Blog Artxiboa

Begetarianoek ere bai

2020-03-25

Ketchupa etxean egina

Ketchupa etxean egina – 

Tomate helduak aprobetxatzeko errezeta erraza gaurkoan dakarkizuguna, Tomate ketchupa etxean egina RZ  Denak txundituta uzteko primerako errezeta top horietakoa, lagunekin gozatzeko, ama eta izeba bisitan datozenerako, ligatzeko… Segi gozo, segi fin eta on egin! 🙂

…. 

Osagaiak

  • Tomate heldu-helduak, 2 kg
  • 3 tipula eder, txiki-txiki eginda
  • 2 baratxuri ale
  • Oliba olioa
  • 3 koilarakada azukre
  • Sagardo-ozpina, 5 koilarakada
  • Koilarakada handi bat ezti
  • 2 kumino pikor
  • 2 piperbeltz pikor
  • Iltze usaintsu bat
  • 100 g gurin
  • Gatza

 …

Errezeta

  1. Kazola batean, azukrea eta eztia jarriko ditugu, su motelean, karamelu itxura har dezan, baina erre gabe. Orduan, agudo, ozpina gehitu; pixka batean lurrundu dadin utzi eta ongailuak eta gurina erantsiko ditugu.
  2. Berandu gabe, hondoan itsatsi eta erre ez dadin, tipula xehatua eta baratxuria sartu, baita oliba olioa ere, zorrotada polit bat. Gatza eman eta su motelean utziko dugu oraingoan, tipula eta baratxuria 45 bat minutuz axaletik frijitu daitezen.
  3. Denbora pixka bat pasatuta, tomate helduak bota, garbitu eta zatitu ondoren. Egos daitezela, oso mantso, su motelean, pare bat orduz edo ur gehiena lurrundu eta murriztu arte. Gazitu eta, sobera garratz baldin badago, azukre edo ezti pittin bat gehitu.
  4. Horrela utz genezake, naturala, edo pure-egitekotik pasatu finago geldi dadin, baina orduan berriz irakiten eduki beharko genuke lehengo kolore gorria hartzeko berriz.

…

Kasu!

Gure txikiek hanburgesekin poteko ketchupa ez baizik eta guk egindakoa jartzen badute, askoz ere argiago, altuago eta politagoak izango dira… 😉

…

Akaso!

Biberoia …

Ketchupa etxean egina

gogokoa
2020-02-28

Amonaren Krepak

Amonaren krepak –Amonaren errezetak

Gure eskuetara iritsi diren orri zahar koipetsu batzuetatik Amonaren errezetak berreskuratu ditugu eta hemen dakarzkizugu, edonorena izan litekeen amonaren jakintza, eskua, maitasun eta goxotasunaz ..

Tentazioan erortzeko bideak jarraituz, Amonaren errezetatan aurkitutako hauxe dakarkizugu oraingoan, gozo eta maitasunez beterik datorren amonaren krepak RZ, 2 bertsiotan gainera, olioarekin eta gabe dirudienez, erraz eta denak txundituta uzteko primerakoak. Ama eta izeba bisitan datozenerako, ligatzeko… Segi gozo, segi fin eta on egin! 🙂

 

KREPAK  1

Osagaiak

  • arrautzak
  • esnea
  • gatza
  • irina

Errezeta

  1. Irabiatu 2 arrautza, esne katilu bat gehitu, gatza eta 6 koilarakada irin. Ondo nahastu pikorrak desagertu arte.
  2. Pixka bat koipetutako zartaginean zabaldu masa honen koilarakada bat, eta gorritzen denean buelta eman beste aldetik ere egin dadin.

Kasu!

  • Krepak postrerako nahi izanez gero, pastel krema prestatu eta horrekin bete.
  • Frijituetarako bada bexamelarekin bete daitezke.

KREPAK  2

Osagaiak

  • arrautzak
  • esnea
  • olioa
  • gatza
  • irina

Errezeta

  1. Jarri 2 arrautza osorik, esne baso txiki bat, koilarakada bat olio, 4 koilarakada irin, eta gatz pixka bat. Irabiagailuarekin ondo nahastu.
  2. Zartagin bat olio, koipe edo gurin apur batekin busti, eta zartagina nahasketarekin estali, geruza fin batekin. Bi aldeetatik egin.

Kasu!

  • Berdin balio dute gazirako zein gozorako.
  • Errazago irabiatzeko, likidoak bota lehenik eta gero irina, eta irabiatu.

…

Akaso!

Jon ‘Kirru’ Iparragirre eta Gorka Ruiz ‘Epi’ ‘Hara!‘ taldeko musikariak ‘Txoriene’ saioan marmitakoa eta nicatela eta esne-gozoki krepak RZ sukaldatuz.

Krepak 4 eratan egitreko bideoa

Txokolate Krep pastela agian …

Amonaren Krepak

gogokoa
2020-02-12

Amonaren arrain budina

Amonaren arrain budina –Amonaren errezetak

Gure eskuetara iritsi diren orri zahar koipetsu batzuetatik Amonaren errezetak berreskuratu ditugu eta hemen dakarzkizugu, edonorena izan litekeen amonaren jakintza, eskua, maitasun eta goxotasunaz ..

Pastela edo budina egiteko bi errezeta aurkitu ditugu amonaren errezeta orrietan eta hemen dakarkizugu lehena, amonaren arrain budin edo pastela RZ, erraz eta denak txundituta uzteko primerakoa, bisitan datozenerako, ligatzeko… Segi gozo, segi fin eta on egin! 🙂

 

Osagaiak

  • Legatz kilo erdia
  • tipula
  • tomatea
  • koñak zurrustatxo bat
  • piperrauts zuri apur bat
  • gatza
  • 3 arrautza
  • gurina
  • ogi arraila edo ogi birrindua

 

Amonaren arrain budinaErrezeta

  1. Legatz kilo erdia, ondo zatituta.
  2. Zartagian olioa eta xehe-xehe egindako tipula jarri.
  3. Tipula egina dagoenean gehitu legatza eta tomate pixka bat, koñak zurrustatxo bat, piperrauts zuri apur bat eta gatz pixka bat.
  4. Hiru arrautza irabiatu eta masarekin nahastu.
  5. Prestatu molde bat, gurinarekin  koipeztatua eta ogi arrailarekin, eta bertan bota dena. Maria bainuan jarri eta labean sartu 40 minutu mamitu arte.

 

Kasu!

  • Maionesarekin edo tomate saltsarekin zerbitzatu daiteke.

Amonaren etxeko neurriak

  • Kafe koilarakada bat 5 gr.
  • Postre koilarakada bat 10 gr.
  • Zopa-ontzi koilarakada 15 gr.
  • Kafe kikara bat 100 gr.
  • Katilukada bat, 250 gr.
  • 20 gr gurin, pospolo kaxa baten baliokidea da.
  • 100 gr gazta, tabako kaxatxo baten baliokidea da.
  • Tomate estandar batek 100 gr. inguru pisatzen ditu.
  • Tamaina estandarreko 4 patatak 500 gr. inguru pisatzen dute.
  • Laranja estandar batek 200 gr pisatzen ditu.
  • Behatz loditik hatz erakusleraino iristen den azenario batek 50 gr. inguru dauzka.
  • Lekale eskukada batean 20-30 gr bitarte daude.
  • 100 gr irin 5 koilarakada dira.
  • kg 1 ogi 3 ogi handi dira.

 

Akaso!

Zumaiako Maria eta Jose ikastetxeko Jon Arana ikaslea arrain budina egiten ‘Txoriene’ saioan.

Amonaren arrain budina

gogokoa
2020-01-12

Patata erreak gurin eta baratxuriekin

Patata erreak gurin eta baratxuriekin –

Gaurkoan patatak, Patata erreak gurin eta baratxuriekin RZ  erraz eta bikaina hain zuzen ere, aproposa bikain jaten duzula ikusi dezaten ama eta izeba bisitan datozenerako, ligatzen laguntzeko, parranda osterako ere bai… Izan gozo, gozatu eta on egin! 🙂

…

Osagaiak

  • 10 patata handi
  • Xorta bat oliba olio
  • 2 baratxuri-buru, zuritu gabe
  • Ezkaia adaxka bat
  • 150 g gurin
  • Gatza

…

Errezeta

  1. Zuritu eta xerra loditan moztuko ditugu patatak, luzeran. 8 atal egingo ditugu, gutxi gora-behera patata bakoitzetik. Uretan garbituko ditugu ondoren patata guztiak, almidoia kentzeko.
  2. Padera bero batean olio pixar bat isuri eta su bizian salteatuko ditugu, gorritu arte (labean sartuko ditugu gero). Kanpotik ongi txigorturik eta barrutik gogor daudela ipiniko ditugu labe-erretilu batean. Gatza eman eta bi baratxuri-buru aletu eta barreiatuko ditugu haien gainetik, zuritu gabe, ezkai adaxka eta gurinarekin (dadotan moztua). Erretiluaren hondoa ukituko dute patata guztiek, garrantzitsua da hori. Elkarren gainean metatuz gero, ez dira behar bezala erreko.
  3. 200ºko tenperaturan edukiko ditugu labean 30 bat minutuan. Koipean bustiko ditugu labealdi horren erdialdean.
  4. Egin direnean, labetik atera eta epeltzen utzi eta gero jango ditugu, erreki baten hornidura gisa esate baterako. Trauskil mozturiko perrexila emango dugu, nahi izanez gero, haien gainetik.

…

Kasu!

Errekiaren gurina xurgatu eta mamitsu egon daitezen utziko ditu patatak epeltzen. Labean eduki ditugun erretiluan aurkeztu ahal izango ditugu, eta erretako baratxurien mamia ere berreskuratuko dugu, haiekin jateko.

…

Akaso! 

 

gogokoa
2020-01-08

Txibierroak

TXIBIERROAK – 
Amonaren errezetak

Gure eskuetara iritsi diren orri zahar koipetsu batzuetatik Amonaren errezetak berreskuratu ditugu eta hemen dakarzkizugu, edonorena izan litekeen amonaren jakintza, eskua, maitasun eta goxotasunaz ..

Txibierroak

Calamari fritti gogoa sartu zaigu eta hona platertxo goxo bat gaurkoan, nork ez ditu maite? Amonaren RZtatik atera dugun Txibierroak errezeta dakarzkizugu noiznahi jateko, parranda osterako bikainak, ligatzen laguntzeko ere bai… Izan gozo, gozatu eta on egin! 🙂

…

Osagaiak

  • txipiroiak
  • gatza
  • piperrauts zuria
  • arrautza
  • irina
  • ura

Txibierroak…

Errezeta

  1. Garbitu eta gero, moztu txipiroiak tira luze eta finetan, edo borobiletan nahi izanez gero.
  2. Jarri gatza eta piperrauts zuria.
  3. Pasa irinetatik, irabiatutako arrautzetatik, eta frijitu 3 minutu.

…

Kasu!

  • Txipiroiak handiak izanez gero, lehenik egosi egin behar dira.
  • Irin, ur hotz eta royal masa batetik ere pasa daitezke, eta ondoren frijitu.

…

Akaso!

Crispy calamari …

Sashimi RZ egin eta batez ere mozketa nola egin ikasteko bideoa…

Begihandia garbitzeko lehiaketa ETBn duela urte batzuk…

Toyama Bay, central Japan …

Squid: The Deep Sea Devils | Deep Sea Killers

TXIBIERROA 

gogokoa
2019-12-17

Arrain zopa bizkorra mikrouhinetan

Arrain zopa bizkorra mikrouhinetan nola egin – 

Hotzak konbatitzeko zopa edo salda bero bat bezalakorik ez dago, bizipoz eta pizgarri … RZ azkar bezain merke bat dakarkizugu arrain zopa egiteko. Merke, erraz, parranda osterako, ama eta izeba datozenerako, ligatzen laguntzeko modukoa irudimen pixkatekin, ezta? Noiznahi jateko modukoa… Gozatu, izan bero, izan gozo eta on egin! 🙂

…

Osagaiak

  • Tipula erdia, pikatua
  • 4 baratxuri ale, xerratan
  • Xorta bat oliba olio
  • Itsaski salda kontzentratua, pastilla bat
  • 5 koilarakada bete tomate saltsa
  • Koilaratxokada bat piper txorizeroaren mami (kontserbakoa izan daiteke)
  • Zopako ogia, puska eder bat
  • 6 dl ur bero, iturrikoa
  • 2 legatz solomo izoztu
  • Eskukada bat ganba izoztu
  • Zorrotada bat xerez
  • Gatza

Arrain zopa bizkorra mikrouhinetan nola egin

Arrain zopa bizkorra mikrouhinetan nola eginErrezeta

  1. Mikrouhinetarako ontzi egoki batean ipiniko ditugu tipula, baratxuriak, olioa eta gatza. Indar betean maneatuko ditugu gaiak tapatu gabe, 4 bat minutuan.
  2. Haien ostean erantsiko ditugu ogia, papurtua, salda-pastilla, tomate saltsa, piper txorizeroaren mamia, piperrautsa, ur beroa, legatz solomo izoztu bi eta gatza. Tapaturik maneatuko ditugu zopa-gaiak, 10 bat minutuan eta indar betean.
  3. Haien ostean, tapa kendu, ganbak erantsi eta beste 5 bat minutuan edukiko dugu guztia labean.
  4. Legatz solomoak eta ganbak aterako ditugu ondoren (hozkagai gisa erabiliko ditugu geroago).
  5. Irabiagailuaren besoa zopa egin den ontzian sartu, indar betean eragin eta, xorta bat xerez erantsi ondoren, hasiko gara zopa xehatzen. Gatz-puntua zuzenduko dugu ondoren, behar izanez gero.
  6. Legatza eskuz puskatu (ez gehiegi papurtu) eta, ganbekin batean, sartuko ditugu puska guztian zopa xehean, erre gabe.
  7. Ongi nahasi eta beroaldi bat emango diogu zopari mikrouhinetan, behar izanez gero.

…

Kasu!

  • Labeak ez badu plater birakaririk, garrantzitsua da pare bat minutuan behin laurdena iraultzea.
  • Kontuz ibil gaitezen gatzarekin, gaziak izaten baitira salda-pastillak.
  • Errezeta honek  zorroko zopek baino aukera askoz zaporetsuagoa (eta haiek bezain bizkorra) eskaintzen digu inolaz ere.

 …

Akaso!

Urruneko Aitonak ez du mikrouhinik erabiltzen, eta oilasko zopa RZ du nahiago…

Arrain zopa bizkorra mikrouhinetan

gogokoa
2019-11-03

Bexamela

BEXAMELA –  Amonaren errezetak 

Gure eskuetara iritsi diren orri zahar koipetsu batzuetatik Amonaren errezetak berreskuratu ditugu eta hemen dakarzkizugu, edonorena izan litekeen amonaren jakintza, eskua, maitasun eta goxotasunaz ..

 

Gaurkoan amonaren bexamelaren RZ dakarkizugu, kroketak egin eta denak txundituta uzteko, ligatzen laguntzeko ere bai. Bexamela (italieraz Besciamella, frantsesez Béchamelle) gurinez, irinez eta esnez egindako saltsa emultsionatua da, Italiar eta Frantziar sukaldaritzen saltsa nagusieneterikoa. Izan gozo, gozatu eta on egin! 🙂

 

Osagaiak

  • 50 gr gurin (edo olio)
  • 3 irin koilarakada
  • litro erdi esne

…

BexamelaErrezeta

  1. 50 gr gurin (edo olio) jarri lapiko sakon batean.
  2. 3 irin koilarakada sueztitu.
  3. Pixkana litro erdi esne gehitu irabiatzen jarraitzen den bitartean, gatz pixka bat bota eta 15 minutuz egosten utzi. Nahi dena erantsi daiteke.

Kroketetarako, hozten utzi, forma eman eta irinetik, arrautzetatik eta ogi arrailetatik pasa. Beste modu bat izan daiteke lehenik ogi arraildu finetik, ondoren arrautzetatik eta azkenik ogi arraildutik pasatzea.

 

Kasu!

Amamaren etxeko neurriak

  • Kafe koilarakada bat 5 gr.
  • Postre koilarakada bat 10 gr.
  • Zopa-ontzi koilarakada 15 gr.
  • Kafe kikara bat 100 gr.
  • Katilukada bat, 250 gr.
  • 20 gr gurin, pospolo kaxa baten baliokidea da.
  • 100 gr gazta, tabako kaxatxo baten baliokidea da.
  • Tomate estandar batek 100 gr. inguru pisatzen ditu.
  • Tamaina estandarreko 4 patatak 500 gr. inguru pisatzen dute.
  • Laranja estandar batek 200 gr pisatzen ditu.
  • Behatz loditik hatz erakusleraino iristen den azenario batek 50 gr. inguru dauzka.
  • Lekale eskukada batean 20-30 gr bitarte daude.
  • 100 gr irin 5 koilarakada dira.
  • kg 1 ogi 3 ogi handi dira.

 

Akaso!

Bexamel saltsa 1

Bexamel saltsa 2

Bexamela

gogokoa
2019-10-24

Amonaren 8 saltsa

Amonaren 8 saltsa –Amonaren errezetak 

Gure eskuetara iritsi diren orri zahar koipetsu batzuetatik Amonaren errezetak berreskuratu ditugu eta hemen dakarzkizugu, edonorena izan litekeen amonaren jakintza, eskua, maitasun eta goxotasunaz..

 

Gaurkoan saltsatan sartu eta amonaren errezeta orrietatik 8 saltsa dakarzkizugu, denak txundituta uzteko, aproposa ama eta izeba bisitan datozenerako, ligatzen laguntzeko ere bai… Izan gozo, gozatu eta on egin! 🙂

…

SALTSAK

  • Saltsa tartariarra: maionesa lodia egin eta gehitu mostaza koilarakada bat; ondoren gehitu hiru ozpinetako luzoker, bi kaparrondo koilarakada eta arrauts egosi bat, dena ongi xehatuta.
  • Victoria saltsa: maionesa egin eta gehitu prestatutako bi tomate koilarakada lodi.
  • Maionesa saltsa berdea: maionesa lodia egin, bi gorringorekin. Espinaka apur bat egosi, eta puregailutik pasa. Maionesarekin nahastu.
  • Saltsa ingelesa: egin bexamela, baina esnea erabili beharrean saldarekin; gehitu jerez lehorreko kopa bat eta prestatutako tomate koilarakada bat.
  • Aurora saltsa: bexamela egin, eta prestatutako lau tomate koilarakada gehitu saltsa arrosa jarri dadin.
  • Izokin-itxurako saltsa: maionesa lodia prestatu. Lau pipermorro gorri ondo zukutu eta pasa txinotik edo batidoratik. Maionesara gehitu. Saltsa hau gozo antzekoa geratu behar da.
  • Ozpin-olio saltsa: baratxuria, tipula, arrautza egosia eta perrexila ondo xehatu, baita piper gorri bat ere nahi izanez gero. Olio birjina ozpinarekin nahastu, eta gehitu gatz pixka bat. Dena batu. Saltsa moteldu nahi bada gehitu ur pixka bat.
  • Maionesa saltsa: arrautsa oso bat litro bat oliorentzat. Gatza eta limoi edo ozpin tanta batzuk. Batidorarekin egin daiteke. Mozten bada, beste katilu bero eta lehor batean zuringo edo ur pixka bat jarri, eta irabiatu bitartean bota maionesa apurka. Normalean ondo batzen da.

saltsak - Amonaren 8 saltsa

 

Kasu! 

Sukaldean.eus-etik hemen saltsak gazi eta gozo banaketan:

 

Amamaren etxeko neurriak

  • Kafe koilarakada bat 5 gr.
  • Postre koilarakada bat 10 gr.
  • Zopa-ontzi koilarakada 15 gr.
  • Kafe kikara bat 100 gr.
  • Katilukada bat, 250 gr.
  • 20 gr gurin, pospolo kaxa baten baliokidea da.
  • 100 gr gazta, tabako kaxatxo baten baliokidea da.
  • Tomate estandar batek 100 gr. inguru pisatzen ditu.
  • Tamaina estandarreko 4 patatak 500 gr. inguru pisatzen dute.
  • Laranja estandar batek 200 gr pisatzen ditu.
  • Behatz loditik hatz erakusleraino iristen den azenario batek 50 gr. inguru dauzka.
  • Lekale eskukada batean 20-30 gr bitarte daude.
  • 100 gr irin 5 koilarakada dira.
  • kg 1 ogi 3 ogi handi dira.

…

Akaso!

Jamie Oliver-en hamburgesarekin jateko saltsa sekretua !

Maionesa eta ketchup-arekin egiteko 4 saltsa:

Amonaren 8 saltsa

gogokoa
2019-10-09

Ilar holandar purea

Ilar holandar purea ––Amonaren errezetak 

Gure eskuetara iritsi diren orri zahar koipetsu batzuetatik Amonaren errezetak berreskuratu ditugu eta hemen dakarzkizugu, edonorena izan litekeen amonaren jakintza, eskua, maitasun eta goxotasunaz ..

Gaurkoan Holandara goaz Amonaren errezeta orrietatik bidaian, denak txundituta uzteko, aproposa noiznahi jateko, ama eta izeba bisitan datozenerako, ligatzen laguntzeko ere bai… Izan gozo, gozatu eta on egin! 🙂

Osagaiak

  • 1,5 litro ur
  • Ilar lehorrak, poltsa erdia
  • 300 gramo azenario
  • 2 porru
  • Apioaren arbi zati bat
  • 200 gramo patata
  • Gatza eta piperrautsa

 

Ilar holandar pureaErrezeta

  1. Lehenik ura irakiten jarri eta ilarrak egin, ordu erdiz; ondoren porruak eta azenarioak gehitu (baita haragia ere, nahi izanez gero), eta 20 minutuz izan sutan; amaitzeko patatak, gatza eta piperrautsa gehitu.
  2. Behin prestatuta dagoenean, frigoan sartu eta bertan mantendu gau oso batez.
  3. Hurrengo egunean ketutako saltxitxak jarri.

 

Kasu!

Holandan hirugiharra ere jartzen diote, eta ur gehiagoz zopa moduan ere hartzen da.

 

AMAMAREN ETXEKO NEURRIAK

  • Kafe koilarakada bat 5 gr.
  • Postre koilarakada bat 10 gr.
  • Zopa-ontzi koilarakada 15 gr.
  • Kafe kikara bat 100 gr.
  • Katilukada bat, 250 gr.
  • 20 gr gurin, pospolo kaxa baten baliokidea da.
  • 100 gr gazta, tabako kaxatxo baten baliokidea da.
  • Tomate estandar batek 100 gr. inguru pisatzen ditu.
  • Tamaina estandarreko 4 patatak 500 gr. inguru pisatzen dute.
  • Laranja estandar batek 200 gr pisatzen ditu.
  • Behatz loditik hatz erakusleraino iristen den azenario batek 50 gr. inguru dauzka.
  • Lekale eskukada batean 20-30 gr bitarte daude.
  • 100 gr irin 5 koilarakada dira.
  • kg 1 ogi 3 ogi handi dira.

…

Akaso!

Txiklea ere errezeta batean jarri daiteke antza…

Ilar holandar purea

gogokoa
2019-08-24

Patata kroketak

Patata kroketak – 

Sukalde belgiar eta alemaniarrean oso ohiko eta ezaguna den Patata kroketa RZ gaurkoan. Erraza ta denak txundituta uzteko primerakoa, parranda osterako ezin aproposagoa badakizu, ama eta izeba bisitan datozenerako, ligatzeko… Segi gozo, segi fin eta on egin! 🙂

…

Osagaiak

  • 110 g gurin
  • 110 g irin
  • litro erdia esne
  • litro erdia esnegain
  • kilo erdia patata-mami uretan gatzarekin egosia

…

Patata kroketakErrezeta

  1. Lehenik ohiko bexamel bat egingo dugu, irina gurinarekin maneatuz. Irakiten utziko ditugu esnea eta gaina, eta irin eta gurinaren gainean isuriko ditugu ondoren. Saltsa maneatuz segituko dugu, su eztian betiere, ongi egosi arte. Gatza emango diogu gero.
  2. Patata mamia xehatuko dugu ondoren, puregailu batetik iragazita, eta bexamelean erantsiko dugu. Nahastura hoztu aurretik, gurina erantsiko diogu, dadotan moztua.
  3. Irabiagailu batez xehatuko dugu guztia, ore fina lortu arte. Hozten utziko dugu guztia. Ore trinko xamarra aterako zaigu eta erraz asko maneatu ahal izango dugu, nahi bezalako forma emanez.
  4. Bolatxoak egin ondoren, esku-azpiaz luzatuko ditugu kroketak eta ikusgarri geratuko zaizkigu platerean.

…

Kasu!

Irinetan erabili gabe ogiztatuko ditugu, hau da, arrautzatan eta ogi birrinetan paseaz. Oso garrantzitsua da, frijitu aurretik, hozkailuan hainbat ordutan egon daitezen, lehertu egingo baitira bestela.

…

Akaso!

Eñaut Elezgarai (9 urte) eta Ixone Lizardi (9 urte) mutrikuarrak ‘Fundamentu pixkat’ saioan, kroketak nola egiten diren ikasi eta irakasteko…

Patata kroketak

gogokoa
2019-06-15

Arrautza gabeko 3 pastel

Arrautza gabeko 3 pastel –Amonaren errezetak 

Gure eskuetara iritsi diren orri zahar koipetsu batzuetatik Amonaren errezetak berreskuratu ditugu eta hemen dakarzkizugu, edonorena izan litekeen amonaren jakintza, eskua, maitasun eta goxotasunaz ..

 

Tentazioan erortzeko bideak irekiz, postre RZk indartuz Amonaren errezetatan aurkitutakoa dakarkizugu oraingoan, gozo eta maitasunez beterik datorren amonaren arrautza gabeko pastela RZk, hiru bertsiotan gainera, erraz eta denak txundituta uzteko primerakoak, beganoentzat ere bai, ama eta izeba bisitan datozenerako, ligatzeko… Segi gozo, segi fin eta on egin! 🙂

 

ARRAUTZA GABEKO 3 PASTELARRAUTZA GABEKO PASTELA I

Lehenik nahastu beharrekoa:

  • 2 irin taza
  • Bikarbonato goilarakada bat
  • Azukrea (taza baten ¾)
  • Olio begetala (taza erdi)

Gehitu:

  • Paxak, platanoa, txikitutako intxaurrak…

Labean mantendu ordubetez, 160 graduko tenperaturarekin.

ARRAUTZA GABEKO PASTELA II

  • Irina, taza bat eta erdi
  • 50 gr. Olo
  • Paxak 100 gr.
  • 100 ml. esne (oloe, arroza, soja…)
  • Limoi birrindura

Labean mantendu 25-30 minutuz, 160 graduko tenperaturan.

ARRAUTZA GABEKO PASTELA III

  • Irin integrala, 6 goilarakada
  • Oloe irin fina, 6 goilarakada
  • Esnea, 450 ml.

 

Kasu!

Fruitu lehorrak jarri, paxak, aranak, mertxika sikatuak… Pasa itzazu irinetatik nahastu aurretik.

Amamaren etxeko neurriak

  • Kafe koilarakada bat 5 gr.
  • Postre koilarakada bat 10 gr.
  • Zopa-ontzi koilarakada 15 gr.
  • Kafe kikara bat 100 gr.
  • Katilukada bat, 250 gr.
  • 20 gr gurin, pospolo kaxa baten baliokidea da.
  • 100 gr gazta, tabako kaxatxo baten baliokidea da.
  • Tomate estandar batek 100 gr. inguru pisatzen ditu.
  • Tamaina estandarreko 4 patatak 500 gr. inguru pisatzen dute.
  • Laranja estandar batek 200 gr pisatzen ditu.
  • Behatz loditik hatz erakusleraino iristen den azenario batek 50 gr. inguru dauzka.
  • Lekale eskukada batean 20-30 gr bitarte daude.
  • 100 gr irin 5 koilarakada dira.
  • kg 1 ogi 3 ogi handi dira.

 

Akaso!

Urruneko amonaren arrautza gabeko pastelaren errezeta hemen … 🙂

Euskal pastela, gure gozorik ospetsuena…

Zuloa egin eta donuts-a…

Erroskilak

ARRAUTZA GABEKO 3 PASTEL

gogokoa
2019-05-11

Amonaren Tiramisua

TIRAMISUA –Amonaren errezetak 

Gure eskuetara iritsi diren orri zahar koipetsu batzuetatik Amonaren errezetak berreskuratu ditugu eta hemen dakarzkizugu, edonorena izan litekeen amonaren jakintza, eskua, maitasun eta goxotasunaz ..

 

Gaurkoan gozo eta postreen artean gure gustokoenetakoa akaso, gure eskuetara iritsi diren orri zahar koipetsu batzuetatik Amonaren errezetak berreskuratu eta hemen, denak txundituta uzteko, aproposa ama eta izeba bisitan datozenerako, ligatzen laguntzeko, parranda osterako ere bai… Izan gozo, gozatu eta on egin! 🙂

 

Osagaiak

…

Amonaren TiramisuaErrezeta

  1. Arrautz-gorringoak ondo irabiatu azukrearen erdiarekin, beren bolumena bikoiztu arte.
  2. Pixkanaka maskapone gaztarekin nahastu.
  3. Zuringoak irabiatu azukrearen beste erdiarekin, eta dena suabe nahastu.
  4. Bizkotxoak kafearekin busti eta ontziaren hondoan jarri, eta kremaren zati batekin estali (nahi izanez gero txokolate beltz zatiak jar daitezke). Berriro beste bizkotxo kapa bat jarri gainetik, baita krema ere. Gaina kakao hautsarekin estali.
  5. Hozkailuan sartu ordu batzuetan.

…

Kasu! 

Gomendagarria da bezperan prestatzea.

 

Amamaren etxeko neurriak

  • Kafe koilarakada bat 5 gr.
  • Postre koilarakada bat 10 gr.
  • Zopa-ontzi koilarakada 15 gr.
  • Kafe kikara bat 100 gr.
  • Katilukada bat, 250 gr.
  • 20 gr gurin, pospolo kaxa baten baliokidea da.
  • 100 gr gazta, tabako kaxatxo baten baliokidea da.
  • Tomate estandar batek 100 gr. inguru pisatzen ditu.
  • Tamaina estandarreko 4 patatak 500 gr. inguru pisatzen dute.
  • Laranja estandar batek 200 gr pisatzen ditu.
  • Behatz loditik hatz erakusleraino iristen den azenario batek 50 gr. inguru dauzka.
  • Lekale eskukada batean 20-30 gr bitarte daude.
  • 100 gr irin 5 koilarakada dira.
  • kg 1 ogi 3 ogi handi dira.

…

Akaso!

Tiramisua

Amonaren Tiramisua

gogokoa
2019-02-15

Sagar RZk

Sagar RZk – 

Postre RZ sailtxoarekin berezi bukatzeko, gaurkoan gurean Sagar RZ bildumatxo klasiko bat behar dena dakarkizugu. Sagar erreak RZ, Konpota RZ, Menbriloa RZ eta Sagar Tarta RZ. Sagardoaz gainera, gurean aspaldidanik dirauten sagarraz egindako RZ erraz eta goxoak. Denak txundituta uzteko primerako RZk, ama eta izeba bisitan datozenerako, ligatzeko… Segi gozo, segi fin, gozatu sagarra eta on egin! 🙂

…

SAGAR ERREAK

Sagar erreak labean egiten dira. Garai batean, askotan,  labearen berotasuna aprobetxatzeagatik ere egin ohi ziren. Horretarako beharrezko izango duzu fuente bat. Bertan, ur pixka bat bota eta jar ezazu nahi adina sagar; hori bai, Errezil sagarra bada, askoz hobe. Labean sartu, eta ordu erditxo batean, su handirik ere ez dela, gertu izango dira.

http://pagotxa.eus/errezeta/sagar-erreak/

 

KONPOTA

Konpota gaur egun era askotara eta hainbat osagai erabiliz egiten da. Hala ere, garai batean herriotan Errezil sagarrari ez zitzaion aparteko osagairik gehitzen. Hona hemen sagarra konpotan jateko modu bat.

Osagaiak:

  • 1 kg Errezil sagar
  • bi edo hiru (gustuaren arabera) koilarakada azukre.
  • Kanela zati bat.

Zuritu itzazu sagarrak eta egin lau puskatan. Ondoren, bota azukrea eta kanela,  eta egosten jarri. Hogei minutu, edo ordu erditxo batean eginda izango duzu. Konpota hotzean zein berotan gozoa izan ohi da.

Hiru osagai horiek nahikoa dituzu konpota egiteko. Hala ere, zenbaitek haran pasak, mahats pasak edota piku lehorrak ere botatzen dizkio. Beste askok ardoa ere gehitzen diote.

http://pagotxa.eus/errezeta/gabon-konpota/

 

MENBRILOA

Bi menbrilo mota egin litezke sagarrekin. Batetik, heldutako sagarrekin egiten dena. Sagar horiek azukre asko izaten dute, eta menbriloa ordu betean, edo ordu eta erdian eginda izan liteke. Horrela egindako menbriloa askoz ere argiagoa da bestela egindakoa baino. Bestela, sagarrak heldu aurretik hartu behar dira, uztaila edo abuztua aldera. Garai horretan sagarrak makatzak izaten dira eta hori da komeni dena. Menbriloa horrela eginez gero, egosten denbora gehiago izan beharko duzu, hiru, lau edota sei ordu ere bai. Menbrilo hori askoz ere ilunagoa izan ohi da.

Osagaiak:

  • Sei kilo Errezil sagar.
  • Bost kilo azukre (gutxiagorekin ere egin liteke, zeuk ikusi)

Beraz, menbriloa egiteko zuritu sagarrak, azukrea bota eta egosten utzi. Ondoren pasa-pure batekin xehatu, eta moldeetan hozten utzi.

 

SAGAR TARTA

Askotan ikusi ditugu gozo-dendetan sagar tarta ikusgarriak, baina atal honetan azaltzen denak ez du ohiko itxura hori; bestela egiten da:

Osagaiak:

  • 100 g gurina
  • 3 arrautza
  • Legamia (sobre erdiarekin nahikoa)
  • 10 koilarakada azukre
  • 10 koilarakada irin
  • 10 koilarakada esnegain
  • 1/2 kg Errezil sagar
  • 3 sagar (gainean jartzeko)
  • marmelada

Lehenik eta behin, har itzazu sagarrak eta ken iezaiezu murtxikina.  Hala nahi duenak azala ken diezaieke sagarrei, baina azal eta guzti egiten duenik ere bada. Sagarrak gertu direnean, jarri egosten ur pittin batekin. Egositakoan , pasa-purearekin xehatu itzazu, eta hozten utzi.

Irabia itzazu arrautzak azukrearekin eta nahastu iezaiezu irina, gurina, legamia, esnegaina eta jada hoztutako sagar-purea. Ore moduko hori prest duzunean, gerta ezazu laberako ontzia, horretarako gurinarekin eta irinarekin pixka bat igurtziz. Orea ontzira bota , eta jar iezazkiozu gainean, apaingarri gisa, sagar-xerra batzuk bueltan; sar ezazu labera eta han ordu betez egon dadila 180C-tan. Amaitzeko marmelada apur bat gainaldean eta prest izango duzu.

Sagar tarta

Sagar RZk

Sagar errezetak

gogokoa
2019-01-21

Txokolate trufak

Txokolate trufak – 

Postre RZ sailtxoa bukatzen darraigu eta gaur Txokolate trufak RZ delikatessenena dakarkizugu.  RZ erraza eta denak txundituta uzteko primerakoa, ama eta izeba bisitan datozenerako, ligatzeko, parranda osterako… Segi gozo, segi fin eta on egin! 🙂

…

TXOKOLATE TRUFAK

…

Osagaiak 4 lagunentzat

  • 300 g txokolate beltz, kalitate onekoa
  • 200 g txokolate esnedun
  • 200 g esnegain likido
  • Kakao hautsa, trufak hartan pasatzeko

 

Txokolate trufakErrezeta

  1. Esnegaina irakiten jarriko dugu ontzi batean lehenik. Irakiten hasi orduko, aterako dugu sutatik. Txokolate puskak azkar-azkar sartuko ditugu hartan, txokolate beltza eta esneduna, eta pausatzen utziko dugu minutu batzuetan, txokolatea urtu arte.
  2. Orduan sartuko dugu gomazko espatula edo zurezko zali bat eta hasiko gara eragiten, txokolatezko ore leun eta homogeneoa lortu arte eragin ere.
  3. Ontzi berean utz dezakegu orea hozten hozkailuan, ongi estalita, ordu batzuetan, txokolatea gogor dadin.
  4. Horren ostean, trufa zatitxoak egingo ditugu, kafeko koilara baten laguntzaz. Trufa zatiei forma eman eta kakao-hautsean, kakaoa garratza bada hobe, pasako ditugu gero.
  5. Pausatzen utzi eta jango ditugu.
Txokolate trufak

Kasu!

“Trufa” tradizionala Belgikan sortu zen, eta duen izena trufa izeneko onddoagatik (Tuber melanosporum) eman zitzaion. Tuber melanosporum, the black truffle, Périgord truffle or French black truffle.

Kontuz zenbat trufa jaten dituzun astakilo hori…

…

Akaso!

Beste postre edo zoparik nahi badek hintzak hik …

 

Txokolate trufak
gogokoa
2019-01-09

Torrada karamelizatuak

TORRADA KARAMELIZATUAK – 

Postre RZ sailtxoarekin darraigu urte hasera honetan, Iker Martinezen estilora aurretik ezagutzen dugun errezeta bat dakarkizugu gaurkoan, Torrada karamelizatuak RZ. Erraza eta denak txundituta uzteko primerako eta aspaldiko RZ, aproposa ama eta izeba bisitan datozenerako, ligatzeko ere bai… Segi gozo, segi fin eta on egin! 🙂

…

TORRADA KARAMELIZATUAK

…

TORRADA KARAMELIZATUAKOsagaiak 4 lagunentzat

• Baserriko ogia
• Banilla pusketa bat
• Litro bat baserriko esne
• 2 arrautza
• 200 g azukre
• Oliba olioa

Karamelatzeko:
• 2 koilarakada azukre

…

Errezeta

  1. Esnea ontzi batean berotzen jarri, azukrearekin eta banilla pusketerakin. Irakiten duenean, bost minutuz epeltzen utzi.
  2. Baserriko ogia lau xerra potolotan moztu eta erretilu batean jarri. Aurrez irakindako esnea bertara botako dugu, ogiak ondo bustiz.
  3. Zartagin batean, olioa berotzen jarriko dugu, su ertainean. Bitartean, bi arrautzak plater batean ondo irabiatuko ditugu. Orain, ogi xerrak banan-banan arrautzetatik pasa eta zartaginera botako ditugu; banan-banan frijituko ditugu. Bi aldeak frijitu ostean, erretilu batera atera. Torrada bakoitzari azukre pitin bat gainetik bota, eta sukaldeko soplete baten bidez erre, horrela torradak karamelu kurruskatsuz estalita geldituko zaizkigu. Sopleterik eduki ezean, ez larritu,  horrelaxe ere ederrak gelditzen dira eta!

…

Euskal Sukaldaritza praktikoaKasu!

…sukaldeko soplete baten bidez erre, horrela torradak karamelu kurruskatsuz estalita geldituko zaizkigu. Sopleterik eduki ezean, ez larritu,  horrelaxe ere ederrak gelditzen dira…

Iker Markinezen «Euskal sukaldaritza praktikoa» liburuko RZ . 

…

Akaso!

Beste postrerik nahi badek hintzak hik … Argiñano eta Berasategiren RZ berezia: Merendola!

Etxeko torrada edo torrijak

Maitane Segurolaren TORRADAK bideo RZ:

Torrada karamelizatuak

gogokoa
2019-01-03

Krepeak sagarrez beteak

KREPEAK SAGARREZ BETEAK – 

Postre RZ sailtxo motz batekin bukatuko genuela urtea esan genuen, baita urtea hasi ere. Hain geurea den beste sagar RZ bat dakarkizugu gaurkoan Iker Martinezen eskutik, Krepeak sagarrez beteak RZ. RZ erraza eta denak txundituta uzteko primerakoa, ama eta izeba bisitan datozenerako, ligatzeko ere bai agian… Segi gozo, segi fin eta on egin! 🙂

…

KREPEAK SAGARREZ BETEAK

…

Krepeak sagarrez beteakOsagaiak 4 lagunentzat

  • 6 arrautza
  • 200 g irina
  • 75 g gurina
  • 50 g azukrea
  • Litro erdi esne
  • 2 golden sagar

Karamelizatzeko:

  • Azukrea (4 koil.)
  • Gurina (1 koil.)

…

Errezeta

  1. Lehenik, ontzi batean ondorengo osagaiak nahastuko ditugu: arrautzak osorik, azukrea eta irina, dena ongi irabiatuz. Ondoren, esnea gehitu eta nahastu. Tamaina ertaineko zartagin batera 75 gramo gurin bota, eta urtzean aurreko ontzira nahastu.
  2. Ondoren, zartagin bera berotzen jarri, eta beroa dagoenean bertara kazokada bat krep masa bota, eta zartagia alde batetik bestera suabe-suabe mugituz, masa zartagin guztian zabaldu. Segundo batzuen ondoren, buelta eman, eta segidan plater batera atera. Gainontzeko masarekin gauza bera egin.
  3. Orain, krepeak betetzeko sagarrak prestatuko ditugu. Horretarako, sagarrak zuritu, bihotza kendu eta lauki txikitan ebaki. Zartagin bat berotzen jarri, eta koilarakada bat gurin bota, eta segidan sagar puxketak gehitu. Hiru minutu pasatu ondoren, lau koilarakada azukre gehitu, sua edo beroa bizitu, eta beste 3 edo 4 minutuz eduki bertan. Sagar zatiak karamelizatu arte eduki sutan. Ondoren, sutatik erretiratu.
  4. Krepeak betetzeko, sartu koilarakada sagar karamelizatu krep bakoitzaren erdian eta tolestu.

…

Kasu!

Marrubi garaian, marrubiak erabil daitezke saltsa goxo bat egin eta krepeak gainetik bustitzeko.

Iker Markinezek «Euskal sukaldaritza praktikoa» bere liburuko beste RZ goxo eta erraz bat,

…

Akaso!

Beste postrerik nahi duzu? Nevaditos Nocillakin RZ nahi badek hintzak hik …

Postre RZ sailtxo motz batekin bukatuko genuela urtea esan genuen, baita hasi ere. Hain geurea den beste sagar RZ bat dakarkizugu gaurkoan Iker Martinezen eskutik, Krepeak sagarrez beteak RZ. RZ erraza eta denak txundituta uzteko primerakoa, ama eta izeba bisitan datozenerako, ligatzeko ere bai agian… Segi gozo, segi fin eta on egin!
gogokoa
2018-12-10

Anana errea

Anana errea –  

Postre RZ sailtxo motz batez bukatuko dugu urtea, eta hasteko gaurkoan gozo eta exotikoa den Anana errea RZ dakarkizugu. RZ erraza, denak txundituta uzteko primerakoa, ama eta izeba bisitan datozenerako, ligatzeko… Segi gozo, segi fin eta on egin! 🙂

 …

ANANA ERREA

….

Osagaiak 4 lagunentzat

  • Anana bat
  • Azukrea lau goilarakada
  • Gurina lau goilaratxo
  • Esnegaina 100 zl

…

Anana erreaErrezeta

  1. Anana lau trontzatan moztu; ez daitezela finegiak izan. Trontza bakoitzari azala kendu, eta erdian duen zati gogorra aizto baten laguntzaz txukun-txukun kendu.
  2. Zaratagin bat sutan berotzen jarri; bertara goilaratxo txiki bat gurin gehitu, eta, gurina urtzen hastean, anana zatiak zartaginera gehitu, goilarakada bat azukrerekin batera. Gurina eta azukrea erretzean, anana karamelizatuko da; orduan, ananari buelta eman eta beste aldetik ere minutu eskas batez gorritu. Pauso bera jarraitu gainontzeko hiru anana zatiekin, aldika gurina eta azukrea gehituz.
  3. Anana guztiak gorrituta ditugunean, gorde. Erabili dugun zartagin berera esnegaina bota, eta su bizian pare bat minutu irakiten eduki. Horrela karamelo saltsa bat izango dugu.
  4. Ananak zerbitzatzeko, gainetik karamelo saltsa hau botatzea besterik ez zaigu falta.

…

Kasu!

Xuban Intxaustik gidatzen zuen ETBko “Txoriene” saioan Ikerrek ANANA ERREA RZ egin zuenekoa…

…

Akaso!

…

Beste postre edo txirrisklasik nahi badek hintzak hik …

Anana errea

gogokoa
2018-10-15

Zapo, kuia txiki eta txanpiñoi brotxetak

Zapo, kuia txiki eta txanpiñoi brotxetak – 

Gaurkoan arrainak RZ sailtxoa bukatzeko Zapo, kuia txiki eta txanpiñoi brotxetak RZ polit hau dakarkizugu. Iker Markinezen «Euskal sukaldaritza praktikoa» bere liburuko beste RZ goxo eta erraz bat. RZ polita eta jolaserako aproposa, denak txundituta uzteko primerakoa, lagunekin gozatzeko, ama eta izeba bisitan datozenerako, ligatzeko… Segi gozo, segi fin eta on egin! 🙂

…

ZAPO, KUIA TXIKI ETA TXANPIÑOI BROTXETAK

…

ZAPO, KUIA TXIKI ETA TXANPIÑOI BROTXETAKOsagaiak 4 pertsonentzako:

  • Itsas zapo bat
  • Kuia txiki bat
  • 200 g txanpiñoi
  • Hiru baratxuri ale
  • Cherri motako zortzi tomate
  • Gatza
  • Oliba olioa
  • Ozpina
  • Perrexila
  • Brotxetak egiteko lau makil

 

Errezeta

  1. Lehenik, zapoa garbitu, eta hezurra kenduko diogu. Behin hori eginda, lau zatitan banatu dugu; eta, gero, zati bakoitza beste lau zatitan moztuko dugu.
  2. Kuia txikia ere lau zatitan banatu, eta, ondoren, zapoaren tamaina beretsuko hainbat zatitan moztu.
  3. Txanpiñoi bakoitza erditik edo hiru zatitan moztu, tamainaren arabera. Jarraian, frijitu aurretik, brotxeta guztiak osatuko ditugu, ondoren azalduko den moduan.
    • Lehenik, txanpiñoia jarri; ondoren, zapoa; eta, gero, kuia txikia.
    • Horrela hiru aldiz egin makil bakoitzean.
  4. Tomateak garbitu, eta erditik moztu. Zartagin batean oliba olio zurrusta bat bota, eta gehitu baratxuri aleak. Gorritzean, tomateak gehitu, frijitu eta ontzi batera atera. Ontzira, ozpin pixka bat, gatza eta oliba olio zurrusta bat bota, baita perrexil xehatua ere.
  5. Brotxetak frijitzeko, zartagin zabal bat edo plantxa erabiliko dugu. Garrantzitsuena ondo-ondo berotzea da. Beraz, oso beroa dagoenean, brotxetak jarri, gatza eta olio zurrusta gehitu, eta hiru bat minutuz eduki alde bakoitzetik. Ondoren, erretilu batera atera, eta tomate oliozpinez ongi busti.

…

Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa»Kasu!

Garrantzitsuena zartagina ondo-ondo berotzea da. Beraz, oso beroa dagoenean, brotxetak jarri, gatza eta olio zurrusta gehitu, eta hiru bat minutuz eduki alde bakoitzetik.

Iker Markinez ormaiztegin KUKO Jatetxeko sukaldaria… 

Iker Martinez kuko jatetxea

…

Akaso!

Aspaldiko partez urruneko amama eta aitxitxari bixita….  Arrain erre RZ goxoenaren prestakuntzaren bideoa.

eta postrerik nahi badek, intzak hik… Argiñano eta Berasategiren superRZk!

Zapo, kuia txiki eta txanpiñoi brotxetak RZ 

Zapo, kuia txiki eta txanpiñoi  RZ pagotxa RZk  Iker Markinezen «Euskal sukaldaritza praktikoa» bere liburuko beste RZ goxo eta erraz bat. 
gogokoa
2018-10-08

Legatz kokotxak pil-pil erara

Legatz kokotxak pil-pil erara – 

Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa»Gaurkoan arrainak RZ sailtxoa jarraituz Legatz kokotxak pil-pil erara RZ top horietakoa dakarkizugu. Iker Markinezen «Euskal sukaldaritza praktikoa» bere liburuko beste RZ goxo eta erraz bat. RZrarik bada, RZ hau da denak txundituta uzteko primerako top horietakoa, lagunekin gozatzeko, ama eta izeba bisitan datozenerako, ligatzeko…

Segi gozo, segi fin eta on egin! 🙂

…

LEGATZ KOKOTXAK PIL-PIL ERARA

…

Legatz kokotxak pil-pil eraraLegatz kokotxak pil-pil eraraOsagaiak 4 pertsonentzako:

  • Legatz kokotxa freskoak, 1 kg
  • Baratxuria, 3 ale
  • Oliba olioa
  • Gatza

…

Errezeta

  1. Lapiko zabal batean oliba olio txorrotada bat bota, lapikoaren azalera osoa ondo estaliz. Baratxuri aleak txiki-txiki xehetu eta lapikora bota. Lapikoa su motelean jarri, eta baratxuria bota. Kokotxa guztiak gatzatu, eta baratxuria dantzan hasten denean kokotxak banan bana lapikoan jarri kontu pixka batekin, baina betiere azala gora begira dutela. Sua ahalik eta motelena jarri, eta lau bat minutuz kokotxak erregosi eta ondoren, lapikoa sutik kendu.
  2. Pil-pila prestatzeko, pazientzia da osagai nagusia. Izan ere, lapikoa mugitzen hasi aurretik hamabost bat minutuz utzi behar dugu. Tarte hori beharrezkoa da olioa tenperaturarik egokienera irits dadin. Tenperatura horrek lagundu egiten du kokotxek barruan duten gelatina askatzen, eta gelatina horrek erraztuko digu pil-pil on bat egiten.
  3. Beraz, denbora hori pasatu ostean, lapikoaren bi kirtenak heldu, eta poliki-poliki lapikoa mugimendu borobilak eginez mugituko dugu. Segituan ohartuko gara, pil-pil saltsa loditzen ari dela. Pil-pila lortzean eta zerbitzatu aurretik, berriro su motelean berotu lapikoa. Kontuan hartu plater horrek ez duela perrexilik behar.

…

Kasu!

Lapikoa mugitzen hasi aurretik hamabost bat minutuz utzi behar dugu. Tarte hori beharrezkoa da olioa tenperaturarik egokienera irits dadin.

Iker Markinez ormaiztegin KUKO Jatetxeko sukaldaria… 

Iker Martinez kuko jatetxea

…

Akaso!

Orduan Eibarko Chalcha jatetxean zen Joseba Bergara kokotxak saltsa berdean RZ prestatzen ETBko “Txoriene” saioan 2013an …

Legatz kokotxak pil-pil erara

gogokoa
2018-10-02

Berdela labean piperradarekin

BERDELA LABEAN PIPERRADAREKIN – 

Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa»Gaurkoan arrainak RZ sailtxoa jarraituz berdela labean piperradarekin RZ dakarkizugu. Iker Markinezen «Euskal sukaldaritza praktikoa» bere liburuko beste RZ goxo eta erraz bat. Denak txundituta uzteko primerakoa, ama eta izeba bisitan datozenerako, ligatzeko…

Segi gozo, segi fin eta on egin! 🙂

…

BERDELA LABEAN PIPERRADAREKIN

…

BERDELA LABEAN PIPERRADAREKINOsagaiak 4 pertsonentzako:

  • Lau berdel
  • Piper gorri morroia
  • Piper berdea
  • Tipula gorri bat
  • Lau baratxuri ale
  • Arrain salda
  • Gatza
  • Oliba olioa
  • Ozpina

…

Errezeta

  1. Lehenik, piperrada prestatzen hasiko gara. Horretarako, piper gorri eta berdeak eta tipula juliana moduan moztu, eta 30 minutuz lapiko batean erregosi, olio zurrutada eta gatz pittin batekin, su motelean. Ez estali lapikoa taparekin; horrela lurrina kanporatu egingo da, eta horrek barazkiei zapore eta kolore biziagoak mantentzen lagunduko die.
  2. Bitartean, berdela xerratan prestatu. Ahal bada behintzat, arrainaren erdiko hezur txiki gehienak pazientzia pixka batekin kendu. Jateko garaian eskertuko dugu hori.
  3. Labeko erretilu batean pare bat koilarakada arrain salda ipini, eta saldaren gainean, azala goraka dutela, berdel xerra guztiak, bata bestearen segidan. Gatz pittin bat bota. 200 ºC-tan berotutako labean sartu, eta lau minutuz eduki. Berehala egiten da. Lau minutu pasatu, eta segituan labetik atera. Ozpin zurrutada txiki bat bota arrain xerren gainetik.
  4. Zartagin txiki batean, baratxuri xerratuak frijitu oliotan, eta dena berdelak ditugun erretilura bota.
  5. Mahaira zerbitzatzeko, plater bakoitzean, piperrada koilarakada jarri erdian, gainean berdel xerra pare bat, eta azkenik erretiluan dugun saltsaz platerekoa busti.

…

Kasu!

Iker Markinez ormaiztegin KUKO Jatetxeko sukaldaria… 

Iker Martinez kuko jatetxea

…

Akaso!

Xuban Intxaustik gidatzen zuen ETBko “Txoriene” saioan Ikerrek  ALMEJAK TXAKOLI ERARA RZ egin zuenekoa…

BERDELA LABEAN PIPERRADAREKIN

Piperrada

gogokoa
2018-09-24

Begihandiak tintan (Txibiak tintan)

Begihandiak tintan (Txibiak tintan) – 

Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa»Gaurkoan arrainak RZ sailtxoa hasiko dugu eta begihandiak tintan RZ dakarkizugu hasteko. Iker Markinezen «Euskal sukaldaritza praktikoa» bere liburuko beste RZ goxo eta erraz bat. Denak txundituta uzteko primerakoa, ama eta izeba bisitan datozenerako, ligatzeko…

Segi gozo, segi fin eta on egin! 🙂

…

BEGIHANDIAK TINTAN (txibiak tintan)

…

BEGIHANDIAK TINTAN (txibiak tintan)Osagaiak 6 pertsonentzako:

  • 2 kilo begihandi
  • Begihandien tinta
  • Etxeko tomate saltsa kazokada bat
  • 3 baratxuri ale
  • 3 tipula eder
  • 2 piper berde
  • Ardo zuria, basokada bat
  • Gatza
  • Oliba olio birjina
  • Ura

 

Errezeta

  1. Errezetarekin hasteko, tipulak eta piper berdeak moztu, eta lapiko handi bat sutan berotzen jarriko dugu.
  2. Jarraian, olio zorrotada bat bota lapikora, eta moztutako tipula eta piperrak gehitu, baita baratxuri aleak ere, oraingo honetan osorik. Hogei bat minutuz su ertainean erregosi, eta, ondoren, ardo zuria gehitu eta minutu pare batez gehiago sutan eduki. Ondoren, etxeko tomate saltsa bota, pare bat ur litro, begihandien tinta eta gatz pitin bat ere bai. Beste ordu laurden batez irakin. Segidan, saltsa pasatu egingo dugu, txano eta turmisa erabiliz.
  3. Beste lapiko handi batera olio zorrotada bat bota, eta, ondo beroa dagoenean, begihandiak laukitxotan moztuta bota. Gatz pitin batez hornitu eta bost bat minutuz frijitu.
  4. Ondoren, saltsa beltza gehitu, ur pixka batekin batera, eta ordu betez eduki su motelean irakiten, begihandia bigundu eta saltsa loditu dadin.
  5. Ondoren, prest daukagu jaki gozagarri hori dastatzeko.

…

Kasu!

Kontutan hartu saltsa zein tankera hartzen ari den. Hau da, saltsa lodi xamarra sumatzen badugu, ur pixka bat gehiago gehitu. Aldiz, saltsa mehea badago, su bizian denbora luzexeagoz eduki saltsa loditu dadin.

…

Akaso!

Txibi erraldoia Zelanda Berrian? Fake ala egia…

sashimi RZ egiteko mozketa bideoa…

Begihandia garbitzeko lehiaketa ETBn duela urte batzuk…

…
Txipiroiak: Itsaso sakonetako deabruak – Itsaso sakonetako hiltzaileak    National Geographic

Squid: The Deep Sea Devils | Deep Sea Killers    National Geographic

Begihandiak tintan (Txibiak tintan)
gogokoa
2018-09-18

Tagliatelleak otarrainxka eta txirlekin

Tagliatelleak otarrainxka eta txirlekin – 

Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa»Gaurkoan pastak eta arrozak sailtxoa amaituz, Tagliatelleak otarrainxka eta txirlekin RZ dakarkizugu. Iker Markinezen «Euskal sukaldaritza praktikoa» bere liburuko beste RZ goxo eta erraz bat. Denak txundituta uzteko primerakoa, ama eta izeba bisitan datozenerako, ligatzeko…

Segi gozo, segi fin eta on egin! 🙂

…

TAGLIATELLEAK OTARRAINXKA ETA TXIRLEKIN

…

Tagliatelleak otarrainxka eta txirlekinOsagaiak 4 pertsonentzako:

  • 400 g tagliatelle
  • Zortzi otarrainxka
  • Ziazerba sorta bat
  • Bi dozena txirla
  • Bi baratxuri ale
  • Oliba olio birjina
  • Kopa bat ardo zuri
  • Esne gain basokada bat
  • Gatza

…

Errezeta

  1. Lehenik, otarrainxkak zuritu, eta zartagin batean, oliba olio zorrotada bat gehitu eta otarrainxken azalak bota. Pare bat minutuz frijitu ondoren, ardo zuria gehitu, eta, ondoren, ur pitin bat.
  2. Guztia bost minutuz su bizian irakin, eta irabiagailuaren laguntzaz irabiatu. Salda gerorako gordeko dugu.
  3. Lapiko bat urez bete eta sutan jarri berotzen, gatz eta oliba olio pixka batekin. Irakitean, tagliatelleak gehitu eta bost bat minutuz irakiten eduki. Pasta al dente dagoenean, lapikoa sutik kendu, ur hotzean pasatu eta, ur soberakina ongi kendu ondoren, erretilu batean gorde.
  4. Zartagin zabal batean oliba olio zorrotada bat jarri, eta, berotzen hastean, bi baratxuri aleak, aurrez zuritu eta txikituak, dantzan ipini. Kolore pixka bat hartzen dutenean, otarrainxkak gehitu, zati txikietan moztuak.  Jarraian, txirlak eta ziazerba ere gehitu.
  5. Ondoren, gorderik daukagun salda guztia gehitu, eta, irakiten hastean, esne gain basokada ere bai. Bost minutuz irakiten eduki, eta tagliatelleak gehitu. Ongi nahastu, eta, beroa dagoenean, jateko prest daukagunez, plateretara zerbitzatzea besterik ez da gelditzen.

…

Kasu!

Iker Markinez ormaiztegin KUKO Jatetxeko sukaldaria… 

Iker Martinez kuko jatetxea

…

Akaso!

Xuban Intxaustik gidatzen zuen ETBko “Txoriene” saioan Ikerrek ESPAGETIAK BARRENGORRI ETA TOMATEAREKIN RZ egin zuenekoa…

…

Fetuccini pasta RZk 4 eratan:

Tagliatelleak otarrainxka eta txirlekin
gogokoa
2018-09-10

Itsas paella

Itsas paella – 

Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa»Gaurkoan pastak eta arrozak sailtxoa jarraituz, itsas paella RZ dakarkizugu. Iker Markinezen «Euskal sukaldaritza praktikoa» bere liburuko beste RZ goxo eta erraz bat. Denak txundituta uzteko primerakoa, ama eta izeba bisitan datozenerako, ligatzeko ere bai…  Segi gozo, fin eta on egin! 🙂

…

ITSAS PAELLA

…

Itsas paellaOsagaiak 4 pertsonentzako:

…

Errezeta

  1. Lehenik, arrain salda egiten hasiko gara. Horretarako, itsas zapoa banatu, haragi eta eskeletoan. Eskeletoa hartu, eta urez beteriko lapiko batean sartu. Porru bat ere gehitu, eta sutan berotzen jarri. 30 minutuz irakiten eduki.
  2. Bitartean, tomatea eta baratxuri aleak pusketa txikietan moztu. Ondoren, txipiroiak garbitu; horiek karratu txikietan moztu. Zapoa ere karratuetan moztu.
  3. Paella ontzi zabal bat hartu, eta sutan ipini, olio zorrotada batekin. Beroa dagoenean, otarrainxkak gehitu (osorik) eta minutu batez erregosi ondoren, plater batera atera eta gorde.
  4. Baratxuriak gehitu, eta txipiroi puskak ere bai. Bi minutu pasatu ondoren, tomatea gehitu, eta azafrana bertara bota. Beste minutu pare batez eduki sutan, eta gero arroza bota. Guztia ongi nahasi, eta arrozaren kantitatearen bikoitza egin dugun arrain salda gehitu. Gatza bota, eta irakiten jarri su ertainean, 10 minutuz.
  5. Ondoren, itsas zapoa gazitu, eta paellan ongi sakabanatua gehitu; bost minutu geroago, txirlak eta muskuiluak. Beste bost minutu eduki, eta sua itzali. Utzi geldirik, arroza gozatu dadin. Ondoren mahaira eraman.

…

Kasu!

Iker Markinez ormaiztegin KUKO Jatetxeko sukaldaria… 

Iker Martinez kuko jatetxea

…

Akaso!

Xuban Intxaustik gidatzen zuen ETBko “Txoriene” saioan Ikerrek ARROZEZKO ODOLKI BUÑUELOAK GERNIKAKO PIPERREKIN RZ egin zuenekoa…

Itsas paella 

gogokoa
2018-09-05

Fideua barazki eta muskuiluekin

Fideua barazki eta muskuiluekin – 

Gaurkoan pastak eta arrozak sailtxo bat hasiko dugu, Fideua barazki eta muskuiluekin RZrekin hasiz. Iker Markinezen «Euskal sukaldaritza praktikoa» bere liburuko beste RZ goxo eta erraz bat, guk zail_xamarrak kategorian sartu duguna.Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa» Denak txundituta uzteko primerakoa, ama eta izeba bisitan datozenerako, ligatzeko ere bai…  Segi gozo, fin eta on egin! 🙂

…

FIDEUA BARAZKI ETA MUSKUILUEKIN

…

Fideua barazki eta muskuiluekin

Osagaiak 4 pertsonentzako:

…

Errezeta

  1. Lehenik, tipulina eta kuia txikia puska txikietan moztu. Zartagin batean, tipulina hamar minutuz erregosi, oliba olio zurrustada batekin.
  2. Hamar minutu pasatu ondoren, kuia txikia gehitu, baita gatz pittin bat ere. Su ertainean 15 bat minutuz erregosi, noizbehinka buelta batzuk emanez. Ondoren, orburuak laurdenetan moztu eta zartaginera gehitu, baita tomatea puxka txikietan moztua ere.
  3. Barazkiak erregosiak ditugun lapiko zabalera gehitu fideoa, guztia ongi nahastu, suaren indarra dena emanda jarri, eta gehitu arrain salda, dena erabat estali arte. Gatz pittin bat bota, eta bi minutu pasatu ondoren, muskuiluak gehitu, eta beste hiru bat minutuz utzi egosten.
  4. Azkenik, sua itzali, eta trapu batez estali. Lau bat minutuz utzi trapuarekin estalita, eta prest dugu mahaira zerbitzatzeko.

…

Kasu!

Iker Markinez ormaiztegin KUKO Jatetxeko sukaldaria… 

Iker Martinez kuko jatetxea

…

Akaso!

Frantziarrak fideua egiten… La Parfaite Fideuà euren hitzetan honako RZ: Découvrez la “fideuà”, une spécialité gastronomique espagnole que vous devriez absolument goûter si vous visitez l’Espagne : www.vacancesespagne.fr/Valence… La fideuà est un plat de fruits de mer originaire de la côte de Valence et qui est semblable à la paella, mais avec des gros vermicelles au lieu du riz. Et si vous avez l’âme d’un chef, pourquoi ne pas essayer de la cuisiner en suivant cette vidéo? Bon appétit!

…

Karlos Arguiñanoren fideuà begetarianoa RZ

Fideua barazki eta muskuiluekin
gogokoa
2018-08-28

Orburu ‘txips’ak eta orburu egosiak

Orburu ‘txips’ak eta orburu egosiak – 

 Gaurkoan Orburu ‘txips’ak eta orburu egosiak RZ dakarkizugu, Iker Markinezek «Euskal sukaldaritza praktikoa» bere liburuko beste RZ goxo eta erraz bat, guk zail_xamarrak kategorian sartu duguna.Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa» Denak txundituta uzteko primerakoa, ama eta izeba bisitan datozenerako, ligatzeko ere bai… Segi gozo, fin eta on egin! 🙂

…

ORBURU ‘TXIPS’ak ETA ORBURU EGOSIAK

….

Orburu ‘txips’ak eta orburu egosiakOsagaiak 4 pertsonentzako:

  • 12 orburu
  • 8 otarrainxka
  • Ziazerba sorta bat
  • Esnegain basokada bat
  • Oliba olioa
  • Frijitzeko ekilore olioa
  • Gatza
  • Egosteko irina

…

Errezeta

  1. Lapiko bat urez bete, eta bota irin koilarakada pare bat eta gatz pitin bat. Sutan jarri, irakin arte.
  2. Bitartean, orburuak prestatzen hasiko gara. Horretarako, sei orburu bakarrik hartu, eta kendu lehen orriak; beldurrik gabe kendu, horretan dago eta sekretua. Bestela, izan ere, kanpoko geruza horiek jatean, gortasun apur bat ematen diote. Zuztarrak, berriz, moztu gabe zuritu, findu arte. Garrantzitsua da ordena horixe errespetatzea; bestela, orburuak azkar belzten hasiko dira. Ondoren, bota ur irakinetara, eta hantxe eduki irakiten hogei bat minutuz. Gero, sua itzali, eta bertan utzi epeldu arte. Ondoren, atera. Jarraian, jarri zartagin batean orburu egosi horiek, eta ziazerba sorta gehitu, juliana moduan moztuta.
  3. Esnegain basokada bat bota, eta orburuak egositako uraren beste basokada bat. Gehitu gatz pitin bat, eta guztia irakiten jarri. Saltsa pixka bat loditzean, sutatik kendu. Bien bitartean, gordinik ditugun beste sei orburuak zuritu, beste guztiak bezala; baina xaflatan moztu, lau bat xaflatan bakoitza. Ondoren, zartagin batean ekilore olio berotan frijitu. Orburu txips batzuk lortuko ditugu horrela. Gero, sukaldeko papera dugun erretilu batera atera, olio soberakina kentzeko; eta azkenik, bota gatz pitin bat.
  4. Azkenik, otarrainxkak zuritu, baina isatsa utziz. Zartagin batean oliba-olio zurrusta batekin frijitu.

….

Kasu!

Iker Markinez ormaiztegin KUKO Jatetxeko sukaldaria… Platera muntatzeko, plater bakoitzean erdian jarri orburu egosiak plateraren, eta inguruan orburu txips-ak. Otarrainxka isatsak, berriz, orburu egosiaren gainean jarri, eta ziazerba eta esnegain saltsarekin erdiko orburuak soilik ongi busti.

Orburuak nola garbitu hemen.

…

Akaso!

Orburuak erraz eta azkar egiteko bideo pare bat…

…

Badirudi orburu pizza zaleak badirela New York-en…

Orburu ‘txips’ak eta orburu egosiak
gogokoa
2018-08-23

Tomate milorriak txipiroi eta tipula goxatuarekin

Tomate milorriak txipiroi eta tipula goxatuarekin – 

Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa»Gaurkoan Tomate milorriak txipiroi eta tipula goxatuarekin RZ dakarkizugu, Iker Markinezek «Euskal sukaldaritza praktikoa» bere liburuko beste RZ goxo eta erraz bat, guk zail_xamarrak kategorian sartu duguna. Denak txundituta uzteko primerakoa, ama eta izeba bisitan datozenerako, ligatzeko ere bai… Segi gozo, fin eta on egin! 🙂

…

TOMATE MILORRIAK TXIPIROI ETA TIPULA GOXATUAREKIN

…

Tomate milorriak txipiroi eta tipula goxatuarekinOsagaiak 4 pertsonentzako:

  • Txipiroiak 1 kilo (20 bat pieza)
  • Tipulak 4
  • Baratxuriak 4 ale
  • Baserriko tomatea 2
  • Oliba olioa
  • Sagardo ozpina 2 koilara bete
  • Perrexila
  • Gatza

…

Errezeta

  1. Tipulak eta baratxuriak juliana erara moztu. Barazki horiek lapikoan jarri eta olioa eta gatza bota. Su motelean ordubetez goxatzen utzi. Tarteka, nahastu.
  2. Hori sutan dagoen bitartean, txipiroiak garbitu. Txipiroiei gatza bota, eta plantxa beroan pasatu, minutu bat alde bakoitzetik. Ondoren, prestaturiko tipula lapikoan sartu.
  3. Segituan, plateraren prestaketarekin hasiko gara. Tomatea garbitu, eta xerra finetan moztu. Oliba olioa, perrexil xehetua, ozpina eta gatza ontzi batean nahastu.
  4. Milorrien prestaketa: Tomate xerra baten gainean bi txipiroi eta tipula goxatu pixka bat jarri. Gainean, beste tomate xerra bat, eta berriro txipiroi eta tipula jarri. Horrela hiru bat pisutako milorria egin arte. Bukatzeko, aurrez prestaturiko olio eta ozpinez milorria ondo busti.

…

Kasu!

Iker Markinez ormaiztegin KUKO Jatetxeko sukaldaria…

…

Akaso!

Xuban Intxaustik gidatzen zuen ETBko “Txoriene” saioan Ikerrek  ‘KIKOMAN’ KURRUSKARIAK RZ egin zuenekoa…

Tomate milorriak txipiroi eta tipula goxatuarekin
gogokoa
2018-08-16

Txanpiñoi txapelak galeper arrautza eta otarrainxkekin

Txanpiñoi txapelak galeper arrautza eta otarrainxkekin – 

Gaurkoan Txanpiñoi txapelak galeper arrautza eta otarrainxkekin RZ dakarkizugu, Iker Markinezek «Euskal sukaldaritza praktikoa» bere liburuko beste RZ goxo eta erraz bat, guk zail_xamarrak kategorian sartu duguna. Denak txundituta uzteko primerakoa, ama eta izeba bisitan datozenerako, ligatzeko ere bai… Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa»Onddoz beteriko kiribil kurruskatsua RZ eta azken Hara! saileko sarreran Paul Stamets mikologo eta zientzialaria aurkeztu genizuen, mizelioa – mycelium eta fungi munduan adituetan top-a, gomendagarriak bere istorio eta hausnarketak… Segi gozo, fin eta on egin! 🙂

…

TXANPIÑOI TXAPELAK GALEPER ARRAUTZA ETA OTARRAINXKEKIN

Txanpiñoi txapelak galeper arrautza eta otarrainxkekin…

Osagaiak 4 pertsonentzako:

  • 16 txanpiñoi handi
  • 16 otarrainxka
  • 16 galeper arrautza
  • 4 baratxuri ale
  • Perrexila
  • Oliba olio birjina
  • Gatza
  • Kafe koilarakada bat irin
  • Basokada erdi oilasko salda

 

Errezeta

  1. Otarrainxkak zuritu eta burua kendu eta platera batean gorde. Txanpiñoiak garbitu, eta zurtoina osorik kendu, txapelak bakarrik utzita. Ondoren, zartagin batean zorrotada bat oliba oliorekin frijitu, baina txapelek zuloa duten aldea bakarrik, pare bat minutuz. txapel guztiak frijitu ondoren, laberako erretilu batean jarri, baina orain zuloa gora begira dutelarik.
  2. Labea 180 ºC-tan berotzen jarri. Baratxuri aleak zuritu, eta pusketa txikitan moztu, baita perrexila ere. Txanpiñoien gainean zabaldu, gatz pitin batekin eta olio zorrotada batekin. Labean eduki bost bat minutuz.
  3. Erabili dugun zartagin berberean olio zorrotada bat bota eta berotzen jarri berriro. Bertara otarrainxkak botako ditugu, eta minutu bat pasa ondoren, irina gehitu. Segidan, baso erdi bat oilasko salda gehitu, eta pare bat minutu gehiago irakiten eduki. Bitartean, beste zartagin batean galeper arrautzak frijitu (aldiko lau arrautza batera friji ditzakegu). Kontuan hartu denbora gutxian frijitzen direla. Frijitu ahala, plater batera atera.
  4. Labetik txanpiñoiak atera eta erretilu polit batean ipini. Otarrainxka bakoitza txapelaren barruan sartu, arrautza bana ere gainean jarri eta, bukatzeko, otarrainxkekin lorturiko saltsarekin, dena gainetik ondo busti.

…

Kasu!

Plater hau, lagunen artean pintxo moduan ateratzeko, apropos-aproposa da.

Iker Markinez ormaiztegin KUKO Jatetxeko sukaldaria…

…

Akaso!

Onddoak sendagarri (Mushrooms as Medicine). Paul Stamets

Perretxiko mota desberdinak Iro Landaluze adituarekin

2012an ETBn Iker Galartza eta Joseba Usabiaga aktoreak eta Joxe Ramon perretxikozalea perretxiko bila

Mugaldekoak onddo bila

gogokoa
2018-08-07

Onddoz beteriko kiribil kurruskatsua, kuia kremarekin

Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa»ONDDOZ BETERIKO KIRIBIL KURRUSKATSUA, KUIA KREMAREKIN – 

Gaurkoan onddoz beteriko kiribil kurruskatsua, kuia kremarekin RZ dakarkizugu, Iker Markinezek «Euskal sukaldaritza praktikoa» bere liburuko beste RZ goxo eta erraz bat, guk zail_xamarrak kategorian sartu duguna. Denak txundituta uzteko primerakoa, ama eta izeba bisitan datozenerako, ligatzeko ere bai… Segi gozo, fin eta on egin! 🙂

…

ONDDOZ BETERIKO KIRIBIL KURRUSKATSUA, KUIA KREMAREKIN

….

Onddoz beteriko kiribil kurruskatsua, kuia kremarekinOsagaiak 4 pertsonarentzako :

  • Kremarentzako 300 g kuia
  • Oliba olioa
  • 2 baratxuri ale
  • Tipulina
  • Esne gain basokada bat
  • Gatza

Kiribilentzat:

  • 200 g onddo
  • Oliba olioa
  • Gurin koilarakada bat
  • Tipulina
  • 3 koilarakada irin
  • Litro erdi esne
  • Gatza
  • Piper hauts beltza
  • 8 brik orri

…

Errezeta:

  1. Krema prestatzeko, lapiko batean oliba olio zorrotada bat bota; eta berotutakoan, tipula eta baratxuri aleak puska handietan gehitu. 10 minutuz erregosi ondoren, kuia ere azala kenduta eta puska handietan moztuta bota bertara. Urez estali, baina juxtuan, pasatu gabe eta ondoren esne gain basokada ere gehitu. Guztia su bizian irakin ondoren, irabiagailutik pasa, gatz pitin bat bota eta gorde.
  2. Kiribilak prestatzeko, lehenik onddoak garbitu eta pusketa txikietan moztu. Bitartean, lapiko zabal batean oliba olio zorrotada jarri, eta tipulina pusketa txikietan moztuta bertan jarri; 10 minutuz erregosi. Jarraian, onddoak gehitu, eta beste 10 minutuz erregosi. Gatz pitin bat eta piper hauts beltza ere gehitu. Ondoren, gurin koilarakada gehitu, eta hiru koilarakada irin ere bai.
  3. Dena ongi nahastu, eta litro erdi esnea pixkanaka gehituz joango gara. Nahastu eta saltsa krematsu bat lortuko dugu. 10 minutuz irakin ondoren, prest izango dugu krema. Hozten utzi beharra dago, ordea, brik kiribilak errazago betetzeko. Brik orriak hartu eta, taloak balira bezala, erdian onddo krema koilarakada pare bat jarri, eta buelta pare bat emanez kiribil itxuran bildu. Horrela zortzi kiribilak bete arte.
  4. Labea berotzen jarri, eta 180 ºC-tan bost minutuz mantendu, berotu eta gorritu daitezen. Jarraian mahaira ateratzeko prest daude; horretarako, kuia krema pixka batez busti ditzakegu.

…

Kasu!

Iker Markinez ormaiztegin KUKO Jatetxeko sukaldaria…

…

Akaso!

Ba-al-zenekien-zuhaitzak-beren-artean-komunikatu-ahal-direla

Mushrooms as Medicine

Al loro tipo honek mundua aldatuko du eta… Paul Stamets

Paul Stamets, Mushrooms and the Mycology of Consciousness

“Normala da gizakia onddoaren beldur izatea, oso potentea da, onddoek jaten ematen dizute, hil zaitzakete, senda zaitzakete, bidai espiritual baten bidal zaitzakete… eta gaur hemen eta joan dira lau-bost egunetan…”

…

Xuban Intxaustik gidatzen zuen ETBko “Txoriene” saioan Ikerrek ziza nahaskia RZ egin zuenekoa.

Xuban Intxaustik gidatzen zuen ETBko "Txoriene" saioan Ikerrek Barazki panatxea entsaladan, urdaiazpiko frijitu eta Idiazabal gaztarekin RZ egin zuenekoa...

Onddoz beteriko kiribil kurruskatsua, kuia kremarekin
gogokoa
2018-08-03

Onddoak papillote erara

Onddoak papillote erara –

Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa»Bagatoz bueltan Txalupan arrantzan opor egun eder batzuk pasa ostean, eta egia esateko gosez errekamaran genuen kapritxozko plater goxo bat buruan, onddoak papillote erara RZ. Argi dezagun uda ez dela onddo garaia, baina gu bezala apeta baduzu, aurkituko duzu kanpoko onddorik gure denda eta feritan. Iker Markinezek «Euskal sukaldaritza praktikoa» bere liburuko beste RZ goxo eta erraz bat. Denak txundituta uzteko primerakoa, ama eta izeba bisitan datozenerako, ligatzeko ere bai… Segi gozo, fin eta on egin! 🙂

…

ONDDOAK PAPILLOTE ERARA

…

Onddoak papillote eraraOsagaiak

  • 800 g onddo
  • 2 baratxuri ale
  • Oliba olio birjina
  • Gatza
  • Perrexila

…

Errezeta

  1. Onddoak era ezberdin askotara presta daitezke. Errezeta hau berezi bezain erraza da. Onddoak garbitu, eta xafla finetan moztu. Baratxuri aleak ere zuritu, eta horiek ahalik eta pusketarik txikienetan moztu. Perrexila xehatu eta gorde.
  2. Labea berotzen jarri 200 ºC-tan. Berotzen den bitartean, papillotea egiten hasiko gara. Horretarako, labeko erretiluan zilarrezko papera jarri –edo, ahal izanez gero, laberako paper sulfurizatua, egokiagoa baita–. Paperaren gainean onddoak zabaldu, eta bertara gatza gehitu, baita perrexila eta baratxuriak ere. Oliba olio zorrotada bat bota, eta papera poltsatxo baten itxura emanez ongi itxi. Oso garrantzitsua da paperaren tolestura hori ongi egitea, onddoek botatzen duten lurrin guztia poltsaren barruan gelditzeko eta zapore guztia mantentzeko.
  3. Papillotea labean sartu eta bertan mantendu 10 bat minutuz. Ondoren atera, eta, irakin ondoren, jateko prest dago jadanik.

…

Kasu!

Plater nagusi gisa, edo baita beste jaki baten laguntzaile moduan ere aurkeztu daiteke.

Iker Markinez ormaiztegin KUKO Jatetxeko sukaldaria…

…

Akaso!

  • Onddo tarta
  • Perretxikoei buruz hitz egiteko tartea ireki zuten ‘Zuek hor eta gu hemen’ saioan Iro Landaluzerekin. Onddoak eta perretxikoak, hobeto ezagutzen dituen pertsonarekin antza… Arretaz ibili onddoak jan aurretik! atala honakoa:

  • Xuban Intxaustik gidatzen zuen ETBko “Txoriene” saioan Ikerrek ziza nahaskia RZ egin zueneko bideoa.

ONDDOAK  PAPILLOTE ERA RA  onddoak  papillote  erara RZ .

gogokoa
2018-07-05

Intxaur saltsa

Intxaur saltsa – 

Postre eta gozoki eta gozoaren tartea gustoko duzula eta, saltsa gozo baten RZ eta teknika dakarkizugu gaur. Erraza, parranda osterako, ama eta izeba datozenerako, ligatzeko ere bai… Gozatu eta on egin! 🙂

…

Osagaiak

  • 250 g intxaur, zurituak
  • Litro erdia esne
  • Litro erdia esnegain urtu
  • 250 g azukre
  • Kanela, adaxka bat

Intxaur saltsa

 Intxaur saltsaErrezeta

  1. Zurezko mailu batez zanpatuko ditugu intxaurrak, edo motrailuan, nahi bezala. Ore fin bat lortu behar dugu. Lehen, bi zatar finez zanpatzen eta xehatzen zituzten intxaurrak.
  2. Kanelarekin batera egosiko ditugu esnea eta esnegaina; adaxka atera eta intxaur-orea eta azukrea erantsiko ditugu ondoren. Su eztian edukiko dugu guztia egosten, 25 bat minutuan, krema arin bat itxuratu arte. Urtsuegi dagoela sumatzen badugu, luzaroago eduki dezagun egosten; oso lodi badago, esne isuriaz arinduko dugu, sutatik atera aurretik.
  3. Atera eta ontzitan bantuko dugu ondoren.

…

Kasu!

Epel eta hotz har daiteke intxaur-saltsa.

Emaitza bertsua ez bada ere, irabiagailu ontzidun batean xeha ditzakegu intxaurrak, fin xehatu arte. Segida emaiozue orduan errezetari.

…

Akaso!

Labayru Herri Ondarea youtubeko kanaletik hartua… Intxaur saltsea RZ.

Intxaur-saltsea preparetako, intxaurrak ondo txikitu behar izaten ziran. Esnea kaneleagaz ipinten eben eta galleta batzuk bere botaten ebezan esnea loditzeko. Luzaroan eukiten eben egosten. Intxaurrak txikertzeko, jo egiten ebezan, baina ondo apartau behar izaten ziran maminak. Intxaur-saltsea gozoa izaten da, baina behar handia emoten dau: lehenengo, intxaurrak apartetan, eta, gero, saltsea egiten; izan bere, ondo egiten ez bada, ez dago gozo. Intxaur-saltsea preparetako, intxaurrak ondo txikitu behar izaten ziran. Esnea kaneleagaz ipinten eben eta galleta batzuk bere botaten ebezan esnea loditzeko. Luzaroan eukiten eben egosten. Intxaurrak txikertzeko, jo egiten ebezan, baina ondo apartau behar izaten ziran maminak. Intxaur-saltsea gozoa izaten da, baina behar handia emoten dau: lehenengo, intxaurrak apartetan, eta, gero, saltsea egiten; izan bere, ondo egiten ez bada, ez dago gozo.

…

Julian Iantzik erronka ‘Kontrako eztarria’ saioan. Intxaurrak ipurdiarekin apurtu zituenekoa…

Intxaur saltsa

gogokoa
2018-06-15

Barazki burruntzia

Barazki burruntzia –

Barazkiekin jarraituz garaiko barazki burruntzia RZ dakarkizugu oraingoan. «Euskal sukaldaritza praktikoa» bada RZ praktikoagorik zail da aurkitzen, erraz-erraz egitekoa, prestaketan lagundu eta burruntziekin jolasteko aukera ere txikienek, edo denak txundituta uzteko, ama eta izeba bisitan datozenerako, ligatzeko ere bai… Segi gozo, fin eta on egin! 🙂

…

GARAIKO BARAZKI BURRUNTZIA

…

4 pertsonarentzako osagaiak:

ANDONI CANELLADA / ArgazkiPress

…

Errezeta

  1. Porruak garbitu, eta pare bat zentimetroko xaflatan moztu. Gauza bera egin azenario eta kuia txikiarekin ere.
  2. Lapiko bat urez bete, eta sutan ipini. Irakiten hastean, gatz pitin bat bota, eta porruak gehitu. 5 minutu irakiten eduki ondoren, atera eta ur hotzetan sartu, hozteko. Beste hainbeste egin azenario eta kuia txikiarekin ere.
  3. Barazki horiek egosten diren bitartean, kuia xaflari azala kendu eta bi zentimetroko laukitan moztu. Alberjinia (nahi dutenek azala kendu gabe) ere laukitan moztu, eta 5 minutuz irakiten eduki, egosi arte.
  4. Barazki guztiak ur hotzetik atera, eta erretilu batean multzotan banatu.
  5. Burruntzi makila bat hartu, eta lehenik Ibarrako piper bat sartu. Ondoren, barazki egosiak txandaka sartu makilan, eta, bukatzeko, beste Ibarrako piper bat jarri makilaren bukaeran.
  6. Horrela jarraitu makila guztiak bete arte.
  7. Plantxa bat berotzen jarri, eta ongi beroa dagoenean, oliba olio tanta bat bota. Burruntziak jarri gainean, gatz pitin bat bota, eta pare bat minutu eduki ondoren, buelta eman beste aldetik ere gorritu daitezen. Ondoren, atera, eta azken ukiturako, oliba olio gordin zorrotada bat bota;  jateko prest izango dira orduan.

..

Kasu!

Barazkiak neurri berean moztu ditugunez, burruntziek itxura politagoa edukiko dute.

…

Akaso!

gogokoa
2018-06-11

Garaiko ilarrak, patata, ziazerba eta txirlekin

Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa»Garaiko ilarrak, patata, ziazerba eta txirlekin –

Barazkiekin jarraitu eta oraingoan garaiko ilarrak, patata, ziazerba eta txirlekin RZ dakarkizugu. Komentatu genuen, sukaldeko artista puntutxoa gustatzen hasia zaizunez eta zeure ingurukoek zerbait landuagoa espero dutenez jada, teknika eta RZ profesional eta landuagoak probatzen hasteko bidea zabalduz Iker Markinez ormaiztegin KUKO Jatetxeko sukaldariak «Euskal sukaldaritza praktikoa» bere liburuko RZ batzuk ekarriz horretarako. RZ praktikoak eta errazak, guk zail xamarrak kategorian sartu ditugun arren (ez dago Basque Culinary Centerren ikasi beharrik, baina badu bere zertxoa kategorian…), Denak txundituta uzteko primerako RZk, ama eta izeba bisitan datozenerako, ligatzeko ere bai… Segi gozo, segi fin eta on egin! 🙂

…

GARAIKO ILARRAK, PATATA, ZIAZERBA ETA TXIRLEKIN

Garaiko ilarrak, patata, ziazerba eta txirlekin4 pertsonarentzako osagaiak:

  • Kilo bat ilar
  • Lau patata handi
  • Bi tipulin
  • Bi baratxuri ale
  • Ziazerba sorta bat
  • Olioa
  • Gatza

Garaiko ilarrak, patata, ziazerba eta txirlekin

Garaiko ilarrak, patata, ziazerba eta txirlekin

ANDONI CANELLADA / ArgazkiPress

Errezeta

  1. Lehenik, garaiko ilarrak aletu, eta zikinkeriak garbitu.
  2. Ondoren, lapiko bat sutan ipini, han olio zorrotada bat jarri, tipulinak eta baratxuriak zati txikietan moztu,eta lapikora bota. Gatz pitin bat gehitu. Su motelean, 15 bat minutuz etengabe nahasten eduki, ez baitugu nahi kolore gehiegi hartzerik.
  3. Ondoren, patatak zuritu eta, garbitu ondoren, pusketatan moztu.
  4. Lapikora gehitu, nahastu, eta urez estali guztia. Gatza bota berriro, eta ziazerba sorta erdia ere gehitu. Irakiten hastean, ilarrak gehitu, eta su ertainean eduki 25 minutuz. Orduan, ziazerba sortaren beste erdia gehitu, eta baita txirlak ere. Guztia 5 bat minutuz sutan eduki, eta, ondoren, sua itzali.

…

Kasu!

Ziazerba sorta erdia azken momentuan gehitzeak kolore biziagoa emango die ilarrei eta baita plater osoari ere.

…

Akaso!

Xuban Intxaustik gidatzen zuen ETBko “Txoriene” saioan Ikerrek Barazki panatxea entsaladan, urdaiazpiko frijitu eta Idiazabal gaztarekin RZ egin zuenekoa…

Xuban Intxaustik gidatzen zuen ETBko "Txoriene" saioan Ikerrek Barazki panatxea entsaladan, urdaiazpiko frijitu eta Idiazabal gaztarekin RZ egin zuenekoa...

Barazki panatxea entsaladan, urdaiazpiko frijitu eta Idiazabal gaztarekin

Iker Markinez KUKO Jatetxea

Garaiko ilarrak, patata, ziazerba eta txirlekin
gogokoa
2018-06-08

Porru entsalada, guakamole eta izokin ketuarekin

Porru entsalada, guakamole eta izokin ketuarekin – 

Gaurkoan, aurreko batean aurreratu genuen bezala, sukaldeko artista puntutxoa gustatzen hasia zaizunez eta zeure ingurukoek zerbait landuagoa espero dutenez jada, teknika eta RZ profesional eta landuagoak probatzen hasteko bidea zabalduko dugu. Iker Markinez ormaiztegin KUKO Jatetxeko sukaldariak «Euskal sukaldaritza praktikoa» bere liburuko RZ batzuk ekarriko dizkigu horretarako, denak txundituta uzteko RZ aproposak, praktikoak eta gozatzekoak zinez. Milesker Iker eta zuek gozatu! Segi gozo, segi fin eta on egin! 🙂

…

PORRU ENTSALADA, GUAKAMOLE ETA IZOKIN KETUAREKIN

4 pertsonarentzako osagaiak:

  • Dozena bat porru berri
  • 400 g izokin ketu
  • Bi ahuakate edo abokat
  • Tipulin bat
  • Bi baratxuri ale
  • Limoi bat
  • Oliba olio birjina
  • Gatza
  • Piper hauts beltza
  • Modena eta sagardo ozpinak

Porru entsalada, guakamole eta izokin ketuarekin

Porru entsalada, guakamole eta izokin ketuarekinErrezeta

  1. Porruak garbitu. Porruaren zuri aldea erabiliko dugu. Beraz, zati zuri bakoitza beste bi pusketatan moztu.
  2. Lapiko batean ura irakiten ipini, gatz pittin batekin; irakiten hastean, porruak gehitu, sua moteldu eta, suabe-suabe, ordu erdi batez irakin. Gero, sua itzali, eta bertan mantendu, hoztu arte.
  3. Guakamolea egiteko, ahuakateak zuritu, hezurra kendu, haragia karratu txikietan moztu, eta ontzi batean jarri. Tipulina eta baratxuri aleak ere ahalik eta zatirik txikienetan moztu, eta aurreko ontzian gehitu, baita gatz pittin bat, piper hauts beltz birrindua, limoi baten zukua, koilarakada bat sagardo ozpin, eta oliba olioa ere bai, txorrotada on bat. Guztia ongi nahastu. Halaxe egingo dugu guakamolea.
  4. Bukatzeko, porruak uretatik atera, ura ondo kendu, plater baten bueltan txukun ipini. Plateraren erdian, molde baten laguntzaz, guakamolea jarri eta porruen gainean izokin xerrak. Guztia, azkenik, olio eta modena oliozpinez ongi busti.

 

Kasu!

Zaindu aurkezpena, ikusi irudia aurkezpena ere primerakoa izan dadin.

…

Akaso!

Iker Markinez Munduate (Beasain, 1974), goierrin, Ormaiztegin, Zumalakarregi Museotik oso gertu dagoen KUKO Jatetxe ezaguneko sukaldaria da. Hamazazpi urterekin ikasketak utzi eta bere ibilbideari ekin zion, sukaldaritzan barna, justuki egun diharduen tokian.

Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa»Bere lehen liburua plazaratu du Txertoa katalogoa eta Ttarttaloren eskutik, «Euskal sukaldaritza praktikoa», izenburuak dioen bezala, geure lurreko osagaiekin, errezeta errazekin eta euskaraz. 91 errezeta daude, baina irakurleari inprobisatzeko tarte handia eskaintzen dio, Ikerrek ere bere sukaldean horrela lan egitea atsegin baitu, bertsolarien moduan. «Goizean erosketak egiten ari naizenean ez dut oraindik erabaki zer eskainiko dudan eguerdiko menuan».

1992an hasi zen ofizio eta afizioa lantzen Francisco Javier Villanueva “Kuko”-rekin. Leku dezentetan aritu da txef gisa: Andaluzian Inaxio Muguruzarekin, Frantziako Proventzan, Irungo Atalaia jatetxean, Olaberriako Arrietan… 2001ean Kukora itzulera, jada nagusi gisa; hasi zen tokian bai, baina ez abiapuntuan.

Euskal sukaldaritza praktikoa. Iker Markinez: Lapiko artean urtetan erakutsi duen maisutasuna Euskal sukaldaritza praktikoa izeneko liburu honetan bildu du Iker Markinez, Ormaiztegiko Kuko jatetxeko sukaldariak. Sukaldaritzaren bidez, euskal sustraietara bidaia saporetsua proposatzen du. Gure sukaldaritzaren oinarria diren lehengaiak erabiliz, osagaiak ondo zaindu eta aukeratuz eta garaian garaikoari erreparatuz, errezeta sorta zabala eta praktikoa aukeratu eta liburu honetan jaso du. 

…

Iker Markinez KUKO Jatetxea

 

Iker Markinez: “Nire sukaldaritza bertsolaritza bezalakoa da”

Porru entsalada, guakamole eta izokin ketuarekin

gogokoa
2018-05-08

Marmelada kruxpetak

Marmelada kruxpetak – 

Postre eta gozoki eta gozoaren tartea gustoko duzula badakigunez, mermelada kruxpeta edo buñelo RZ dakarkizugu gaurkoan. Erraza, ama eta izeba datozenerako, ligatzeko ere bai, edo denak txundituta uzteko moduko RZ horietakoa… Gozatu eta on egin! 🙂

…

Osagaiak

  • Haize_kruxpetak, frijituak eta epelduak
  • Gogoko marmeladaren bat, lodia
  • Azukre-hautsa

Marmelada kruxpetaMarmelada kruxpetak

Errezeta

  1. Guraize batzuez albo batetik ireki eta barruko orea hustu egingo diegu, neurrian betiere, kruxpetei, ahalik eta betegarri gehien sartu ahal izateko.
  2. Koilara batez beteko ditugu marmeladaz kruxpeta guztiak, marmelada jarioan utzirik. Hobe hori, erdi hutsik baino.
  3. Azukre-hautsa gainetik eman eta epel jango ditugu, hoztu aurretik.

…

Kasu!

Egin berri eta epel jatea izugarrizko gozatua da, baina hoztuta ere goxo-goxo egongo dira…

…

Akaso!

kruxpetak (buñuelo) eta krispetak ez nahastu… 🙂

Sagar kruxpeta RZren bideoa pausoka

Marmelada kruxpetak
gogokoa
2018-04-18

Sagar tarta

Sagar tarta

Errezeta hau 8 lagunentzako modukoa da

Osagaiak:

  • 2 Arrautza
  • 100 gr Azukre beltz
  • 8gr legami hauts
  • 180 gr irin
  • 4 Sagar, ahal dela chanteclair motakoak
  • 175 gr Esne +
  • Gurina eta irina molderako
  • Gatz apur bat
  • Abrikota edo albarikoke marmelada
Sagar tarta

SAGAR TARTA Sara Jane

…

Errezeta:

  1. 2 Sagar zuritu, laukitan zatitu eta gopor edo bol batean ipini; esnea, azukrea, legamia, arrautzak eta irinarekin batera. Turmixaren laguntzaz dena irabiatu ore fina lortu arte.
  2. Tarta egingo den moldea gurinez igurtzi, irinez jantzi eta aurreko nahasketa barrura igaro.
  3. Beste 2 sagarrak zuritu eta lamina finetan moztu. Hauekin, moldeko masa estali.
  4. Tarta labean sartu aurretik 180º tan dagoela egiaztatu eta han sartu 40 minutu.
  5. Tarta labetik atera eta tenperatura apur bat jetsi zaionean, marmelada kapa fin batez busti.

…

Kasu!

Sagar mota ezberdin askok balio du tarta egiteko. Bakoitzak, hori bai, emaitza ezberdina emango du. Kasu honetan, interesgarria da aukeratutako sagarrak labea ondo igarotzea desegin gabe (reineta, chanteclair…).

Tarta oinarri beretik abiatuta, fruta desberdindunak egin daitezke:  udarea, anana, platanoa edo mazedoniarena, esaterako.

…

Akaso!

Aldapeko sagarraren adarraren puntan…

SAGARRA JO !!!

Sagar tarta
gogokoa
2018-04-16

Opor osterako batidoa

Batidoa – Opor osterako – 

Edatekoak gaurkoan, egarri apur bat sartu zaigu eta agian zeuri artista puntutxoa opor osterako ilar batido RZ honekin. Gozatua eta jakinnahi kuriosoa ziurtatua, eta erraz-erraz egitekoa, aproposa ama eta izeba datozenerako edo ligatzen laguntzeko moduko giroa sortzeko balioko dizuna. Parranda osterako ere primerakoa, hala pentsatu genuen haseran opor osterako izan beharrean, baina noiznahi hartzeko modukoa eta goxoa da benetan. Gozatu eta on egin! 🙂

…

Opor osterako batidoaOsagaiak

  • Ilar izoztuak 70 g
  • Tipula 5 g
  • Baratxuria 5 g
  • Ura 70 g
  • Oliba olioa 10 g
  • Piper hauts beltz pitin bat
  • Gatza

…

Errezeta

  1. Osagai guztiak nahastu edalontzi altu batean eta turmixarekin irabiatu.
  2. Nahasketa guztia iragazi (ilarraren azalak kentzeko).

…

Kasu!

Beroa edo hotza zerbitzatu menta belar hosto batzuekin lagunduta eta palomita batzuekin (hauek puntu gaziaz lagunduko dute batidoa).

…

Akaso!

12 batido osasuntsu…

 

Opor osterako batidoa
gogokoa
2018-04-03

Natilak

Natilak – 

Postre eta gozoki eta gozoaren tartea beste behin bisitatuz Natilak RZ basikoa dakarkizugu. Erraz-erraza, parranda osterako edo ama eta izeba datozenerako, ligatzeko ere zergatik ez? Gozatu eta on egin! 🙂

…

Osagaiak

  • Litro bat esne
  • 8 arrautza gorringo
  • Irin koilarakada lau bat
  • 5 koilarakada azukre
  • Kanela hautsa (aukeran)

…

NatilakErrezeta

  1. Gogoko dugun zerbaitekin irakingo dugu esnea: limoi, kanela, bainila… Behin irakindakoan, epeltzen utziko dugu bazterrean.
  2. Gopor edo katilu batean gorringoak, irina eta azukrea joko ditugu, krema eder bat lortu artean. Poliki-poliki gehituko diogu nahasketa honi alboan daukagun esne irakinari. Arretaz egin behar da lan hau, zatitxoak sor ez dakizkigun.
  3. Esne guztia nahastu dugularik, erabili dugun ontzira irauliko dugu nahasketa eta su eztitan jarriko, zurezko koilara batez maneatzeari utzi gabe. Natila apur bat loditzen hasia dela ikusitakoan, banakako katiluetan jarriko dugu eta hozten utziko dugu.

 

Kasu!

Ohikoa da gaileta borobil bat gainean jartzea eta biziki ohitura gomendagarria da hori gustuko duenarentzat, izan ere, geruza lodiegi bat sor dakion eragozten baitu horrek.

…

Akaso!

Natilak frutarekin ere konbina zenitzake…

Natilak
gogokoa
2018-03-22

Erroskilak

Erroskilak – 

Zopa eta salda asteburu hauek alde batera utzita, azukre gogoa sartu zaigu eta beste bizipoz bat gaurkoan, erroskila RZ zaharra. Erromatar inperioaren denboratik datorren RZ dirudienez, baina ziur lehenago ere izango zena antzekorik egin zuenik… Erraza, parranda osterako aprosagorik gutxi, ama eta izeba datozenerako, ligatzen laguntzeko modukoa, noiznahi jateko modukoa… Gozatu eta on egin! 🙂

…

Osagaiak

  • 400gr irin
  • arrautza bat
  • legamia goilakaradatxo 1
  • anis likorea 2 goilarakadatxo
  • 150 gr azukre
  • 3 goilarakadatxo glass-azukre
  • 4 goilarakada esne
  • 4 goilarakada olio
  • frijitzeko beste olio

…

Errezeta

  1. Gopor edo ontzi borobil batean arrautza jo eta gehitu berari 4 olio goilarakadak, anisa eta esnea.
  2. Dena berdindu arte irabiatu behar da. Orduan azukrea eta legamia gehitu eta segi irabiatzen azken hauek guztiarekin bat egin artean. Apurka gehitu eta nahastu irina ore erabilgarri bat lortu arte.
  3. Ondoren zentimetro erdiko zilindroak egin eta 10 zentimetroko luzeran moztu.
  4. Ore tutu hauekin, erroskilak osatu borobilean, muturrak elkarri itsatsi.
  5. Su ertainetan olio ugari berotu zartagin handi batean eta erroskila denak frijitu, puztutzen direla ikusteraino. Igo sua nahi beste gorritu direla erabaki arte.
  6. Erroskila guztiak sukalde paperaren gainean jarri eta glass-azukrearekin egin euri zuri bat gainetik.

Erroskilak

Kasu!

4 lagunentzat…

…

Beganoentzat ere bai…

…

Akaso!

Itxaropena ikastolako haurrak HH5_erroskilak egiten 2015eko garai hauetan…

Erroskilak pastel forman akaso…

Akaso TOBLERONEtzar bat nola egin…

Giant KINDER !!!!!! Burua joan zaigu bai, hainbeste azukre izango da…

Azukre gehiegi bai…

Erroskilak
gogokoa
2018-03-07

Katu zopa

Katu zopa – 

Epeltzen edo eguraldia aldatzen hasi den arren, zopa aldartean gabiltza oraindik, hotzak barruraino sartu zaizkigula eta, hotzok konbatitzeko zopa edo salda bero bat bezalakorik ez dago. Bizipoz eta pizgarri, sano-sanoa ere bai, gaurkoan katu zopa RZ dakarkizugu. Erraza, parranda osterako ezinhobea, ama eta izeba datozenerako, noiznahi jateko modukoa… Zaindu, gozatu eta on egin! 🙂

…

Osagaiak

  • Litro bat ur
  • Gatza, pixar bat
  • Baratxuri ale bat, pikatua
  • 5 koilarakada oliba olio birjina
  • Ximiko bat piperbeltz, ehoa
  • 4 eskukada bete ogi zuri (ogi biribil zaharra, xerra mehetan moztua)
  • 2 arrautza
  • 2 koilarakada gazta birrindu

…

Errezeta

  1. Errezeta hau egiteko ura egosten jarri eta harekin batera erantsiko ditugu baratxuri alea, olioa eta piperbeltz ehoa. Irakiten hasi orduko gaineratuko dugu ogi zuria, pixkana-pixkana, zopan ongi batu dadin, egoki lodi dadin. Horrela jokatzen badugu berehala lortuko dugu nahi dugun lodiera arin hori. Argi geldituko dira zopak, eta gutxienez ordu erdia beharko dute sutan horretarako.
  2. Beste ontzi edo gopor batean joko ditugu arrautzak, eta gaztarekin nahasi ondoren.
  3. Zopak egosten behar duten ordu erdi horren ostean erantsiko dizkiegu arrautzak eta gazta. Nahasi, gatz-puntua zuzendu eta sutatik aterako ditugu zopak.
  4. 10 bat minutuan edukiko ditugu pausatzen, ongi estalita. Lodi eta krematsu, erakargarri azalduko zaizkigu zopa hauek.

…

Kasu!

Uraren ordez salda bideratzen badugu, zoragarria…

…

Akaso!

SOS uneetarako Argiñano eta Berasategiren eskutik: Katu jana RZ

4 zopa RZ osasuntsu…

Katuari goilaraz zopa emateko RZ dela uste izan du baten batek…

Katu zopa
gogokoa
2018-02-21

Vichyssoise, porru eta patata zopa

Vichyssoise, porru eta patata zopa – 

Egun hauetarako porrusalda bero bat nahiago badugu ere, Vichyssoise-aren RZ dakarkizugu gaurkoan. Vichyssoise porru, tipula, patata eta esnegainez sukaldatutako plater bat da. Frantziako gastronomian ohiko platera,  Vichyssoiseren jatorria zalantzazkoa da eta badaude frantsesa eta estatubatuarra dela esaten dutenak. Edonola ere, Louis Diatek, Lehen Mundu Gerra garaian New Yorkeko Ritz-Carltonean chef zena, ospetsu bilakatu zuen mundu osoan errezeta honekin.

…

Osagaiak

  • Patata zurituak eta xerra mehetan zatituak, kilo erdia
  • 2 porruren alde zuria, garbituta eta patatak bezalatsu zatituta
  • Gurin koilarakada eder bat
  • Gatz zimiko bat
  • Ura, litro 1/2 bat
  • Esnegain likidoa, litro erdi bat

Vichyssoise, porru eta patata zopa

Vichyssoise, porru eta patata zopa

VICHYSSOISE Emi Yanez

Errezeta

  1. Eltze handi batean gurina eta porruak jarri eta hurbildu su eztira. Gatz pixka bat eman eta ezari-ezarian egiten utzi, porrua samurtu eta egin arte, baina gorritu gabe.
  2. Ura eta patatak bota gainera eta eduki egosten, patata egin arte, 20 minutuz edo. Sartu dena irabiagailu baten ontzian edo irabiagailuaren besoa sartu eltzean, bakoitzak nahi duen eran, eta indar handienean abiarazi, krema fin-fin bat lortu arte.
  3. Hoztu. Erabat hoztu denean, esnegain likidoa gehitu ”oso hotza hori ere”, eta nahasi ongi. Gatz puntua zuzendu, beste gatz pixka bat gehituz edo are piperbeltz eho berria, eta prest dago.

…

Kasu!

Hotza hartzen da!

…

Akaso!

Vichyssoise klasikoa RZ nola egin…

Alfred-ek Bruce Wayne-i Batman Returns filman vichyssoise egin zionekoa…

 

Vichyssoise, porru eta patata zopa
gogokoa
2018-02-14

Porrusalda

Porrusalda – 

Egun hauetako hotzak konbatitzen jarraitzeko salda bero RZ goxo eta bizigarria dakarkizugu. Erraza, parranda osterako edo ama eta izeba datozenerako, baina noiznahi jateko modukoa duzu RZ sano, erraz eta goxoagorik nekez aurkituko duzun plater hau. Eta izen politagorik? Porrusalda… Zaindu, gozatu eta on egin! 🙂

…

Osagaiak

  • 4 porru eder
  • 2 azenario eder
  • Patatak, kilo erdia
  • Litro bat ur
  • 4 koilarakada olio
  • Gatza

Porru salda

PorrusaldaErrezeta

  1. Porruak eta azenarioak zuritu eta zati meheak egin. Patatak zuritu eta zatitu, puska txikitan kaskatuz.
  2. Su ez oso bizira hurbildu kazola bat, jarri olioa eta barazki guztiak, gatz pixka batekin, eta eragin etengabe. Hogeiren bat minutuz eduki holaxe, gorritzen utzi gabe.
  3. Ura bota gainera eta beste 20 minutuz eduki egosten, gatz puntua zuzendu, eta behar izanez gero, zaporea areagotzeko, haragi-salda kontzentratuaren pastilla bat gehitu edo, uretan egosi ordez, egosi haragi edo barazki saldatan.
  4. Bero-bero mahairatu.

…

Kasu!

Porru barietate ezberdinak daude, laborantza edo kultibo-aro ezberdinegatik luzera, diametro, konsistentzia eta zapore ezberdinez. Udazken eta neguko porruak lodiagoak eta zapore gehiago edo zapore gogorxeagoak dira, udakoak berriz txikiagoak eta xamurragoak, zapore xuabeagoaz.

…

Akaso!

Errazagoa beti etxeko potoko barazkien menestra RZ…

Potoko barazkien menestra

Tapia eta Leturia loiolako porrusalda

Korrontzi dantzan proiektuaren diskotik…

Jota Porrusalda

Porrusalda
gogokoa
2018-02-06

Txokolate beroa

Txokolate beroa – 

Egun hauetako hotzak konbatitzeko postre eta gozoki eta gozoaren tartea berriz irekiz Txokolate.beroa bizipoz RZ dakarkizugu. Erraz-erraza, parranda osterako edo ama eta izeba datozenerako, baina agian batez ere ligatzeko edo momentu intimo horietarako ezin egokiagoa, ezta? Gozatu eta on egin! 🙂

…

Osagaiak

  • Litro erdia esne
  • Gurina, zati eder bat
  • 100 g txokolate beltza, kalitate onekoa eta zatitua
  • 2 koilarakada azukre beltz

Txokolate bero

Txokolate beroaErrezeta

  1. Kazola batean, su ezti-eztian edukiko ditugu esnea eta azukrea minutu batean.
  2. Kazola sutatik atera eta, txokolatea erantsi ondoren, irabiagailuaren besoaz joko dugu guztia, indar betean.
  3. Berotasuna galdu orduko gaineratuko diogu gurina oreari.
  4. Katilu berotan zerbitzatu dugu txokolatea, madalena edo opiltxoekin batean.
…

Kasu!

Madalena edo opiltxoekin batean zerbitzatzearena derrigorrezkoa da, edo txurroak direla edo…

…

Akaso!

Dorleta Kortazar kaixomaitia.eus blogean txokolate beroaren ipuina:

Txokolate beroa

Hot Chocolate – You sexy thing – 1975

. . . 

Txokolatea etxean nola egin 4 osagaiekin, ume eta gaztetxoagoekin aritu eta sukaldean jolasteko baliagarri, udaleku batzuetan egin genuen gu geuk…

 

Txokolate beroa

Janaria ote porno berria?

Sexuan hobeto aritzen lagunduko dizuten jakiak

gogokoa
2018-01-25

Eskarola entsalada granadekin

Eskarola entsalada granadekin – 

Gabonetako jatunkeria denbora honen osteko urtarrileko barne garbiketa prozesua jarraituz, beste RZ garbi eta basiko bat dakarkizugu, ia antiRZ litzakena, bi hosto eta bi fruitu. Gainera berde pixka bat ikutu gorriekin, ezin patriotiko eta garbiagoa. Bakarrik bere horretan hartu behar zenuke eta ohera, baina edozein haragi edo arrain laguntzeko, beti buruan izateko primerako RZ azkar, koloretsu, erraz-erraza eta noiznahi jateko modukoa duzu honakoa. Txantxak aparte, behea jo dugu RZ honekin agian, kalitatez gora behar dugu, eta egingo dugu saltutxo bat otsailetik… Segi fin, gozatu eta on egin!  🙂

…

Osagaiak

  • 2 eskarola garbi, xukatu eta hostoak libratuta
  • Granada bat
  • Oliba olio birjina, 6 koilarakada
  • Limoi zukua
  • Gatza

Eskarola entsalada granadekin

Errezeta

  1. Granada erdibitu, eta koilara batekin aleak askatu, aleen tartean izaten duten mintza bazterrera kenduz, mikatza izaten baita.
  2. Entsalada-ontzi batean eskarola eta granada-aleak paratu.
  3. Katilu batean nahasi limoi zukua, gatza eta oliba olioa. Eskarolaren eta frutaren gainera isuri, buelta batzuk eman, eta mahaira azkar.

Eskarola entsalada granadekin

Kasu!

Edozein haragi edo arrain laguntzeko primerakoa…

…

Akaso!

Granada bat irekitzeko modu egokia…

eta urarekin ere bai…

Eskarola entsalada granadekin
gogokoa
2018-01-19

Pasta barazkiekin

Pasta barazkiekin – 

Osagaiak

  • Tipulin bat, txiki-txiki egina
  • Piper berde bat, txiki-txiki egina
  • Piper gorri bat, txiki-txiki egina
  • Porru bat, txiki-txiki egina
  • Lekak, zerrenda laburretan moztuak eta hariak kenduta. Eskutada bat
  • Dozena bat orburu bihotz, garbiak, lau puskatan moztuak.
  • 6 baratxuri ale, zerrendatan
  • 6 koilarakada oliba olio
  • Perrexil xehatua
  • 600 g pasta, egosi berria, nahi dena (saltsa daramaten plater mota honetarako espagetiak edo tagliatelleak dira egokiak)

Pasta barazkiekin

Errezeta

  1. Pasta barazkiekinZartagin batean 3 koilarakada olio jarri eta orburu bihotzak sartu, gatz pixka batekin, pixkana-pixkana salteatu daitezen. Gorritu daitezela gutxika-gutxika, orburuak xamurtuz joateko. Gutxienez 15 minutu beharko dira, su motelean.
  2. Orburuak atera, zartaginean beste 2 koilarakada olio gehiago jarri eta lekak gehitu. 10 minutuan salteatuko ditugu su ez oso bizian, gatz pixar batekin. Berde-berde gelditu daitezela. Orburuekin batera aterako ditugu.
  3. Orduan gainerako olioa gehitu, baita tipulina, baratxuriak, piperrak eta porrua ere, gatz pixka batekin. Salteatu daitezela su bizi samarrean, gorritu daitezela, baina bigundu gabe. Hobe gogorxko egotea. Horretarako hobea da, beraz, txiki-txiki eginda egotea dena eta di-da batean salteatzea.
  4. Orduan gorderik ditugun barazkiak gehitu, orburuak eta lekak, eta gatz pixar bat eman.
  5. Bukatzeko, pasta egosi berria eta xukatua gehituko dugu. Pasta salteatu eta ongi nahas dadila gainerakoarekin. Par-par bota perrexila gainetik eta zerbitzatu.

…

Akaso!

Pasta 4 eratan azkar egiteko…

 Gennaro Contaldo-ren Vegetable & Pancetta Penne RZ…

Pasta barazkiekin
gogokoa
2018-01-12

Arroza entsaladan

Arroza entsaladan – 

Osagaiak

  • Arroz zuria, kilo erdia
  • 2 baratxuri ale, osorik
  • Oliba olio birjina, 3 koilarakada
  • 2 litro ur
  • 3 tomate, ongi helduak
  • Piper berde bat, txikitua
  • Tipulin bat, txikitua
  • Gatza

Arroza entsaladan

Errezeta

  1. Kazola zabal batean, olioa jarriko dugu, baratxuri aleekin, baina hauek osorik eta zuritu gabe. Su motelean berotu dadila eta baratxuriak gorritzen hasten direla ikusten dugunean, orduan arroza gehitu eta nahasi pixka batean. Gatza eman eta ur beroa isuri kazolara (nahi izanez gero, salda kontzentratuaren plantilla bat ere jar genezake).
  2. Irakiten utzi, ez indarrez, arroza egosia dagoela ikusi arte, hau da, 15 bat minutuz. Ura kendu eta hozten utzi. Denbora sobera pasatu baldin badu arrozak egosten, hauxe dugu konponbide erraz bat: laster xukatu eta ur hotzetik pasarazi, egostea eteteko.
  3. Tomateei azala kendu eta dado txikitan moztuko ditugu. Piper berdea eta tipulina gehitu gero. Behar duen gatza eman eta oliba olio birjina isuri, oparo, zorrotada eder bat. Arroza gehitu eta ongi nahasi. Beharrezkoa balitz, pixka bat gazitu berriz.

…

Kasu!

Arrozarekin egindako honelako entsalada bati osagaiak aldatzen ahal dizkiogu, gure gustuen edo haurren gustuen arabera. Urdaiazpiko egosia dadotan, kontserbako arto ale egosiak, egositako saltxitxa zerrak, maionesa pixka bat, oliba txikituak, kaparrak, arrautza egosi txikitua, ozpin pixka bat.

…

Akaso!

Karlos Argiñanoren arroz entsalada kakahuete eta indioilarrarekin RZ azkarra:

Arroza entsaladan
gogokoa
2017-10-24

Patata tortilla

Patata tortilla – 

Gaurkoan sukaldearen funtsa litzatekeena dakarkizugu, RZ primarioa edo lehen RZ! Sukaldean eta geure bizitzetan oinarrizko den patata tortilla RZ, ondo egina eta sukaldeko teknikak ikasteko egiten ari garen bidean geldialdi gurtu bat eginaz. Noiznahi jateko moduko RZ, parranda osterako primerakoa betidanik geuretzat behintzat, prestatzeko azkar eta benetan erraza. Gozatu eta on egin!  🙂

…

Osagaiak

  • 2 dl oliba olio
  • 200 g tipulin, pikatua
  • 100 g piper berde, pikatua
  • baratxuri ale bat, pikatua
  • 800 g patata, zurituak eta dadotan moztuak
  • 8/9 arrautza fresko
  • Gatza

Patata tortilla

Patata tortillaErrezeta

  1. Padera zabal batean olioa isuri eta gero, bizi-bizi piztuko dugu sua. Olioa ongi berotu dela sumatu orduko, tipulin pikatua, piperra, baratxuria eta patata irauliko ditugu, eta bizkor irauliko dugu guztia bitsadera batez, gaiak egokiro nahas daitezen. Garrantzitsua da patatei sutara baino lehen gatzik ez ematea. Horrela lortuko dugu pure ez bihurtzea. Hobe dugu arrautza joa gerokoan gazitzen badugu, askoz hobeago aterako zaigu tortilla horrela jokatuta. Su ertainean jarriko dugu ondoren padera eta 30 minutuan edukiko dugu dena berotzen, barazkiei eraginez egiten ari direla sumatu orduko.
  2. Tarte horren ondoan xukatuko dugu olioa, padera iragazki baterantz makurturik edo, bitsadera batez, barazkiak paderatik atereaz. Erreserban utziko dugu tortilla mamitzeko erabiliko dugun olio partea eta paper xurgatzaile batez garbituko dugu padera, geroago erabiltzeko.
  3. Ontzi batean hautsi eta joko ditugu arrautzak, gatza oparo emanez. Barazki xukatuak erantsiko dizkiegu arrautzei. Su bizian jarriko dugu berriro padera eta olio tanta batzuk isuriko ditugu hartan, erreserban utzitakotik hartuta. Arrautza-salda isuriko dugu ondoren, azal kurruskari bat eragiteko moduan, eta zirkulutan eragingo diogu paderari hondoa itsats ez dakion. 30 bat segundo igaro ondoan, irauli egingo dugu tortilla beste plater baten laguntzaz eta mamitzen utziko dugu beste aldetik, padera, olio tanta batzuk gehiago isuri ondoan, ongi berotu eta gero.
  4. Azkenik, plater batean ipini eta entsalada berde batekin zerbitzatuko dugu tortilla.

…

Akaso!

Patata tortillari deitura aldatzen

Nafar tortilla munduan zabaltzen

Patata tortillari spanish omelette esaten diote atzerriko leku askotan, hemen bideoa akaso…

Patata tortilla

gogokoa
2017-10-19

Pa amb tomaquet

Pa amb tomaquet – 

Osagaiak

  • Ogi biribila, xerra loditan moztua
  • Tomate freskoa eta umoa
  • Oliba olioa
  • Gatza

…

Errezeta

  1. Mami xamurrekoa eta azal kraskatsukoa da errezeta honetan erabili beharreko ogia, gure lagun kataluniarrek pan de payés deitzen dutena. Ahhh! gorroto egingo gaituzte esan behar dugunagatik, baina errezeta hau oso ongi gelditzen da hasteko ogia azaletik txigortzen badugu, Heresia gaitza, esango digute! Pikutara heresiak!
  2. Bi aldeetatik igurtziko ditugu ogi xerrak tomate erdi umoekin, ogiak haien zukua ongi har dezan. Hori egin aurretik, bitan zatituriko baratxuri batez igurzten baditugu, talibanen batek errezeta hori jatorrizkoa ez dela argudiatuko digu, baina tira!
  3. Azkenik, gatza eman eta oliba olio ugariz garaztatuko ditugu ogi xerrak. Olio jarioan geldi daitezela malapartatuak!

…

Kasu!

Hestekiak, urdaiazpiko iberiarra, natxoak gatzetan, mojama, butifarra erreak, eta abarrak aurkeztu ahal izango ditugu ondoan. Edozein ogitarteko prestatu behar dugunean, ogia gisa honetan prestatzen badugu, bizia askoz ere gozoagoa izango da eta bizkorrago igaroko dira gure pena guztiak.

…

Akaso!

Hemen bideo bat errezeta tradizionala erakutsiz…

Pa amb tomaquet
gogokoa
2017-09-10

Piperrada

Piperrada – 

Osagaiak:

  • 2 baratxuri atal
  • 2 tipulin
  • 3 piper berde handi
  • 2 piper gorri morro
  • oliba olioa
  • gatza

…

Errezeta:

  1. Baratxuriak zuritu eta pikatu
  2. Piper berde eta gorriak zerrenda finetan moztu, juliana eran
  3. Tipulina garbitu eta juliana eran moztu.
  4. Zartagin txiki batean oliba olioa jarri eta baratxuria gorritu
  5. Tipula gehitu eta su bizian landu, gatza gehitu tipulak ura gal dezan
  6. Tipula gardentzen hasten denean piper zatiak gehitu
  7. Guztia elkarrekin landu eta su ertainean jarri egosten
  8. 30 minutu inguru behar ditu piperradak egosten prest izateko

 

Piperrada

PIPERRADA (BAKAILAOAREKIN) Boca Dorada

Kasu!

Haragi zein arrain askoren lagungarri eta funts gisara erabil daiteke. Argazkikoa bakailaoarekin dago, baina izan daiteke legatz frijituarekin, atunarekin, haragi xerra ogiztatuekin… Harriak ere bikainak izan daitezke piperrada_on batekin.

Iparraldean ohikoa da, tomatea gehituta, xingarrarekin eta arrautza frijituekin.

Piperrada
gogokoa
2017-09-07

Abena edo oloa, esnea, platanoa eta kakao gosari/merienda edo postrea

Abena edo oloa, esnea, platanoa eta kakao gosari / merienda edo postrea – 

Osagaiak

  • 800 ml esne
  • 120 g abena edo olo
  • 2 platano
  • kakaoa
  • 120 g azukre moreno edo panela
  • galleta edo bizkotxoa (aukerakoa)

 

Errezeta

  1. Platanoak zuritu eta zm bateko xerra borobiletan egin, eta bandeja batean zabaldu.
  2. Azukrea ur pitin baten laguntzarekin karamelu egin zartagian. Gustuko den puntuan dagoenean platano zatiak karameluz estali eta hozten utzi.
  3. Mikrouhinean esnea berotu eta beroa dagoela, hoztutako platano zatiak gehitu, kakaoa (nahaieran) eta olo kopoak.
  4. Dena ongi nahasi eta jan!

…

Akaso!

Batidua? Beganoentzat ere bai…

Abena edo oloa, esnea, platanoa eta kakao gosari / merienda edo postrea 
gogokoa
2017-08-24

Dilista, azenario eta kuia entsalada

Dilista, azenario eta kuia entsalada – 

Osagaiak

  • Egositako dilista edo lenteja pote bat
  • 8 azenario berri/txiki/finak
  • 200 g kuia
  • “roble” letxuga ale bat
  • Eskarola buru bat
  • Sesamoa
  • Oliba olioa
  • Ozpina
  • Kurkuma

…

Errezeta

  1. Lehenik eta behin, dilistak iragazi ur txorrotaren azpian, poteko gehiegizko ura kendu eta bide batez, hauek garbitzeko.
  2. Kuia zuritu eta dadotan egosi xamurr0a egon arte.
  3. Azenarioak garbitu eta oliba olio pitin batez 180ºtan erre xamurrak dauden arte.
  4. Platerean eskarola eta letxuga apur bat ezarri oinean, kuia egosi dadotxo batzuk ondoren eta dilista koilarakada bat hauen gainera.
  5. Amaitzeko, azenario erre pare bat ezarri platereko. Olioari, ozpin eta kurkuma pitin bat gehitu eta sesamo eta oliozpin honekin, platera ondu.

…

Kasu!

Hozkailuan dugun beste osagairen bat geitzeko aukera ematen dute entsaladek, gazta, piperra, etab.

…

Akaso!

Kalabaza erre, dilista eta kuskus entsalada RZ eta antzekoak oso popularrak dira munduan, adibidez:

Dilista, azenario eta kuia entsalada
gogokoa