratzen edukitako salda gehiago, gisatua xamur geratu dela ikusi arte. Gisatua erabat egin baino 20 minutu lehenago erantsiko ditugu patata zatituak eta gatz apur bat.
…
Kasu!
Azken minutuak oso su eztian egiten utziko dugu guztia, patatak osorik gera daitezen, lehertu gabe. Patata puskaren bat desegin egingo da ezinbestean, eta orduan are lodiago geratuko da saltsa, halaxe behar baitu. Oilaskoak heze gelditu behar du eta saltsak busti egin behar ditu puskak. Azkenean gatz pixka bat hautseztatuko dugu gainetik, gutxi duela ikusten badugu.
…
Akaso!
Oilaskoa saltsan patatekin
Antxoa frijituak
Antxoa frijituak –
Antxoa garaia denean, gutxi izaten dira halako gutiziak baldin eta bi gauza hartzen badira kontutan: arraina fresko-freskoa izatea eta ez gehiegi egitea. Tamainan behar du guztiak. Gurean martxo aldera hasten da kanpaina eta hegaluzearenarekin batera, garrantzizkoena da gure arrantzaleentzat. Hori bai, oso maiz, antxoatara irten arren, sardina edo txitxarroarekin bueltatu beharra izaten da.
Osagaiak:
- 28 antxoa, bururik eta triparik gabe
- Oliba olioa, 0,4º
- 6 baratxuri ale
- Gatza eta Kaienako pipermin bat
- Perrexil xehatua (nahi izatera)
Errezeta:
- Baratxuri aleak zuritu eta zati txikietan moztu. Zati hauek, katilu batean oliba oliotan gorde.
- Antxoa garbitu, buru eta triparik gabe utzita baina xerrak bizkarrezurretik banatu gabe. Ur txorrotada fin batez lagundu.
- Hiru hatzeko sakonerako olioa jarri berotzen zartagin batean.
- Antxoei gatza egin.
- Olio-baratxuri goilarakada haundi bat gehitu berotzen ari den olioari eta baratxuria olio gainera igotzen denean( edo gainean bir-birrean geratzen bada) antxoak gehitu. Hauek bitsadera baten laguntzaz oliotan mugitu 10-15 segunduz eta oliotik atera plater gainera.
- Platerean, erretako baratxuriez gaineztatu eta, nahi izatera, eta perrexila hautseztatuko dugu ondoren haien gainean.
ANTXOA FRIJITUAK Javier Lastras cc
Dastatzeko gomendioak:
- Gustuko den ogi zati baten gainean antxoak ipini, beren olioaz ogia busti dadin.
- Banaka banaka isatsetik buru aldera tira eginez xerratu eta dastatu
- Amaierarako, ogiak antxoen berezko olio guztiaren zaporea hartuko du. Hau da mokadurik onena.
…
Kasu!
Olioa ongi berotzea eta baratxuriak gero eranstea, horra berealdiko garrantzia duen zerbait. Antxoak batera eta denbora-tarte txikian frijituko dira horrela egiten badugu. Oker jokatuko genuke olioa baratxuri xerrekin batean berotu nahi izan bagenu: baratxuriak gorrituko lirateke eta olioak ez luke antxoak frijitzeko adina tenperatura izango. Gaizki frijiturik eta bera-bera geratuko litzaizkiguke seguruenik antxoak.
Antxoa garaian, bertako antxoak zapore eta testura hobea du kanpokoak baino. Urtearen araberakoa da garaia, baina normalki, apirilaren erdialdera hasi eta ekainean amaitzen da.
Antxoak omega 3 eta 6 gantza du. Osasunerako aberasgarria dena.
Antxoa frijituak
Oilasko kroketak
Oilasko kroketak –
Osagaiak
- Tipulin txiki bat
- 75 g gurin
- 75 g oliba olio birjina
- 250 g irin
- 2,3 l esne
- Arrautza egosi bat, pikatua
- 400 g oilasko papar, hezurrik eta azalik gabe
Oilasko kroketa
Errezeta
- Irakiten jarriko ditugu lehenik esnea eta oilasko paparrak. 4 minutu irakiten eduki ondoren, sutatik atera eta xukatu egingo ditugu oilasko paparrak. Bexamela egiteko gordeko dugu esne beroa.
- Kazola batean, olioa eta gurina erantsi eta haien ondotik ipiniko dugu tipulina, pikatua. Su ezti-eztian utziko dugu guztia ontzen, 20 bat minutuan, tipula gorri xamar eta xamur gelditu arte. Orduantxe erantsiko dugu irina, pixkana-pixkana, euri moduan, zurezko zaliari eragiteari utzi gabe. Pixkana-pixkana erantsiko dugu halaber esnea, pikorrik gabeko bexamel fin mamitsua sor dadin.
- 12 bat minutuan maneatuko dugu su ezti-eztian saltsa, zapore gordina galdu eta egoki lodi dadin. Bexamela sutatik atera baino minutu batzuk lehenago erantsiko ditugu arrautza egosia eta oilasko papar egosia, ongi pikatuak biak. Paparra eta arrautza xehagailu elektriko batean pikatzen baditugu, are finago geldituko zaizkigu kroketak.
- Olio pixar batez igurtzitako erretilu batean utziko dugu orea hozten, eta tipula-paperaz estali edo gurinez igurtziko dugu haren gainaldea, azala gogortu ez dadin.
- Hozkailuan sartu eta ordu batzuetan edukiko dugu orea, kroketak itxuratzen hasi baino lehen.
- Irinetan, arrautzatan eta ogi birrinduan pasa ondoren, olio bero ugarian frijituko ditugu. Kroketak frijitzerakoan garrantzia handia du olioa oso bero egoteak eta azaleko ogia heze ez egoteak. Behar izanez gero bi aldiz pasako ditugu ogi birrinduan. Gainera, saskian frijitzen baditugu, ez ditugu sekula erdi eginak aterako, egon egingo gara ongi txigortu arte. Kroketak erdi eginik atera eta berriro oliotan sartzen ditugunean, lehertu egiten dira gehienetan.
…
Akaso!
Brazilgo oilasko kroketak nola egin bideoa:
Oilasko kroketak
Patata tortilla
Patata tortilla –
Gaurkoan sukaldearen funtsa litzatekeena dakarkizugu, RZ primarioa edo lehen RZ! Sukaldean eta geure bizitzetan oinarrizko den patata tortilla RZ, ondo egina eta sukaldeko teknikak ikasteko egiten ari garen bidean geldialdi gurtu bat eginaz. Noiznahi jateko moduko RZ, parranda osterako primerakoa betidanik geuretzat behintzat, prestatzeko azkar eta benetan erraza. Gozatu eta on egin! 🙂
…
Osagaiak
Patata tortilla
Errezeta
- Padera zabal batean olioa isuri eta gero, bizi-bizi piztuko dugu sua. Olioa ongi berotu dela sumatu orduko, tipulin pikatua, piperra, baratxuria eta patata irauliko ditugu, eta bizkor irauliko dugu guztia bitsadera batez, gaiak egokiro nahas daitezen. Garrantzitsua da patatei sutara baino lehen gatzik ez ematea. Horrela lortuko dugu pure ez bihurtzea. Hobe dugu arrautza joa gerokoan gazitzen badugu, askoz hobeago aterako zaigu tortilla horrela jokatuta. Su ertainean jarriko dugu ondoren padera eta 30 minutuan edukiko dugu dena berotzen, barazkiei eraginez egiten ari direla sumatu orduko.
- Tarte horren ondoan xukatuko dugu olioa, padera iragazki baterantz makurturik edo, bitsadera batez, barazkiak paderatik atereaz. Erreserban utziko dugu tortilla mamitzeko erabiliko dugun olio partea eta paper xurgatzaile batez garbituko dugu padera, geroago erabiltzeko.
- Ontzi batean hautsi eta joko ditugu arrautzak, gatza oparo emanez. Barazki xukatuak erantsiko dizkiegu arrautzei. Su bizian jarriko dugu berriro padera eta olio tanta batzuk isuriko ditugu hartan, erreserban utzitakotik hartuta. Arrautza-salda isuriko dugu ondoren, azal kurruskari bat eragiteko moduan, eta zirkulutan eragingo diogu paderari hondoa itsats ez dakion. 30 bat segundo igaro ondoan, irauli egingo dugu tortilla beste plater baten laguntzaz eta mamitzen utziko dugu beste aldetik, padera, olio tanta batzuk gehiago isuri ondoan, ongi berotu eta gero.
- Azkenik, plater batean ipini eta entsalada berde batekin zerbitzatuko dugu tortilla.
…
Akaso!
Patata tortillari spanish omelette esaten diote atzerriko leku askotan, hemen bideoa akaso…
Patata tortilla
Pa amb tomaquet
Pa amb tomaquet –
Osagaiak
- Ogi biribila, xerra loditan moztua
- Tomate freskoa eta umoa
- Oliba olioa
- Gatza
…
Errezeta
- Mami xamurrekoa eta azal kraskatsukoa da errezeta honetan erabili beharreko ogia, gure lagun kataluniarrek pan de payés deitzen dutena. Ahhh! gorroto egingo gaituzte esan behar dugunagatik, baina errezeta hau oso ongi gelditzen da hasteko ogia azaletik txigortzen badugu, Heresia gaitza, esango digute! Pikutara heresiak!
- Bi aldeetatik igurtziko ditugu ogi xerrak tomate erdi umoekin, ogiak haien zukua ongi har dezan. Hori egin aurretik, bitan zatituriko baratxuri batez igurzten baditugu, talibanen batek errezeta hori jatorrizkoa ez dela argudiatuko digu, baina tira!
- Azkenik, gatza eman eta oliba olio ugariz garaztatuko ditugu ogi xerrak. Olio jarioan geldi daitezela malapartatuak!
…
Kasu!
Hestekiak, urdaiazpiko iberiarra, natxoak gatzetan, mojama, butifarra erreak, eta abarrak aurkeztu ahal izango ditugu ondoan. Edozein ogitarteko prestatu behar dugunean, ogia gisa honetan prestatzen badugu, bizia askoz ere gozoagoa izango da eta bizkorrago igaroko dira gure pena guztiak.
…
Akaso!
Hemen bideo bat errezeta tradizionala erakutsiz…
Pa amb tomaquet
Txerri saiheskia labean
Txerri saiheskia labean –
Osagaiak:
- Txerri saiheski bat
- Gatza
- Piper hauts beltza
- Oliba olioa
- Ezkaia (Begiratu gure hiztegian, baina tomillo/thym da. Hilario Arbelaitzek, hala ere, xarpota esaten dio)
- Ozpina koilarakada bat
- Baso bete ur
…
Errezeta:
- Labea 190 gradotan berotzen jarri
- Txerri saiheskiari gatza eta piper hauts beltza gehitu, norberaren gustuaren arabera.
- Labeko ontzi batean txerri sahieskia jarri, azpian basokada bat ur eta ozpin koilarakada bat jarriz.
- Azkenik ezkaia gehitu sahieskiari. Ezkai freskoa bada, hobe.
- Saiheskia labean sartu, gorritzen den bitartean. Kolorea hartzen duenean atera eta saiheskiari buelta eman.
- Tamainaren arabera egon beharko da labean baina 10-15 minutu inguru beharko du alde bakoitzeko.
- Eginik dagoenean, hezurrak markatzen duen eran moztu eta platerean jarri. Nahi bada, gatzaren puntua egokitu gainetik jarriaz.
SAIHESKI ERREA Javier Lastras
Kasu!
Guztiz gomendagarria da letxuga edo barazki freskoez laguntzea saiheskia.
Era askotara egin daiteke saiheskia. Gatz eta piper hautsa gehitu beharrean, barbakoa saltsa ere jar daiteke. Finean, norberak nahi duen saltsa edo osagarria.
Txerri saiheskia labean
Piperrada
Piperrada –
Osagaiak:
- 2 baratxuri atal
- 2 tipulin
- 3 piper berde handi
- 2 piper gorri morro
- oliba olioa
- gatza
…
Errezeta:
- Baratxuriak zuritu eta pikatu
- Piper berde eta gorriak zerrenda finetan moztu, juliana eran
- Tipulina garbitu eta juliana eran moztu.
- Zartagin txiki batean oliba olioa jarri eta baratxuria gorritu
- Tipula gehitu eta su bizian landu, gatza gehitu tipulak ura gal dezan
- Tipula gardentzen hasten denean piper zatiak gehitu
- Guztia elkarrekin landu eta su ertainean jarri egosten
- 30 minutu inguru behar ditu piperradak egosten prest izateko
PIPERRADA (BAKAILAOAREKIN) Boca Dorada
Kasu!
Haragi zein arrain askoren lagungarri eta funts gisara erabil daiteke. Argazkikoa bakailaoarekin dago, baina izan daiteke legatz frijituarekin, atunarekin, haragi xerra ogiztatuekin… Harriak ere bikainak izan daitezke piperrada_on batekin.
Iparraldean ohikoa da, tomatea gehituta, xingarrarekin eta arrautza frijituekin.
Piperrada
Mamia edo gatzatua
Mamia edo gatzatua –
Osagaiak
6 pote betetzeko:
- Ardi esnea, litro bat
- Gatzagi likidoa
- Gatza
…
Errezeta
- Bi edo hiru gatzagi tanta isuriko ditugu lehenik lurrezko sei poteen hondoan. Gatz pittin bat eman eta irakiten ipiniko dugu esnea, eta irakin bezain laster, atera egingo dugu sutatik.
- Termometro batez neurtuko dugu esnearen tenperatura, eta itxaron egingo dugu 37º ingurura jaisten den arte. Une horretan sartu ahal izango dugu behatza erretzeko beldurrik gabe (horixe baita tenperatura neurtzeko beste modu bat, termometrorik ez badugu).
- Aukeratutako pote horietan banatuko dugu esnea ondoren, eta utzi egingo dugu mamitzen, giroko tenperaturan eta ukitu gabe, 15 bat minutuan.
- Esneak irakin ondoren, gainazalean sortzen den esnegaina hartu eta mamia egiteko poteetan banatzen dute batzuek esnea isuri bezain pronto, pote horietako bakoitzaren gainazalean koipe geruza gera dadin.
…
Kasu!
Egin bezain laster ez baditugu jan behar, hobe da paper batez estali eta hozkailuan sartzea, baina 2 egun baino lehenago jan behar dira betiere.
Jateko momentuan erantsiko dugu eztia edo azukrea. Koilararekin gainekoa jan, eta berriro ere emango diogu azukrea hondora iritsi ahala. Ez da bat ere egokia, inolaz ere, azukrea edo eztia erantsi eta dena nahastea, eta horixe bera gertatzen da beste esneki gatzatu batzuekin ere, jogurtarekin esate baterako.
Garrantzitsua da mamia hozkailutik atera orduko ez jatea, epela edo giroko tenperaturan askoz ere hobeto baitago. Hozkailuan gorde badugu, jan baino denboraldi bat lehenago aterako dugu hotz hori gal dezan.
Akaso!
Mamia edo gatzatua
Marmitakoa
Osagaiak
- Atunaren azalak eta hezurrak, kg erdia inguru
- 8 koilarakada handi oliba olio birjina estra
- 2 azenario, xerretan moztua
- 2 baratxuri ale
- Tipula bat, zatitua
- Porru bat, zatitua
- Ura
- Pipermorro gorri bat
- 2 piper berde
- Uretan beraturiko 2 piper txorizeroen mamia
- Tipulin bat, pikatua
- 4 patata eder
- Katilukada bat tomate saltsa
- 400 g atun, dadotan moztua
- Perrexil xehatua
- Gatza
…
Errezeta:
- Salda egiteko: Kazola batean, 2 koilarakada oliotan, su bizian eztituko ditugu azalak eta hezurrak, eta barazkiak gaineratuko ditugu ondoren, baratxuri ale bakarra, zurituta. Urez oparo estali, gatza eman eta 15 minutuan eduki dezagun guztia irakiten. Iragazi.
- Marmitakoari segida emateko, su eztian betiere, 4 koilarakada oliotan beratuko ditugu 5 minutuz piperrak eta tipulina, ongi pikatuak.
- Beste baratxuri alea xehatua erantsi eta biraka eragin guztiari, zuritu, pobreen moduan puskatu eta barazki hondo horretan edukiko ditugu minutu batzuetan beratzen.
- Tomate saltsa erantsi eta beste minutu batzuk edukiko dugu guztia gozatzen.
- Ondoren, oparo estaliko dugu guztia aurrez egindako saldarekin. Gatza eman eta su eztian edukiko dugu kazola, patata puntuan eta xamur egon arte.
- Bukatzeko, padera batean 2 koilarakada olio ipiniko ditugu eta ongi berotu ondoan, atun dadoak salteatuko ditugu hartan. Bizkor egin behar da hau, arraina lehor ez dadin.
- Patata saldan irauliko dugu ondoren hegaluzea. Gatz puntua neurtu eta zuzendu ondoan, perrexila hautseztatuko dugu gainean.
- Berehala zerbitzatu behar da, lehortu egingo baita atuna berotasunean luzaro egonez gero.
Kasu:
Barazkiak sueztitzen ari garenean, mina ere erants diezaiokegu, pipermina esate baterako. Atunen garaitik kanpora, marmitakoa ere egin ahal izango dugu modu berberean beste arrai batzuk erabilita: izokin freskoa, berdela, txitxarroa eta xapoa bera ere.
Atun marmitakoa
Arrozesnea
Arrozesnea –
Osagaiak
- Litro bat esne
- Pote bat esne lurrindua (ez da ezinbestekoa)
- 200 g arroz, pikor biribilekoa
- Laranja azal bat eta limoi azal bat
- Kanela adaxka bat
- 150 g azukre
Errezeta:
- Kazola batean ipiniko ditugu azukrea ez beste osagai guztiak.
- Sutan jarri, oso su eztian, eta ezti-ezti irakiten utziko dugu, 40 bat minutuan.
- Azukrea erantsi, eta irakiten utziko dugu beste 10 bat minutuan, zaliari maiz eraginez, hondoan itsats ez dadin.
- Ontzi batera aterako dugu guztia, eta utzi egingo dugu hozten, laranja eta limoi azalak eta kanela adaxka atera ondoan.
- Zerbitzatu.
…
Kasu!
Epela zein hotza har daiteke, hotza nahiago izaten du jendeak normalean. Arrozesne usaingozatua edo arrozesnea_arrautza gorringoekin ere hemen eskura sukaldean.com errezetategitik.
,,,
Akaso!
Uxueren arrozesne RZ bideoa…
Arrozesnea
Perretxiko (barrengorri edo txanpinoi) nahaskia
Perretxiko (barrengorri edo txanpinoi) nahaskia
Osagaiak:
- 8 arrautza
- garaiko perretxikoak, eskukada bat pertsonako
- oliba olia
- gatza
Errezeta:
- Perretxikoak ondo garbitu; paper heze baten laguntzaz piskanaka. Urarekin lagundu baina ez busti guztiz perretxikoak.
- Perretxikoak eskuarekin zati irreguloarretan zatitutu, norberaren gustuko neurrian.
- Arrautzak ontzi batean jarri eta irabiatu, gustuaren arabera gatz puntua jarriz.
- Zartagian oliba olio kolirakada bat berotzen jarri.
- Perretxikoak zartagira gehitu eta su bizitan gorritu, ura askatzen hasten diren bitarte.
- Sua jeitsi eta pixkanaka arrautza irabiatua gehitzen joan , egurrezko koilararekin bizi-bizi irabiatuz. Guztia batera egosi dadin tarteka zartagia sutatik kendu, gehiegi berotu ez dadin, eta berriro jarri, irabiatzen dugun bitartean… Era honetan arrautza krematsu geratuko zaigu eta ez tortila apurtu baten eran
- Norberak gustuko duen egosketa puntuan sua itzali eta zuzenean platerera.
ONDDO NAHASKETA Javier Lastras
Kasu!
Garaiko perretxikoak erabiltzea da egokiena, onddoak, ziza horiak, gibelurdinak, negrillak… Eta, nahi bada, urte guztian zehar barrengorri edo txanpinoiekin egin daiteke.
Kontu hartu berezko beroarekin nahaskia gorpuzten joango dela, eta zartagina sutatik lehentxeago erretiratzea komeniko dela.
Perretxiko nahaskia
Ganbak baratxuritan
Ganbak baratxuritan
Ganba edo otarrainxka errezeta hau dizdira eta luxuxko platera duzu, prestatzeko oso erraza eta izugarri gozatzekoa.
Osagaiak:
- 40 ganba
- 8 baratxuri ale
- 4 kaienatxo
- 10 goilarakada oliba olio
- gatza
Errezeta:
- Ganbak zuritu eta hotzetan gorde.
- Baratxuri atalak zuritu eta xerratu.
- Zartagin txiki batean, baratxuria eta kaienak gorritzen hasi 3-4 koilarakada oliotan.
- Baratxuria kolorea hartzen hasten denean hatz bateko altuerara arte olioz bete eta aurretik gatzatutako otarraixkak gehitu. Gorritzen jarraitu su bizitan.
- Olioa bir-birrean hastean sutatik atera eta minutu batez itxaron zerbitzatu aurretik.
GANBAK BARATXURITAN Juantiagues
Kasu!
Buztinezko plater txiki batean otarrainxkak ipini eta erabilitako olio apur batez busti. (Ez badaukazu buztinezko platerik ere, konponduko zara, ez da hala?)
Aurretik garbitutako buruekin, saltsa bat ere egin dakieke. Buruak olio gutxirekin zartaginean gorritu eta ardo txuri eta ur pitin bat gehituz. 5 minutuz su ertainean egosi. Iragazi eta otarrainxka platerari gehitu.
Alde handia dago izozturiko ganbak edo freskoak direnen artean. Izoztutakoak erostea erabaki ezkero, kuzinatu aurretik, ongi kendu behar zaie askatzen duten ur guztia, ongi friji daitezen. C’est comme ça.
Ganbak baratxuritan
Kuia edo kalabaza krema
Kuia edo kalabaza krema –
Osagaiak:
- kilo bat kuia
- 2 azenario
- patata bat
- baratxuri buru bat
- tipulin txiki bat
- bi koilarakada gurin
- gatza
- piper hauts zuria
…
Errezeta:
- Barazki guztiak garbitu (azala kendu) eta zatitu. Zatiak neurri berdinekoak egin.
- Eltze altu batean barazki guztiak sartu
- Urarekin barazki guztiak estali eta sua bizi jarri. Gatza gehitu
- Irakiten hasten denean su ertainera jetsi.
- Agian egosketa prozesuan ur gehiago gehitu beharko da, beti barazkiak adina ur egon dadin eltzean
- Eltzera bi koilarakkada gurin gehitu eta nahi adina piper hauts txuri
- Barazki guztiak egosiak daudenean, ordu erdi inguru, turmixaren laguntzaz barazki guztiak irabiatu.
- Norberaren gustuaren arabera gazta, piper hautsa, sesamoa edo beste belar batzuk egokitu.
KUIA KREMA Lablascovegemenu
Kasu!
Ogi frijituarekin lagundu daiteke krema eta platerean jartzean oliba olio txorrotada batekin amaitu.
Barazki mota desberdinak nahastu dakizkioe, garaia eta aukeren arabera: porrua, espinakak…
Kremak egitean garrantzitsua da amaieran gurina edo gantzen batekin guztia bateratzea.
Hotz zein berotan har daiteke.
Kuia edo kalabaza krema
Patata errioxarrak
Osagaiak – Patata errioxarrak –
- 0,5 kg patata (ez dute zertan Errioxakoak izan beharrik ;-))
- oliba olioa 4 goilarakada
- 4 txorizo, bana, alegia. (Luzeetakoa bada, zatitu eta kito)
- ardo txuri kopa bat
- tipulina bat
- 2 baratxuri ale
- piper gorri edo pikilloak
- pipermin gozoa
- ura
Patata errioxarrak
…
PATATA ERRIOXARRAK Juantiagues
Errezeta:
- Lehenbizi, barazki guztiak txiki egin. Txorizoa nahi bezela zatitu eta patatak zuritu eta “kaskatu”.
- 4 oliba olio koilarakada berotzen ipini eltze batean.
- Tipula eta baratxuria erregosi kolorea aldatzen duten arte. Orduan, txorizoa eta piperra gehitu, minutu batez erregosi eta patata bertara igaro.
- 2 minutuz guztia erregosi su ertainetan.
- Pipermina, ardoa, gatza gehitu eta urez estali. Sua handitu eta irakiten hasten denean, 25 -30 minutuz su ertainetan egosi.
- Zerbitzatu.
…
Kasu!
Patata “kaskatzearekin” salda loditzea errazten da. Hala ere, urtsuegoa geratu bazaizu, desegin pare bat patata zati sardexkarekin eta nahastu saldari, lodi dadin.
Patata errioxarrak
Potoko barazkien menestra
Potoko barazkien menestra
Osagaiak:
- 8 kontserbako alkatxofa
- 2 patata
- azenario egosi pote bat
- kontserbako ilar pote bat
- kontserbako kardu pote bat
- 4 urdaiazpiko xerra (begetarianoi eta beganoek ez)
- tipulin bat
- baratxuri buru bat
- gatza
- oliba olioa
Errezeta:
- Kontserban ditugun barazki gutiak xukatu.
- Patatak zuritu eta zati txikitan moztu.
- Urdaiazpiko xerrak zerrenda txikitan moztu.
- Tipulina garbitu eta zati txikitan moztu.
- Baratxuri burua zati txikitan moztu, ondoren olio piskatetan sartu.
- Zartagin txiki batean oliba olioa jarri, patata zatiak estaltzeko adina. Berotzen denean patata zatiak gehitu eta bertan frijitu. Kolorea hartzen duten arte.
- Zartaginean oliba olio kolirakada bat berotzen jarri.
- Baratxuria gehitu zartaginera, gorritzen hasten denan tipulina gehitu eta guztia ondo landu
- Baratxuri eta tipulari urdaiazpiko zatiak gehitu.
- Akatxofa, azenario, kardu eta ilarrak zartaginera gehitu eta guztia batera egosten jarri, koilararekin kontuz irabiatu barazkiak puskatu gabe.
- Frijitutako patatak gehitu eta beroa dagoenean prest dago.
MENESTRA Javier Lastras
Kasu!
Egosi edo poxaturiko arrautzekin lagundu daiteke errezeta. Pertsonako bat.
Garaiko barazki freskoekin egiteko aukera bada, errezeta egokitu daiteke, lehenik barazki bakoitza bere eran egosiz.
Ondoren prozedura bera egin.
…
Akaso!
Potoko barazkien menestra
Muskuiluak (tomate) saltsan
Muskuiluak (tomate) saltsan
Honako hau oso errezeta azkarra eta erabilgarria da. 5 minuturen buruan hasi eta buka daitekeena.
Osagaiak:
- 24 muskuilu ale
- tipulina erdi bat
- 3 baratxuri atal
- perrexilla
- ardo txuria
- erramua
- gatza
- piper hauts beltza
- tomatea (aukeran)
MUSKUILUAK TOMATETAN Javier Lastras
Errezeta:
- Lehen pausoa muskuiluei bizarrak garbitzea da laban baten laguntzaz eta hauek uretan garbitzea gero.
- Baratxuri atalak eta tipulina txiki txiki egin eta zataginean su ertainetan gorritzen hasi olio koilarakada baten laguntzaz.
- Kolore apur bat hartzen duten momentuan, muskuilua gehitu, ardo txuri kopa, erramua eta perrexillarekin batera. Sua bizitu eta paela estali zabaltzen diren arte. Zabaltzen hasten direnean, gatz eta piper hauts pitin bat gehitu eta zerbitzatu.
Bigarren aukera:
- Zabaltzen hasten direnean, hauek paelatik atera eta tomatea gehitu.
- 5 minutuz egin su ertainetan eta zerbitzatu aurretik muskuiluak gehitu.
- Gatz-pipertu eta listo.
Kasu!
Muskuluekin, txirlekin bezala, kontu haundiz ibili behar da produktua freskoa eta ona izan dadin. Muskulua itxirik egon behar du, bizi eta fresko dagoen seinale.
Batere txarra ez den aukera, minutu batez egositako muskuiluak erabiltzea da. Saltsa berdin berdin egin muskulurik gabe eta amaieran 5 minutuz muskuluekin egosi zaporea har dezaten.
Muskuiluak (tomate) saltsan. Honako hau oso errezeta azkarra eta erabilgarria da. 5 minuturen buruan hasi eta buka daitekeena.
Haragi salda
Haragi salda
Errezeta honen inguruan ezin daiteke legerik azaldu. Garaiak eta norberaren eskuek idatziko dute hori.
Osagaiak:
- Txahal edo behi xankar bat
- 4 tipula
- Porru bat
- 2 azenario
- ardo txuri kopa bat
- txitxirio eskukada bat
- perrexila eskukada bat
- piper hauts beltza
- gatza
Errezeta:
- Barazkiak ongi zuritu eta zati handitan moztu.
- Hauek lapiko handi eta altu batean ipini, txankarra, ardo kopa eta perrexillarekin batera. Urez estali eta su bizitan jarri irakiten hasten den arte. Momentu honetan, garbantzuak gehitu eta su ertainean egosi 3- 4 orduz (edo eltze espresean 30 minutuz).
- Salda iragazi eta gatz eta piper hauts puntuan jarri.
- Txankarra txikitu eta zerbitzatzeko garaian saldari gehitu.
SALDA Krista
Kasu!
Ohikoa da arrautza egosi eta ogi apur batekin zerbitzatzea.
Edozein zopa eta prestera egiteko aparta da.
Haragia bera ere, tomate eta piper batzuen laguntzaz ez da txantzetako jana.
Haragi salda
Tomate eta hegaluze entsalada
Tomate eta hegaluze entsalada
Plater honen osagai nagusiak uda garaiko bi produktu dira, berez, baina urte guztian ere aurki ditzakegu, tomateen kasuan, hain bikainak ez izan arren.
Osagaiak:
- 2 Tomate
- hegaluze kontserba pote bat
- tipulina bat
- baratxuri atal bat
- oliba olioa
- gatza
TOMATEA Naturalflow
Errezeta:
- Baratxuri atala erdibitu eta entsalada zerbitzatuko den azpil edo platerean igurtzi.
- Tomateak garbitu eta “ipurdiz gora” zerra aiztoarekin zati irregularrak ebaki. Horrela haragi zati handiagoak lortzen dira. Platerean jarri eta gatz apur bat gehitu.
- Hegaluze poteari olioa kendu eta haragia tomatearen gainetik zabaldu zatiak gehiegi txikitu gabe.
- Tipulina, bi eratan prestatu daiteke eta biak dira baliagarri. Lehena, “juliana” eran, eta bigarrena zati txiki-txikitan. Biak hegaluzearen gainetik zabaldu behar dira.
- Azkenik oliba olio txorrotxatxoa nahieran gehitu jan aurretik.
Kasu!
Oso lagungarri zaizkio entsalada honi edozein hosto fresko mota. Albahaka hostoak adibidez.
Tomate eta hegaluze entsalada
Patata frijituak (saltsa desberdinekin)
Patata frijituak (saltsa desberdinekin)
Garniziotzat jo daitekeen errezeta hau, ia edozein plateren lagungarri izan daiteke. Bere horretan ere, lagunekin partekatzeko bikain askoa da.
…
Osagaiak:
- 0,5 kg patata
- oliba olioa
- gatza
Saltsak egiteko:
- maionesa pote bat
- tipula erdi bat
- tomate pote bat
- 2 koilarakada modena ozpina
- koilarakada bat “la vera”ko pipermin kehetua
- azukrea
- baratxuri buru bat
- gorringo bat
- piper hauts beltza
…
Errezeta:
- Lehenbizi patatak egiteko, hauek zuritu, gustuko den eran moztu eta uretan gorde behar dira. Gopor edo bol batean adibidez.
- Kazola edo zartagi batean, patatak estaltzeko haina olio berotzen jarri.
- Olioa kea botatzen hasten den momentuan, patatak bertara igaro. (Aurretik ondo lehortuta eta gatzatuta).
- Hasieran patatak oliotan mugitu itsatsi ez daitezen. Olioaren tenperatura ertain- altuan mantendu eta hurraren kolore marroixka hartzen duten arte bertan eduki.
- Sukalde paper baten gainera atera gehiegizko olioa xukatzeko.
…
Saltsak:
Tipula maionesa egiteko, tipula erdia zati txikitan egin, oliba olio koilarakada bat gehitu eta maionesa potearekin batera turmixatekin irabiatu.
Braba delakoa egiteko, tomatea zartaginean egosi 20-30 minutuz erdira gutxitzen den arte eta orduan, pipermina, modena ozpina eta azukre koilarakada bat gehitu. Dena ongi nahasi eta listo.
Baratxuri krema egiteko, baratxuri burua labean erre 160º tan 30 minutuz. Erreta dagoenean, mami guztia atera eta gorringo gordinarekin nahasi eta joz, krema bihurtu. Nahasketa honi maionesa koilarakada bat gehitu eta piper hauts beltz puntua eman.
PATATA FRIJITUAK Dan Germain
Kasu!
Patatak uretan daudela, ura bera aldatzen joanez gero, berezko duten “fekula” (urari kolore zurixka ematen diona) galtzen joango da eta honela kraskatsuagoak izango dira frijitutakoan.
Frijitzeko, patataren tamaina garrantzi handikoa da. Oso lodi moztu ezkero, barrutik gordin geratzeko arriskua egondo da eta.
Olioaren tenperatura kontrolatzea ere garrantzizkoa da. Gomendagarriena, 10etik 7-8ko neurrian izatea sua.
…
Akaso!
Patata frijituak (saltsa desberdinekin) Garniziotzat jo daitekeen errezeta hau, ia edozein plateren lagungarri izan daiteke. Bere horretan ere, lagunekin partekatzeko bikain askoa da errezeta hau…
Izter beteak
Izter beteak –
RZ honek mota askotako gehigarriak onartzen ditu. Kasu honetan, ganba eta porruarekin betetzen dira, baino ontto, barazki, saltsa ezberdin… askorekin bete daitezke.
Osagaiak:
- 4 oilasko izter
- 12 ganba ale
- tipulina bat
- porru bat
- gurin koilarakada bat
- 150 ml esnegain
- gatza
- piper hauts beltza
- sukaldeko soka, haragiak eta hegaztiak lotzeko modukoa
Errezeta:
- Lehendabizi oilsko izterrak zabaldu behar dira. Horretarako, iztarraren beheko muturretik hasita, labanarekin, hezurraren segidan zabaldu. Kontu haundiz hezurrak kendu eta zabalik mantendu. Momentu honetan gatz eta piper hauts beltz puntua eman.
- Ganbak zuritu eta barazkiak txiki egin.
- Ganba buruak kazola txiki batean su bizitan gorritu oliba olio koilarakada batez. Kolorea hartu dutenean, bi baso ur gehitu salda egin dadin. 20 minutuz su eztitan egosten eduki.
- Beste zartagi batean, barazkiak gorritzen ipini su ertainean, kolore apur bat hartzen duten momentuan, salda gehitu (iragazita) eta laurdenera murriztu arte su ertainean egosi. Momentu honetan, esnegaina eta gurina gehitu. Beste 20 minutuz egosi eta hozten utzi.
- Nahasketa hotz dagoela, ganba gordinak gehitu eta “ore edo masa” bat osatu.
- Ore honen goilarakada pare bat ipini izter bakoitzaren erdian eta kontu haundiz eta sokaren laguntzaz, ongi itxi.
- Labea 200º tan berotu eta iztarrak 15-20 minutuz laberatu eta bero zerbitzatu.
OILASKOA Nuria Farregut
Kasu!
Kalitatezko oilasko eta ganbekin egiteak sekulako aldea ematen dio errezeta honi. Artoa jan duen oilasko azal horia bada, askosaz hobe!
Errezeta hau edozein saltsarekin lagundu daiteke. Adibidez, txanpinoi krema, romesko, ali oli edo barazki kremaren batekin.
…
Akaso!
Oilasko RZ goxo gehiago afaritarako?
Izter beteak
Txapakoak etxean nola egin
TXAPAKOAK
Plater jakin bat aurkeztu baino, prestaera desberdin asko egiteko teknika azalduko dizugu hemen. Txapakoak etxean nola egin daitezkeen, alegia. Edozein haragi, barazki, arrain… azkar eta ondo egiteko aukera ematen du.
Osagaiak:
ZARTAGINAK Yutaka Sek
Errezeta:
- Txapako edozein plater prestatzeko, lehen pauso garrantzitsua zartagina edo txapa bero egotea da. Bi arrazoirengatik, produktua ongi xigortzeko eta itsas ez dadin ere bai.
- Jakia gazitu behar da zartaginean jarri aurretik, haragi pieza lodiak izan ezean. Hauek, egin eta gero gazitu, bestela ura galduko dute eta.
- Zartaginean eharrezko den olio kantitatea jarri produktuaren aurretik. Piezako koilarakada txiki bana olio nahikoa izaten da.
- Xigor dadin, garrantzitsua da produktua tokian geldirik edukitzea. Ohiko den astindu eta mugimendurik egin gabe, alegia.
- Arrainen kasuan, gustuko bada, azalarekin egitea zailago izaten den arren, puntua harrapatu ezkero, merezi du. Kasu honetan hobe izaten da lehebizi haragi garbiaren aldetik markatzea eta segidan azalaren aldetik nahi den puntua ematea. Era honetan, hobeto gordeko ditu zukuak.
- Barazkiekin, ezin da orokortu. barazki bakoitzak aginduko digu, ez baita gauza bera zainzuriak ala piperrak egitea. Barazkia oso gogorra bada, aurretik uretan apur bat egostea komeni da. Ondo lehortu eta zartagi edo txapatik pasa ondoren oliba olio pitin baten laguntzaz.
Kasu!
Txapa erabili zalea bazara, hobe duzu zartagin zahar bat eskuratzea,, azkenerako hondatu egingo duzu eta.
Txapakoak etxean nola egin
Arrautza poxatuak
Arrautza poxatuak
Garrantzitsua da arrautzak kalitate onekoak izatea, guztiz gomendagarria baserriko arrautzak erabiltzea edo, behintzat, 0 edo 1 zifraz hasten direnetakoak izatea.
Errezeta praktikoa da eta askotan lagungarri erabil dezakeu beste prestaera batzuekin.
Osagaiak
- 4 arrautza
- Ozpin koilarakada bat
- Gatza apur bat
- Txorroteko ura
POXATUTAKO ARRAUTZA Mike McCune
Errezeta:
- Lapiko altu bat txorroteko urarekin bete eta su bizitan jarri berotu dadin.
- Bertara koilaratxokada bat gatz erta koilarakada bat ozpin bota.
- Ura irakiten dagoenean, goilara baten laguntzaz zurrunbilo bat egin lapikoan. Garrantzikoa da ur guztia biran jartzea errezeta ondo irten dadin.
- Zurrunbilo erako bat lortzen denean arrautza puskatu barnera eta goilararen laguntzaz bere forma borobilean landu arrautza.
- Egosketa denbora norberaren gustuaren arabera egokitu daiteke. Normalean 4 minutu inguru behar izaten ditu, kolore zuria hartzen du arrautzak egostean.
- Azkenik eta kontuz arrautza plater batean jarri. Gatza apur bat bota eta gozatzeko prest.
Kasu!
Arrautzak piperrada, edozein saltsa, patata frijituekin… bikain daude!
…
Akaso!
Arrautzak garestiak omen…
Arrautza poxatuak
Hegaluzea tomatearekin
Hegaluzea tomatearekin
HEGALUZEA
Hegaluzea/hegalaburra modu askotara presta daiteke: txapan, marmitako eran, parrilan, gordinik… kasu honetan, tomatearekin nola egin azaltzen da. Lehen urratsetan plantxatik edo zartagin batetik pasa behar da, eta hau ere errezeta oso moduan ulertu daiteke, horrela kontsumitzeko bikaina dena.
Osagaiak:
- 4 Hegaluze solomo (180gr bakoitzak)
- tipula bat
- 4 baratxuri hortz
- piper berde bat
- tomate frijitu pote bat
- ardo txuri kopa bat
- oliba olioa
- gatza
- perrexila edo tipulina broteak.
ATUNA TOMATEAREKIN Javier Lastras
Errezeta:
(Argazkikoak piper gorriak ere baditu)
- Hegaluzea garbitu eta hezurrak kendu, zati garbia edukitzeko. Solomoaren tamaina, txekor azpizuna izaten denaren tankerakoa izan behar du. Finegi mozten bada, lehortzeko arriskua dauka eta.
- Su bizitan zartagina berotu, hegaluzea gatz-pipertu eta olio goilarakada baten laguntzaz plantxan egin alde bakoitzetik minutu erdi bat. Hegaluzearen erdialdea gordinik geratzen delarik.
- Zartagin berean, beste olio goilarakada bat gehitu, tipula, piperra eta baratxuriarekin batera. Su bizitan frijitu.
- Barazkiak kolore apur bat hartzen duten momentuan, ardo txuria eta tomatea gehitu. Su ertainean egosi 20 minutuz.
- Azkenik, jan baino 5 minutu lehenago, hegaluzea tomate saltsa berotan ipini.
- Perrexila edo tipulina gehitu zerbizatzeko momentuan.
Kasu!
Garaiean eta bertakoa bada, askoz hobe! Garaia ekaina eta iraila bitartekoa da.
Kontserban prestatzeko ohitura, irailean eman ohi da.
Hegaluzea tomatearekin
Barazki erreak
Barazki erreak garaiko barazkiekin egitea komeni da zaporeak eta testurak hoberenak izateko. Adibide honetan, irailean topa daitezkeen barazkiak egiten dira, baina, esan bezala, garaian garaikoekin egin dezakezu.
Osagaiak
- 2 Tipula
- Piper gorri bat
- 2 Aberjinia
- 2 Kuiatxo
- Baratxuri buru bat
- Oliba olioa
- Sagar ozpina
- Gatza
BARAZKI ERREAK Michela Simoncini
Errezeta:
- Barazki guztiak baratxuria izan ezik, uretan garbitu. Tipulak zuritu eta baratxuri burua erdibitu (atal guztiak erdira egiten dituelarik).
- Labea 180 gradutan berotu.
- Bero dagoenean, barazkiak gatzatu, olioztatu eta osorik dauden moduan labean erre guztiz egiten diren arte. 40 minutu inguru.
- Labetik bero ateratzen diren momentuan, ozpin koliarakada txiki batekin busti, baratxuria atera eta zilar paperarekin tapatu bandeja 10 minutuz.
- Baratxuriaren mamia atera eta katilu txiki batean oliba olio goilarakada bat gehituta, krema egin. Baratxuri erre “ali-oli” moduko bat lortu arte.
- 10 minutu horien ostean barazkiak zuritu eta baratxuri krema eta oliba olio gordinarekin zerbitzatu.
Kasu!
Ia mota guztietako saltsa ezberdinek balio dute. “Romesko” erakoa ere oso aproposa da horrelakoak laguntzeko, Katalunian ohikoa dena.
Plater honek ere, lagungarri edo guarnizio moduan joka dezake, edozein arrai edo haragiren laguntzaile.
…
Akaso!
Akaso RZ labean beharrean zartagian teknika politaz, Jamie Oliver-en eskutik, eskumutur hori…
WOK baten edozer erreta goxoa dago! Zinez…
Barazki erreak
Oilasko eta barazki paella
Soberan dauden osagaiak erabiltzeko errezeta bikaina da, proposamen hau egokitu zure beharrei eta kuzina ezazu zeure-zeurea den paella.
Osagaiak:
- 4 eskukada arroz
- Ura (arroza hainako bi)
- Tipula bat
- Piper gorri eta berde bana
- Azenario bat
- Kuia txiki bat
- 2 Bartxuri buru
- Ardo zuri kopa bat
- Oilasko zatiak (bularki eta iztarrekin eginak) 250gr
- Bi goilarakada oliba olio
- Gatz apur bat
PAELLA G. García Marengo
Errezeta:
- Barazki guztia garbitu eta zuritu.
- Barazkiak zati txiketan moztu, guztiak tamaia berekoak egin behar dira.
- Paela batean bi koilarakada olio jarri eta guztia berotu.
- Baratxuri eta tipula zatiak gehitu eta guztia ondo landu 5 minutuz, kolorea har dezan.
- Kolorea hartzen duenean gainontzeko barazki guztiak gehitu eta su bizian ondo landu.
- Beharrezkoa da barazkiak ondo lantzea, kolore bizia har dezaten
- Oilasko zatiak paelara gehitu eta guztia ondo landu gatz apur batekin.
- Oilaskoa gorritzen denean arroza gehitu eta guztia batera nahastu.
- Ardo zuri kopa gehitu eta guztia lurrundu bitartean landu sutan.
- Azkenik ura gehitu, eta irakiten hasten denean sua jeitsi. 20 minutu behar izaten ditu guztiak egosten.
- Paelak puntu ona izan dezan itzali sua amaitzear dagoenean, berez beroareki amaitzen delako egosten.
- Beharrezkoa da denbora batean egoten uztea 5-10 minutuz.
Kasu!
Arroz mota desberdinak daude merkatuan, baina paela egiteko gomendagarrienak ale luzeko arrozak izaten dira.
Oilasko eta barazki paella
Arroza txirlekin
Arroza txirlekin –
Osagaiak
- Kilo erdi txirla
- 6 eskukada arroz (bat eta erdi buruko)
- arrai edo oilasko salda (arrozaren hirukoitza). Urak ere balio du.
- 4 baratxuri atal
- ardo txuri kopa bat
- kaiena txiki bat
- perrexila
- oliba olioa
- gatza
ARROZA TXIRLEKIN Javier Lastras
Txirla mota asko aurki daiteke merkatuan: fina, lerdetsua, japoniarra… Denetan zapore fin eta ohikoena txirla “fina” erakoa da. Galizia aldetik datorrena. Arroza txirlekin errezeta hau egiterakoan txirla mota orok balio du, baita muskuiluak ere. Prozesuan bata bestearen lekuan jartzea nahikoa da kasu honetan.
.
Errezeta:
- Arroza egingo den zartagia berotzen jarri oliba olio goilarada batekin. Bero dagoenean, txirlak gehitu eta tapatu. Txirlak irekitzen hasten diren momentuan zartaginetik atera.
- Salda berotzen jarri.
- Zartagina su ertainera jetsi, oliba olio koilarakada bat, kaiena eta batxuri xerratua gehitu bertara.
- Baratxuria kolorea hartzen hasten den momentuan, kaiena atera eta arroza gehitu. Minutu batez gorritu.
- Momentu honetan, saldaren 3/4 eta perrexil txikitu eskukada bat gehitu. Estali eta su ertainean egosten jarraitzeko.
- Bor-borrean hasten den momentuan gatz puntua eman.
- Arroza egosirik baina apur bat gogor dagoela (2 minutu faltan) txirlak eta geratzen den salda gehitu eta mahaiera atera.
.
Kasu!
Txirlak erosteko momentuan itxirik egon behar dute. Bizirik eta fresko dauden seinale. Erdi zabalik baldin badaude, kutsatzeko arriskua egon daiteke, beraz, hobe ez erostea.
Arroz mota asko topa daiteke merkatuan, aproposena errezeta hau burutzeko, Bomba delakoa da. Mota bakoitzak egoste denbora ezberdina du, hoberena hau kontrolatzeko, noizbehinka probatzea da.
Arroza txirlekin
Legatz frijitua
Legatz frijitua –
Osagaiak
- 4 legatz solomo (180º bakoitza)
- 2 arrautza
- 3 koilarakada irin
- Gatza apur bat
- 4 koilarakada ekilore olio
LEGATZ FRIJITUA Javier Lastras
Errezeta
- Plater sakon batean bi arrautzak puskatu eta irabiatu, ondo nahastu arte.
- Beste plater batean irina jarri.
- Legatz solomoak gustuko tamainetan moztu, norberak nahi dituen zatietan. Oso zati txikiak ez egin frijitzean legatzaren puntua pasa egiten delako.
- Zartagi altu batean ekilore olioa berotzen jarri, oliba olioarekin ere frijitu daiteke.
- Olioa berotzen den bitartean legatzari gatz apur bat bota eta irinetan igaro. Garrantzitsua da legatzak irin asko ez hartzea, beharrezkoa soilik.
- Legatza arrautza irabiatutik pasa eta zuzenean zartagira sartu.
- Olio berotan lehenik alde batetik frijitu 2 minutu inguru, kolorea hartzen duenean beste aldetik frijitu beste 2 minutu.
- Zartaginetik ateratzean soberan daukan olioa xurgatu sukalde-paperetan jarrita.
- Lagungarri eran mahonesa edo gustuko saltsarik erabil daiteke.
…
Kasu!
Legatza izoztua edo freskoa izan daiteke. Izoztua erabiltzeko errezeta egin bezperan jar ezazu hozgailuan piskanaka desizozten.
Kontuz! Anisakirik topatzen baduzu legatza freskoan kendu zati hori, normalean mendreskan egoten dira. Eta beste guztia arazorik jabe gozatu.
Ez baduzu egiten den unen jan behar, gorde ezazu hozgailuan edo biharko asmotan bazabiltza, bi plateren artean leku fresko batean.
Ogitarteko eran ere bikain geratzen da!
…
Akaso!
Legatz frijitua
Dilistak
Osagaiak:
- 0,4kg dilista
- Egosteko txorizo bat (barazkijalea edo beganoa bazara ez, prefosta!)
- 2 patata
- Azenario bat
- Oliba olio bi koilarakada
- Gatz koilarakada txiki bat
DILISTAK Lablascovegmenu
Errezeta:
- Patata eta azenarioak garbitu: patata lauki txikitan moztu, azenarioa berriz xerra finetan.
- Txorizoa 4-5 zatitan ebaki.
- Lapiko batean olioa berotzen jarri, eta bertan txorizo zatiak landu 3-4 minutuz.
- Guztia ondo landu denean, patata eta azenario zatiak bertara gehitu eta dena elkarrekin nahastu.
- Dilistak eta gatza gehitu eta urarekin bete lapikoa, guztia urez estal dadin.
- Egosten eduki, ordu eta laurden inguru lapikoan egiten baditugu. Presio-eltzean 20 minututan egiten dira.
- Amaitzean gatza puntuan jarri eta gozatzeko prest ditugu, ez baditugu egun berean jango, hozten direnean hozgailuan gorde.
Kasu!
Errezeta merkea da eta ikasketa egun gogorretarako praktikoa.
Egun batetik bestera ederki mantentzen den errezeta da, ikasketa egunetan osasuntsu elikatzen jarraitzeko.
Dilistak
Oilasko errea
Oilasko errea –
Osagaiak:
- Oilasko bat osorik
- Garagardo botilatxo bat
- Ziape edo mostaza koilarakada bat
- Gatz koilarakada txiki bat
OILASKO ERREA Ron Dollete
Errezeta:
- Labea berotzen jarri 190ºtan.
- Oilasko osoa labeko ontzi batean jarri, bularkia goruntz duelarik.
- Garagardo botilatxo bat gehitu gainetik, oilasko guztia garagardoarekin bustiz.
- Gainetik gatza gehitu, norberaren gustuaren arabera, koilarakada txiki bate nahikoa izaten da oilasko bakoitzeko. (Garrantzizkoa da gatza garagardoarekin busti ostean gehitzea era honetan oilaskoan itsatsirik geratzen delako.)
- Oilaskoa labean sartu 45 minutuz, (denbora oilaskoaren araberakoa izaten da normalean 45 minutu edo ordubete inguru behar izaten du.)
- Azala gorritzen zaionean oilaskoa labetik atera eta zartagi batera bota askatu duen zuku guztia.
- Oilaskoa labean sartu berriro eta bitartean zartagian askatu duen zukua ziape koilarakada batekin landu. Guztia loditzen den bitarte 5 minutuz.
- Azkenik oilaskoari gainetik eginiko saltsa gehitu eta azken minutuak eduki labean, guztiz egin dadin.
Kasu!
Oilaskoaren azken saltsa egiten dugunean edozein espezie gehitu; piper hautsa, kurria, norberak gustoko dituenak.
Hezurrak ere zupatuko dituzu oilasko honekin!
…
Akaso!
Urruneko aitonaren bideoa, Kentucky Fucking Chicken bertsioa…
oilasko errea
Etxeko torrada edo torrijak
Etxeko torrada edo torrijak –
Soberan pilatzen diren ogiekin egiteko postre bikaina.
Osagaiak:
- Etxean soberan dagoen ogi zaharra, 2-3 hatzen lodierako zatitan moztua
- Litro bat esne
- 0,1kg azukre
- Bainila adar bat edo kanela hautsa koilarakada txiki bat
- Limoi bat
- Laranja bat
- 2 arrautza
- Oliba olioa 3 koilarakada
TORRADA Ana
Errezeta:
- Ogi gogor zatiak ontzi batean jarri.
- Lapiko batean esnea, azukrea, bainila adarra eta limoi zein naranjaren azalak egosten jarri. Guztia irakiten hasten den bitarte.
- Ogiari gainetik lapikoko guztia gehitu eta bertan utzi 2-3 orduz. (Esnearekin ez baditugu guztiz estaletzen, ordubete igaro eta gero buelta eman ogi zatiei. Beharrezkoa da ogiak esne guztia ondo xurgatzea.)
- Plater batean arrautzak irabiatu.
- Zartagi altu bat berotzen jarri oliba olioarekin, ondo berotu behar da olioa.
- Ogi zatiak banaka arrautza irabiatutan igarotzen joan eta ondoren zartagian frijitu.
- Zartagian hurraren kolorea hartzen duen bitarte mantendu alde bakoitzetik.
- Frijitu eta gero soberan duen olioa kendu sukalde paper baten gainean eta azukrez estali gainetik.
Kasu!
Errezeta hau ogi zahar zein berriarekin egin daiteke, amaitzean izozki edo saltsez lagunduta jaten da normalean.
OGIAk panes: Baguettea Baguette Barra luzea Barra grande Barra txikia Barra pequeña Baserriko ogia Pan de leña Erromatar txikia Romanito Flauta Flauta Fruitu lehorrezko ogia Pan de frutos secos Moldeko ogi integrala Pan de molde integral Moldeko ogi zerealduna Pan de molde de cereales Moldeko ogia Pan de molde Ogi birrindua Pan rallado Ogi espainola Pan español Ogi gatzgabea Pan sin sal Ogi integral haziduna Pan integral de semillas Ogi sesamoduna Pan de sésamo Ogi sojaduna Pan de soja Ogi txigortua Pan tostado Ogi-barra zerealduna Pan de cereales barra Ogi-irin integrala Harina de trigo integral Ogi-irina Harina de trigo Opilak Bollos Vienako ogia Pan de Viena Zekale-ogia Pan de centeno Zopakoa Pan de sopa Txapata Chapata
…
Akaso!
Maitane Segurolaren TORRADAK bideo RZ:
Etxeko torrada edo torrijak
Entsalada epela, patata, arrautza eta antxoilekin
Entsalada epela, patata, arrautza eta antxoilekin.
Plater hau “etxean ezer ez dagoen” egun horietan egitekoa da, batez ere. Ulertzen diguzu, ez da?
Osagaiak:
- Zortzi patata ertain (bina lagun bakoitzeko)
- Lau arrautza (bana lagun bakoitzeko)
- Antxoila poto bat, antxoilak erditik moztuta
- Pare bat tipulina edo tipula fresko handi bat, zerrenda finetan moztuta (juliana)
- Maionesa basokada bat (edo, ez baduzu egin nahi, edo hozkailuan ez badago, edo beganoa bazara, ozpinolioa)
- Gatza
Errezeta:
- Patatak ordu erdi batez egosten jarri. Zuritu gabe egitea komeni da, zarta ez daitezen, baina bizimodua erraztuko dizugu hatz puntak erre ez ditzazun gero zuritzerakoan: zurituta jarri, baina eginda daudenean, ur guztia kendu eltzetik eta minutu batean utzi eltzean bertan egiten urik gabe. Patatak bere baitara bilduko dira, ura galduz.
- Arrautzak ere egosi patatekin azken zazpi minutuetan, gehiegi ere egos ez dadin
- Maionesa bat egin edo, gogorik ez baduzu, hozkailukoa hartu, baina beti hobea zeuk egindakoa. Eta ez bazaizu maionesa gustatzen edo beganoa bazara, oilozpina egin (ozpineko bat, olioko bost) eta, baldin baduzu, Dijongo ziape koilarakadatxo bat ere nahastu.
- Azpil edo ontzi eder batean, patatak zatituta jarri, baratxuri ale baten tamainan edo, arrautza ere zabarki ebakita jarri gainean eta antxoilak olio eta guzti nahasi guztiari, baina patata apurtu gabe. (Begetarianoek antxoilarik gabe, jakina. Alkaparrak eta olibak jar daitezke ordetan ).
- Entsalada bat arinki olioztatzean bezala, egin gatza, ozpina eta olio parrastada bat eta dena nahasi. (Hartu kontutan, gero maionesa gehitu dakiokeela)
- Tipula gainetik egin edo ondoan jarrita zerbitzatu, agian baten batek ez du eta haren gordintasuna maiteko. Guk bai, arraioa!
- Maionesa ere alboan jarrita zerbitzatu, norberak bere tamainan gehi diezaion.
PATATA ENTSALADA Xolomo Sapiens
Kasu!
Errezeta honen sekretua epel jatea da, nahiz eta hotz ere bikaina den.
…
Akaso!
Entsalada epela
Patatak saltsa berdetan
Patatak saltsa berdetan –
Gora patata arabarra!!! 🙂
Osagaiak:
- kilo bat patata
- koilarakada bat irin
- ardo txuri kopa bat
- 4 baratxuri ale
- perrexil freskoa
- arrain salda (edo daukazuna)
- oliba olioa
- gatza
Errezeta:
- Patatak zuritu eta panadera eran moztu, hots, cm. erdiko xaflatan. (Adi: ez beti guri kasu egin, argazkikoak osorik utzita daude).
- Perrexil freskoa aiztoarekin pikatu edo moztu
- Baratxuriak xaflatan moztu
- Zartagin batean olio koilarakada bat berotzen jarri, bertan patatak frijitu bi aldeetatik. Kolorea bakarrik hartu behar dute, ez da garrantzitsua guztiz egitea gero saldan egosi beharko dira eta.
- Patatak egin ostean, eltze baxu batean bi koilarakada olio jarri.
- Olioa bero dagoenean baratxuria gehitu , kolorea hartzen duen bitarte
- Orduan irin koilarakada bat gehitu eta guztia elkar landu.
- Ardo txuri kopatxo bat gehitu eta alkoholaren usaina galtzen duenean arrain salda gehitu.
- Azkenik patata zatiak saldan sartu eta bertan egosten jarri.
- Sardexka baten laguntzaz patatak eginak daudela ziurtatu.
- Azkenik perrexil txikitua gehitu errezetari
PATATAK SALTSA BERDETAN Jeremy Keith
Kasu!
- Oso RZ merke eta erreza da, benetan.
- Edozein haragi, arrain edo barazkiren laguntzaz dasta daiteke errezeta hau. Bera bakarrik ere bai.
- Arrain salda beharrean oilasko edo veste era bateko saldarekin ere egin daiteke errezeta.
Patatak saltsa berdetan
Oilasko bularra
Oilasko bularra –
Osagaiak:
- 8 oilasko bularki
- ogi birrindua
- kurri hautsa
- piper hautsa
- gatza
- oliba olioa
OILASKO BULARRA Candy Beauchamp
…
Errezeta:
- Oilasko bularkiak xerratuta egotea beharrezkoa da, osorik badaude labanaren laguntzaz behar adina xerretan moztu. Egokiena harakinari xerretan eskatzea
- Oilasko bularkiari gazta, piper eta kurri hautsak bota. Bakoitzaren gustuaren arabera
- Plater batean ogi birrindua jarri. Era desberdinetakoa izan daiteke, lodia, fina, perrexilduna, etxean egina (ogi zaharra birrinduz)
- Zartaginean koilarakada bat olio jarri berotzen
- Xerrak banaka ogi xigortutik pasatu
- Olioa bero dagoenean bertan xerrak frijitu, alde batetik kolorea hartzen duenean buelta emanez
- Plateran jarri baino lehen, paper xukatzailean jarri soberan dagoen olioa kentzeko
…
Kasu!
Egun batetik bestera ongi mantentzen den errezeta da, beraz oso praktikoa ogitartekoan edo lan egun luzeetan izateko.
Ogi xigortuak olioa zikintzen du, beraz, xerra asko egiteko gomendagarria da olioa aldatzea.
…
Akaso!
100 oilasko izter eta hego RZ nola egin… Village food factory. Chicken, 100 Legs, 100 Wings, prepared by my DADDY…